Me emrin e All-llahut , Meshiruesit , Meshirberesit



Agjërimi i ditës së shtunë



Për agjërimin nafile të ditës së shtunë, dijetarët janë në mospajtim. Disa prej tyre mendojnë se agjërimi i ditës së shtunë nuk lejohet, duke u argumentuar me hadithin në të cilin Profeti (Paqja dhe bekimi i Allahut qofshin mbi të!) ka thënë:

“Mos agjëroni ditën e shtunë, përveç nëse jeni në agjërim të detyruar (farz)! Nëse ndonjë prej jush nuk gjen ushqim, atëherë le të marrë nga tungu i pemës dhe le të hajë prej saj!” Ebu Daudi, Ed Darmi, Ahmedi, Ibn Huzejme.

Lejth ibn Sad (një prej dijetarëve të hadithit) ka thënë: “ Nëse ky hadith përmendej në prani të Ibn Shihab ez Zuhrit, ai thoshte se ky është hadith himsij (i tansmetuar nga banorët e qytetit Himsij në Siri) dhe është në kundërshtim me hadithin e saktë.”

Mendimi i imam Zuhriut është mëndimi i shumicës së dijetarëve. Argument për këtë është hadithi i transmetuar nga Buhariu dhe Muslimi se Profeti (Paqja dhe bekimi i Allahut qofshin mbi të!) ka thënë:

“Asnjë prej jush mos të agjërojë ditën e xhuma, me kusht që të agjërojë një ditë para dhe pas saj!”

Kështu, shumica e dijetarëve janë argumentuar me këtë hadith se agjërimi në ditën e shtunë është i lejuar, pasi sipas hadithit të mësipërm ajo ditë vjen pas ditës së xhuma. Nga kjo qartësohet se agjërimi i ditës së shtunë nuk lejohet si ditë e veçantë, me përjashtim nëse ky agjërim është si vazhim i agjërimit të ditës së xhuma apo për shkak të agjërimit të ditës së Arafatit, ditëve të bardha apo ditës së ashuras.

Imam Tirmidhiu përmend mendimin e shumicës së dijetarëve duke cituar hadithin në “Sunenin” e tij :

“Kuptimi i të urryerit të agjërimit në ditën e shtunë është posaçërimi i kësaj dite me agjërim, pasi çifutët janë ata që e madhërojnë këtë ditë.”

Allahu e di më së miri.



Postuar nga:
Valeriana Ajdini

__________________
بِِسْمِ اللهِ الرَّحمن الرَّحِيم
Rasulullah (Sallallahu Aleyhi ve Sellem) şöyle buyurdu:
“Allah’a ve ahiret gününe imân eden kimse, komşusuna eziyet etmesin. Allah’a ve ahiret gününe imân eden misafirine ikramda bulunsun. Allah’a ve ahiret gününe imân eden kimse, ya hayır söylesin veya sussun.”
Buhârî, Müslim