Falënderojmë All-llahun Fuqiplotë nga brendësia e zemrës që na mundësoi ta arrijmë muajin Shaban dhe lutemi ta kompletojmë këtë muaj dhe ta arrijmë muajin e madh, muajin e faljes, begatisë, muajin e largimit nga zjarri i Xhehenemit, muajin e Ramazanit.

E hënë, 11 Gusht 2008 09:45
Me afrimin e muajit të Ramazanit, muslimani pritet të filloj një lidhje te re me All-llahun Fuqiplotë, gjithashtu njerëzit që e ndjekin dhe ata që e rrethojnë. Me këtë lidhje të re, ai së pari duhet të kërkoj falje nga të gjitha mëkatet që i ka bërë në mënyrë që ai të jetë prej të zgjedhurve, që All-lahu Fuqiplotë do t'i bekoj në muajin e Ramazanit.

Dr. Sano Houtoub Moustapha, Profesor i jurispodencës dhe principeve te saj, në Universitetin Internacional Islamik - Malajzi, flet se si duhet ta përgatisim veten tonë për muajin e Ramazanit.

T'i lutemi All-llahut Fuqiplotë të na begatoj në muajin Shaban dhe të na jep mundësinë ta agjërojmë muajin e Ramazanit. Për përgatitje sa më të mirë për muajin e shenjtë të Ramazanit, ju këshilloj:



1.Të luteni çdo ditë që All-llahu Fuqiplotë të na jep shansë dhe shëndet që të mund ta agjërojmë muajin e shenjtë.



2.Të pengoheni dhe të kërkoni falje nga All-llahu Fuqiplotë për të gjitha veprat e liga para Ramazanit.



3. Kërkoni nga All-llahu Fuqiplotë t'iu jap fuqi që ta agjëroni këtë muaj në mënyrën se si Ai dëshiron.



4. Kërkoju hallallin të gjithë anëtarëve të familjes, kolegëve, fqinjëve dhe të afërmve që u keni bërë ndonjë punë të ligë.



5.Shmangu nga shpifjet, përgojimet, dhe nga ngatërrimi me njerëzit.



6. Pastroje zemrën tënde nga lakmitë, xhelozia, hipokrizia, arroganca, dhe nga të gjitha sëmundjet (dobësitë) e zemrës.



7. Kërko mirësinë prej prindërve, nëse ata janë të gjallë, dhe kërkoju falje nga mangësitë që keni bërë ndaj tyre.



8.Shtoni lutjet dhe angazhohuni qe ti përfundoni obligimet ditore që keni.

Me kaq mendoj se do të jemi të aftë të arrijmë qëllimin e agjërimit.

Përktheu: Hekuran Hajdari, Kuala Lumpur Malaysia.
11 – 08 - 2008