Besimi në Ditën e Ringjalljes dhe përgaditja për atë ditë

Lexues të ndershëm, në këtë temë do të lexoni argumentet për Ditën e Ringjalljes dhe si duhet të përgaditet njeriu për këtë ditë të vështirë.

Besimi në Ditën e Ringjalljes i përfshin dy gjëra:

1. Shkatërrimin e gjithë këtij universi, dhe

2. Fillimin e botës tjetër

Dita e Kijametit patjetër do të vijë dhe secili njeri do të shpërblehet për atë se çka ka përgaditur në jetën e kësaj bote. Për këtë arsye duhet të besosh se Dita e Kijametit do të vijë dhe se All-llahu do t'i rinjgjallë të gjitha krijesat. Dhe të gjitha krijesat do të tubohen në një vend, dhe se do të vendosen peshoret e drejta dhe secili njeri do të shpërblehet për atë se ç’ka ka punuar në jetën e kësaj bote. Të gjitha këto duhet t’i besosh se do të ndodhin në Ditën e Ringjalljes.

Thotë All-llahu në Kur’an:

“Nuk është tërë e mira (e kufizuar) të ktheni fytyrat tuaja kah lindja ose perëndimi, por mirësi e vërtetë është ajo e atij që i beson All-llahut, Ditës së Gjykimit, engjëjve, librit, pejgamberëve .” [El-Bekare, 177]

Pastaj thotë All-llahu në një ajet tjetër Kur`anor:

“E kur të fryhet në surë një e fryme. Dhe të ngrihen toka e kodrat e t'i mëshojnë njëra-tjetrës me një të goditur. Në atë kohë ndodh e vërteta (kijameti). E qielli çahet, pse ai atë ditë është i raskapitur. Dhe engjëjt qëndrojnë në skajet (anët) e tij, e atë ditë, tetë (engjëj) e bartin mbi vete Arshin e Zotit tënd. Atë ditë ju do të ekspozoheni (para Zotit), duke mos mbetur fshehtë asnjë sekret juaji.” [El-Hakka, 13-18]

“Këtë (e themi për ta ditur) se All-llahu është Ai i vërteti dhe se Ai ringjallë të vdekurit dhe Ai ka fuqi për çdo send. Dhe nuk ka dyshim se kijameti do të vijë patjetër dhe se All- llahu me siguri do t'i ngjallë ata të varrezave (të vdekurit).” [El –Haxh, 6-7]

Pastaj vazhdon All-llahu dhe thotë:

“Ata që nuk besuan, menduan se kurrsesi nuk do të ringjallen. Thuaj: "Po, pasha Zotin tim, pa tjetër do të ringjalleni dhe do të njiheni me atë që keni punuar, e ajo për All-llahun është lehtë!" [Et-Tegabun, 7]

Thotë Hoxha i nderuar All-llahu e mëshiroftë: Obligohet secili njeri, pasiqë nuk e din se kur do ti vij vdekja, që të jetë i përgaditur dhe mos të mashtrohet me rinin dhe shendetin e tij. Përarsye se më së paku që vdesin janë të moshuarit, ndërsa më së shumti që vdesin janë të rinjët. Ke kujdes e mos i bëj All-llahut gjynah sepse përfundimin e ke të keq.

Thotë i Dërguari i All-llahut, Muhammedi sal-lallahu alejhi ve sel-lem: “Shfrytëzoi pesë gjëra para se të vijnë pesë të tjera: Shfrytëzo jetën para se të vije vdekja, shfrytëzo shëndetin para se të vije sëmundja, shfrytëzo kohën e lirë para se të vij koha kur do të jeshë i zënë, shfrytëzo rinin para pleqëris dhe shfrytëzo pasurinë para varfërisë.”

Kurse Omeri, radijallahu anhu, thotë: Llogariteni vetvetn tuaj para se të llogariteni dhe peshoni veprat tuaja para se t`u peshohen të All-llahu dhe përgadituni për të dalur para All-llahut, subhanehu ve teala. Pastaj e lexonte ajetin Kur`anor: “Atë ditë ju do të ekspozoheni (para Zotit), duke mos mbetur i fshehtë asnjë sekret juaji.” [El-Hakka, 18]

Për këtë arsye obligohet secili musliman që të ndalet me veten e tijë në këtë botë dhe ta llogarisë secilën vepër, të cilën e ka vepruar dhe secilën fjalë që e ka thënë. Sepse kush e llogarit vetëveten në këtë botë llogarin do ta ketë me të letë ne botën tjetër.

Lexues të nderuar, muslimani duhet ta llogarisë vetëveten e tij në këtë botë qoftë edhe ne shtratin e vdekjes.

Harun Err-Rreshidit, ai i cili ka qenë halifja i muslimanve dhe i cili iu thoshte reve: oj re, shkoni kah te shkoni, shiun do ta lëshoni në tokat tona. Kur i erdhi vdekja këtij prijësi e shikonte qefinin e tij dhe thoshtë: “Pasuria ime nuk më bëri fare dobi. U hoq prej meje çdo kompetencë imja.” [El-Hakka, 28-29]

Selefët janë shëmbulli më i mirë për neve se si të përgaditemi për vdekjen. Selefët nuk kanë lënë derë prej dyerve të hajrit veçse janë munduar që të hyjnë në to dhe nuk kan lënë derë prej dyerve të sherrit, veçse janë munduar që ta mbyllin atë derë e mos të hyjnë në të dhe mos t’i lënë edhe të tjerët të hyjnë në atë derë të sherrit. E gjitha kjo ka qenë ngase e kanë zbatuar fjalen e All-llahut:

“Dhe ngutuni (me punë që meritoni) në falje mëkatesh nga Zoti juaj dhe për në një Xhennet, gjerësia e të cilit është si gjerësia e qiejve dhe e tokës, i përgatitur për të devotshmit Të cilët japin kur janë shlirë edhe kur janë në vështirësi dhe që e frenojnë mllefin, që u falin (të keqen) njerëzve, e All-llahu i do bamirësit. Edhe ata të cilët kur bëjnë ndonjë (mëkat) të shëmtuar ose i bëjnë zullum vetës së tyre, e përmendin All-llahun dhe kërkojnë falje për mëkatet e tyre - e kushi i falë mëkatet përveç All-llahut? - dhe që duke ditur, nuk vazhdojnë në atë që kanë punuar (në të keqen). Shpërblimi i të tillëve është falja nga Zoti i tyre dhe xhennetet nëpër të cilët rrjedhin lumenj e aty do rrijnë përgjithmonë. Sa i mirë është shpërblimi i atyre që punojnë.” [Ali Imran, 133-136]

Gjithashtu Selefët janë frikësuar nga All-llahu dhe kjo i ka bërë që të jenë të sinqertë me All-llahun. Ata thoshnin për sinqeritetin: “I sinqert është ai i cili i fsheh veprat e mira ashtu siç i fsheh veprat e këqija.”

Gjithashtu janë frikësuar kur e kanë lexuar ajetin Kur`anor: “Në Ditën e Gjykimit Ne do të vëmë peshoja të drejta, e askujt nuk i bëhet e padrejtë asgjë, edhe nëse është (vepra) sa peshoja e një kokrre të melit Ne do ta sjellim atë. E mjafton që Ne jemi llogaritës.” [El-Enbija, 48]

Dhe thotë All-llahu në Kur`an: “O ju që besuat, kinie parasysh frikën ndaj All-llahut dhe le të shikojë njeriu se çka ka bërë për nesër, dhe kinie frikë All-llahun, e s'ka dyshim se All-llahu është që e di në detaje atë që punoni!” [El-Hasher, 18]

Ndërsa kur e lexonin hadithin e të Dërguarit të Allahut, sal-lallahu alejhi ve sel-lem, që thoshte: “Sikur ta dinit atë të cilën e di unë, do të qesheshit pak e do të qajshit shumë”.

Kur i kanë bërë gjynah All-llahut, kanë shpejtuar me pendim duke i kërkuar falje Atij për gjynahin që e kanë bërë.

Thotë All-llahu në Kur’an: “Pendohuni të gjithë te All-llahu, o besimtarë, në mënyrë që të gjeni shpëtim.” [En-Nurë, 31]

Pastaj janë frikësuar se mos nuk po e falënderojnë Allahun sa duhet për të mirat që na i dhuroi Ai, subhanehu ve teala, sepse All-llahu thotë në Kur`an:

“Dhe ai ju dha gjith atë që e kërkuat (që kërkoi nevoja juaj) dhe, edhe në qoftë se përpiqeni t'i numëroni të mirat e All-llahut nuk do të mundë të arrini t'i përkufizoni (në numër). Vërtet, njeriu është i padrejtë dhe shumë përbuzës.” [Ibrahim, 34]

Gjithashtu All-llahu thotë në Kur`an: “Pastaj në atë ditë do të pyeteni për të mirat (e dynjas)”. [Tekathur, 8]

Të gjitha këto që i përmendem më lartë i kanë bërë Selefët nga frika ndaj All-llahut dhe që të jenë të përgaditur për botën tjetër, sepse e kanë ditur se kjo botë është kalimtare dhe do të kalojë shpejt dhe do të vije një ditë kur të gjithë do të dalin para Allahut dhe do të japin përgjëgjësi për të gjitha veprat qe i kanë bërë në jetën e kësaj bote.

E lusim Allahun qe të dalim nga kjo dynja me fjalën “La ilahe il-lallah Muhammedun resulullah”.



Mahmud El-Misrij
Marrë nga libri: Er-Rrihletu ila Daril Ahireh
Përktheu: Lulzim Kabashi