Pytja: A lejohet te vizitohën varret?


Pergjigja: Vizita e varrëve është synet për meshkujt e jo edhe për gratë. Kjo është më e vërteta nga dy mendimet e dijetarëve. Me vizitën e varrëve piksynohet mësimarrja, përkujtimi i vdekjes, lutjet për te vdekurin që t’ia falë Allahu mëkatët dhe t’a mëshirojë atë, vepër kjo që është punuar nga Pejgamberi a.s. dhe ua ka mësuar Sahabëve (Allahu qoftë i kënaqur me ata).

Pra, vizita e varrëve nuk është për të kërkuar ndihmë nga të vdekurit apo pët të kërkuar begati nga ata e as për të kërkuar ndërmejtsim (Shefat) nga ata. Kjo kështu sepse Pejgamberi a.s. ka thënë: “Vizitoni varrët! Vërtet, vizita e tyre ua përkutjon Ahiretin (botën e ardhshme)”. (transmeton muslimi). Gjithashtu, ai a.s. i mëson Sahabët e tij që kur ti vizitojnë varrët të thonë:

“Es-selamu alejkum ehled-dijari minel-mu’miniine vel muslimiine ve inna in-sha-Allahu lahikunë. Nes’elu-llahe lena ve lekum el-afije”.

“Es-selamu alejkum o banorë të këtij vendi, besimtarë e muslimanë. Edhe ne, me urdhërin e Allahut, kur të vijë përcaktimi i Tij, inshallah!, me ju do të radhitemi. Lusim Allahun për ne dhe për ju që të na mëshirojë.”



Komisioni i përhershëm për
hulumtimet shkencore dhe fetva