Caktimi i gjinisë së fëmiut përmes aparatit të quajtur "Ora biologjike"

Nga libri Fikhun-nevazil - diraseh te'silijjeh tatbikijjeh - i autorit Muhammed bin Husejn el- Xhizani

Përktheu Jeton Bozhlani

Një pyetëse me inicialet S. SH. T pyet: (I nderuari myfti (i Arabisë Saudite) në njërën nga gazetat është publikuar lajmi rreth aparatit të quajtur [ Ora biologjike] dhe ky publikim është shkruar si vijon:

[Ora biologjike ndihmon në planifikimin e familjes suaj dhe caktimin e gjinisë së fëmiut; duke e konfirmuar këtë me hadithin e Pejgamberit i cili thotë: "Nëse uji (sperma) i mashkullit mbizotëron ujin e femrës atëherë fëmiu është i gjinisë mashkullore, dhe nëse uji i femrës mbizotëron ujin e mashkullit atëherë fëmiu është i gjinisë femrore] . Siç e dini këtë hadith edhe ju i nderuari myfti.

Ndërsa pyetja ime është:

A ka në këtë publikim ndonjë shprehje që vie në kundërshtim me sheriatin?

A është i lejuar përdorimi i këtij aparati të quajtur Ora biologjike?

A është e mundur që në realitet me përdorimin e këtij aparati të bëhet zgjedhja e gjinisë së dëshiruar?

Shpresoj në përgjigjen tuaj i nderuari myfti, Allahu ua dhashtë suksesin aty ku është e mira dhe e vërteta.

Pas studimit nga ana e komisionit për fetva, komisioni u përgjigj se: nuk lejohet përdorimi i këtij aparati për qëllimin e cekur, dhe as nuk lejohet të besohet në gjërat që u përmendën rreth tij, sepse çështja e embrioneve dhe ekzistenca e tyre në mitra si dhe gjinia e tyre është gjë e fshehtë (gajb) të cilën nuk e di askush pos Allahut, bile edhe meleku që është i caktuar për embrionet kur ai i fryen shpirtrat në ta, e pyet Zotin e tij: (Do të jetë mashkull apo femër?)… Ndërsa Allahu thotë: (Allahut i përket mbisundimi i qiejve dhe i tokës. Ai krijon çfarë Ai do. Ai i dhuron fëmijë femra kujt do Ai dhe Ai i dhuron fëmijë meshkuj atij që do Ai. Ose Ai dhuron të dy: edhe meshkuj, edhe femra dhe Ai bën që të mbetet steril atë që Ai do. Vërtet që Ai është i Gjithëdituri dhe Ai është i Zoti për të bërë çdo gjë). Esh-Shura: 49-50.

Komisioni i Përhershëm për Studime dhe Fetva, nr. (19458), Rijad

__________________
U pyet Shabiu për një çështje dhe tha: “Nuk e zotëroj.” Shokët e tij i thanë: “Të turpëruam.” Ai tha: “Melekët nuk u turpëruan kur thanë: ‘ ... Ne nuk dimë asgjë më tepër nga ç’na ke mësuar Ti’ …" Bekare, 32.
Ka thënë Ibn Mes'udi – kënaqësia e Allahut qoftë me të!–: "O njerëz! Kush pyetet për dije dhe e di atë le ta thotë. Kush pyetet dhe nuk ka dije le të thotë Allahu është i dijshëm, sepse për atë që nuk e di, është prej dijes të thuash: Allahu është i dijshëm".