Në fetvanë e Komisionit të Përhershëm për Fetua [15/297] thuhet:

"Nuk është e lejueshme për një musliman të sigurohet prej sëmundjes, qoftë në një vend musliman apo në atë të mosbesimtarëve, sepse kjo përfshin paqartësi dhe një lloj kumari [bixhoz].


Nuk është e lejueshme për një musliman ta sigurojë jetën e vet, apo të gjitha aftësitë e tija fizike, apo ta sigurojë pasurinë e vet, pronën, veturat dhe të ngjashmet me këto, qoftë kjo në një vend musliman apo në një vend mosbesimtar, sepse këto janë lloje të sigurimeve komerciale, çka është haram nga shkaku se në këtë ka paqartësi dhe një lloj kumari".

Shejh Ibn Uthejmin, Allahu e mëshiroftë, ka thënë:

"Sigurim do të thotë që personi t'i paguajë një sasi të caktuar parash kompanisë çdo muaj apo çdo vit, për t'u siguruar nga ndonjë aksident që mund t'i ndodhë gjësë së siguruar.


Dihet që ai i cili paguan sigurim, humb në të gjitha rastet, kurse kompania e sigurimit mund të fitojë apo të humbasë, sepse, nëse aksidenti është tepër serioz dhe kushton më shumë se shuma e paguar nga klienti, kompania do të humbasë; nëse dëmi është i vogël dhe kushton më pak se paratë e paguara nga klienti, apo nëse aksidenti nuk ndodh fare, atëherë kompania do të fitojë ndërsa klienti do të humbasë.


Kjo lloj kontrate – dmth kontratat në të cilat personi mund të fitojë apo të humbasë – konsiderohet si një lloj kumari, të cilën Allahu e ka ndaluar në Librin e Tij dhe e përmend atë krahas pirjes së alkoolit dhe adhurimit të idhujve.


Bazuar në këtë, ky lloj sigurimi është haram. Nuk di të ketë ndonjë lloj sigurimi të lejuar, i cili bazohet në paqartësi, madje të gjitha llojet janë haram, për shkak të hadithit të Ebu Hurejres i cili kumtoi që i dërguari i Allahut, salallahu alejhi ue selam, e ka ndaluar tregtinë të bazuar në paqartësi".


Po ashtu, shejh Ibn Uthejmin ka thënë:


"Sigurimi i jetës nuk është i lejueshëm, sepse, nëse i vjen engjëlli i vdekjes atij që siguron jetën, ai s'mund t'i referohet kompanisë së sigurimeve. Pra, ky është një gabim dhe një devijim qesharak, që nënkupton mbështetje në këtë kompani në vend të Allahut. Sepse personi po varet në kompaninë që, nëse ai vdes, të përkujdeset për trashëgimtarët e tij, gjë që do të thotë mbështetje në diçka tjetër veç Allahut.


Kjo është e ngjashme me kumarin. Në fakt, kjo është bixhoz. Në Librin e Tij, Allahu e përmend kumarin krahas shirkut, parashikimit me shigjeta dhe alkoolit.


Në rastin e sigurimit, personi mund të paguajë për vite të tëra dhe mund të humbasë. Por, nëse ai vdesë pa vonuar, kompania është humbëse. Të gjitha kontratat në të cilat mund të ketë fitime dhe humbje, janë lloje kumari". [Ulema el-Beled el-Haram, f.652, 653

__________________