Pyetje: Nganjëherë koha e mësimit në shkollë fillon para kohës së namazit, dmth në orën 12:00 për namazin e drekës dhe në 16:40 për ikindinë, dhe s'mund të falem në shkollë, sepse s'ka vend të përshtatshëm për namaz. Kështu, namazet farz jam e detyruar t'i fali të bashkuara dhe nganjëherë bëhen tre namazet farz bashkë. Cili është vendimi mbi namazin tim? Ju lutem, më këshilloni. Allahu ju shpërbleftë me të mira.



Përgjigje: Sa i përket bashkimit të dy namazeve, në këtë s'ka kurrgjë të keqe në këtë rast, sepse kjo është e domosdoshme, siç është bashkimi i namazit të drekës me ikindinë dhe akshamit me jacinë. Sa i përket bashkimit të ikindisë me akshamin, për shembull, kjo s'është e lejueshme, sepse nuk lejohet të vonosh namazin përtej kohës së vet në asnjë rrethanë. Bazuar në këtë, në këtë rast, nëse ajo ka frikë se do t'i përfundojë koha e namazit që s'mund të bashkohet me namazin e radhës, atëherë ajo duhet të falet në çfarëdo mënyre që mundet. Pra, nëse ajo, për shembull, shkon në shkollë në kohën e ikindisë dhe aty s'mund ta falë ikindinë, atëherë duhet ta bashkojë ikindinë me namazin e drekës në kohën e namazit të drekës e pastaj të shkojë në shkollë. Pra, nuk është e lejueshme për një grua apo kushdo qoftë tjetër t'i bashkojë dy namaze që nuk është e lejueshme të bashkohen. Personi mund të bashkojë vetëm ato që është e lejueshme të bashkohen, si bashkimi i drekës me ikindinë në kohën e drekës apo në kohën e ikindisë, si edhe bashkimi i akshamit me jacinë në kohën e akshamit apo të jacisë, kur ka nevojë për këtë.



Nga shejh Ibn Uthejmin - Fetaua Nur el-Darb

__________________
" Një natë kur martohem me një grua të bukur të cilën e dua shumë , nuk është më e dashur për mua se sa një natë shumë e ftohtë ku bahet akulli , e unë jam në një Qetë ( Brigad ) edhe e pres mëngjesin atë natë për me i Luftu Qafirat ( jobesimtarët ) " [ Halid Ibën Velid ]