Pyetja:
çka kanë për obligim të sëmurit lidhur me pastërtinë dhe namazin

Përgjigjja:

Mënyra e pastrimit të të sëmurit

Themi: Këto janë ca fjalë të shkurtëra për të treguar se çka kanë për obligim të sëmurit lidhur me pastërtinë dhe namazin. Ngase i sëmuri ka dispozita të veçanta për shkak të gjendjes në të cilën gjindet, për të cilën gjendje sheriati Islam është kujdesur. All-llahu, subhanehu ue teala, e ka dërguar Muhammedin [sal-lall-llahu alejhi ue sel-lem] me fe të pastër e të lartë e cila është e vënduar mbi themele të lehtësimit. All-llahu [azze ue xhel-le] ka thënë: “...dhe nuk ju obligoi në fé me ndonjë vështirësi...”. (el-Haxh 78); “All-llahu dëshiron lehtësim për ju, e nuk dëshiron vështërsim për ju”. (el-Bekare 185) dhe ka thënë: “Andaj, sa të keni mundësi keni frikë All-llahun, dhe dëgjoni e respektoni...”. (et-Tegabun 16). Resulull-llahu [sal-lall-llahu alejhi ue sel-lem] ka thënë: “Feja është lehtësim”; (Buhariu (39)) dhe ka thënë: “Kur t’ju urdhëroj me diçka, veprone atë sa të keni mundësi”. (Buhariu (7288); Muslimi (1337))
Sipas këtij rregulli themelor, All-llahu [azze ue xhel-le] ka bërë lehtësime në ibadetet e atyre që kanë arsye aq sa është nevoja, që të kenë mundësi ta adhurojnë All-llahun pa ndonjë problem apo vështirësi. E falënderimi i takon vetëm All-llahut.

“Si pastrohet i sëmuri?”

1. E ka obligim të pastrohet me ujë, të merr abdest nga prishja e vogël e abdestit dhe të merr gusëll nga prishja e madhe (xhunubllëku).
2. Nëse ska mundësi të pastrohet me ujë nga pamundësia, nga frika e shtimit të sëmundjes apo vonimi i shërimit, atëherë merr tejemmum.
3. Mënyra e tejemmumit: Të prekë në tokë të pastër me duart e tij një herë, pastaj fërkon fytyrën e pastaj i fërkon duart mes vete.
4. Nëse nuk mundet të pastrohet vetë, atëherë i ndihmon dikush të merr abdest apo tejemmum. Ashtuqë, ky personi tjetër prekë tokën e pastër me duart e tij dhe ia fërkon fytyrën dhe duart e të sëmurit. Sikurse, nëse nuk mundet të merr abdest t’i ndihmojë në marrjen e abdestit.
5. Nëse në ndonjë pjesë të trupit ka plagë, e lanë me ujë, në rast se uji e dëmton atëherë vetëm e fërkon një herë me dorë të lagur, e nëse edhe fërkimi e dëmton atëherë merr tejemmum.
6. Nëse ka ndonjë gjymtyrë të thyer, të lidhur me fashë apo të mbështjellur me gips, atëherë e fërkon atë me ujë dhe nuk e lan, poashtu ska nevojë për tejemmum kjo, sepse fërkimi e zëvendëson larjen.
7. Lejohet të merr abdest në mur ose në diç tjetër të pastër ku ka pluhur, e nëse muri është i lyer me diç që nuk e ka esencën prej toke sikurse boja, atëherë nuk lejohet të merr tejemmum në atë mur, përveç nëse mbi të ka pluhur.
8. Nëse nuk mundet të merr tejemmum në tokë, mur apo diç tjetër të pastër që ka pluhur, atëherë nuk prishë punë që t’i sillet një enë apo leckë me dhé, dhe të merr tejemmum prej aty.
9. Nëse merr tejemmum për një namaz dhe nuk e prish tejemmumin deri në kohën e namazit tjetër, mundet të falet me tejemmumin e parë dhe nuk ka nevojë ta përsërisë tejemmumin, për shkak se ende është i pastër, dhe nuk ka ndodhë diç që ia prishë pastërtinë.
10. E ka obligim i sëmuri të pastron trupin nga flliqësirat, e nëse nuk ka mundësi, falet ashtu si është, namazin e ka në rregull dhe nuk duhet ta përsërisë.
11. E ka obligim i sëmuri që të falet me rroba të pastra, e nëse i flliqen rrobat atëherë duhet t’i pastrohen ose t’i ndrrohen me tjera të pastra, e nëse nuk ka mundësi, falet ashtu si është, namazin e ka në rregull dhe nuk duhet ta përsërisë.
12. E ka obligim i sëmuri që të falet në vend të pastër, e nëse i flliqet vendi, duhet patjetër të lahet ose t’i ndrrohet vendi ose të shtrohet diç e pastër mbi vendin e flliqur, e nëse nuk ka mundësi, falet ashtu si është, namazin e ka në rregull dhe nuk duhet ta përsërisë.
13. Nuk i lejohet të sëmurit ta vonon namazin e tij nga koha e vet për shkak të pamundësisë për pastrim, por pastrohet aq sa mundet dhe e falë namazin në kohën e tij edhe nëse ka ndonjë papastërti në trup, rroba apo në vendin ku falet, të cilat nuk mundet t’i largojë.
Muhammed ibën Salih el-Uthejmin

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11