Fshirja e fytyrës me pëllëmbë pas lutjes

Mexhmu Fetaua Ibn Uthejmin, pyetja 781

Shejh Ibn Uthejmin, Allahu pastë mëshirë ndaj tij, qe pyetur lidhur me vendimin për fshirjen e fytyrës me pëllëmbë pas lutjes.


Përgjigja: Fshirja e fytyrës pas lutjes është më e mundshme të mos jetë e parashkruar në Islam, ngaqë hadithet që janë transmetuar për sa i përket kësaj janë da'if [të dobëta]. Shejh el-Islam Ibn Tejmije, Allahu pastë mëshirë ndaj tij, ka thënë:"Ato [hadithet] s'mund të përdoren si dëshmi. Nëse nuk jemi të sigurt apo mendojmë që është më e mundshme të mos jetë parashkruar kjo, atëherë është më mirë të mos bëhet ngaqë vendimet Islamike nuk mund të provohen në bazë të një supozimi të thjeshtë, përveç nëse besojmë që me gjasë ky është rasti".

Çfarë mendoj lidhur me fshirjen e fytyrës me pëllëmbë pas lutjes, është se kjo nuk është Sunet. Siç dihet mirë, pejgamberi, salallahu alejhi ue selam, është lutur për shi gjatë hutbes së Xhumas dhe ka ngritur duart, por s'ka dëshmi që ai ka fshirë fytyrën.