Shejh ibn Uthejmini –rahimehullah- sqaron gjykimin e tij mbi fotografitë
(Fatawa Islamiyah-volume fetvash të përkthyera në anglisht, vol.8, fq.165-166)





Pyetje:“Shejhut të nderuar Muhamed ibn Salih el-Uthejmin, es-selamu alejkum ue rahmetullahi ue barakatuh.


Sot, në ditët tona, ne shohim fotografi të ndryshme, të mëdha e të vogla, nëpër dyqane dhe supermarkete. Ata janë fotografi të njerëzve me famë, fotografi që janë vendosur për t'i dhënë emër produktit. Kur ne ia tërheqim vëmendjen pronarëve të dyqaneve se kjo gjë nuk lejohet, ata na thanë që këto fotografi nuk janë tre-dimensionale dhe nuk bëjnë hije, dhe për këtë arsye janë të lejuara. Ata thonë se kanë lexuar një fetva nga ju në revistën ‘El-Muslimun’, një fetva që tregon që fotografia tre-dimensionale ose diçka që ka trup është haram (nuk lejohet), por ndryshe nga këto nuk është haram. Ju lutemi, na e sqaroni këtë çështje. Allahu ju shpërbleftë me të mira, dhe selamun alejkum ue rahmetullah.”


Përgjigje:“Bismil-lahirr-Rrahmanirr-Rrahim, ue alejkumus-selam ue rahmetullahi ue barakatuh.


Kushdo që ma vesh mua thënien se fotografia që ka trup është haram, por përveç kësaj nuk është haram, ka gënjyer ndaj meje. Unë mbaj mendimin që nuk lejohet të kesh çfarëdo fotografie, pa marrë parasysh a është fotografi nëpër rroba për të rritur apo për fëmijë. Të gjitha fotografitë, përfshirë këtu edhe ata që mbahen si kujtim, nuk lejohen, përveç nëse është e domosdoshme që të kesh ose të bësh ndonjë.”