Si mund ta realizojmë dashurinë tonë ndaj të Dërguarit të All-llahut SalAll-llahu Alejhi ve Selem ?


Pyetje: Si mund ta realizojmë dashurinë tonë ndaj të dërguarit të Allahut [salallahu alejhi ue selam]

Përgjigje: Dashuria ndaj të dërguarit SalAll-llahu Alejhi ve Selem dhe ndaj Allahut realizohet duke ndjekur të dërguarin SalAll-llahu Alejhi ve Selem. Kushdo që ndjek të dërguarin SalAll-llahu Alejhi ve Selem, është më i përshtatshëm për dashurinë e Allahut dhe dashurinë e të dërguarit të Tij. Allahu thotë:

"Thuaj: Nëse vërtet e doni Allahun, atëherë më ndiqni, dhe Allahu do t'ju dojë " [Aal Imran, 31]

Shenjë e dashurisë së një njeriu ndaj të dërguarit SalAll-llahu Alejhi ve Selem është se ai mëson Sunetin dhe pastaj e zbaton atë, pa shtuar apo pa hequr diçka nga ajo që mëson. Bazuar në këtë, ata që shpikin ndonjë gjë që ka të bëjë me pejgamberin SalAll-llahu Alejhi ve Selem dhe pohojnë se ajo është nga dashuria dhe nderi që kanë për të, ata nuk e duan atë e as nuk e nderojnë. Kjo, sepse dashuria dhe nderi i vërtetë ndaj tij realizohet duke ndjekur mësimet e tij, jo duke i shtuar Sheriatit të tij apo duke hequr diçka nga ai.

Vërtet, kushdo që dëshiron të shpikë në Sheriatin e Allahut diçka që s'është prej tij, dashuria e tij ndaj Allahut dhe ndaj të dërguarit të Tij, pa dyshim, është e pakët. Sepse nuk është mirësjellje dhe nderim që ta vendosim veten para Allahut dhe para të dërguarit të Tij. Allahu i lartësuar thotë:

"O ju që besoni, mos e vendosni veten përpara Allahut dhe përpara të dërguarit të Tij dhe kini frikë Allahun. Vërtet, Allahu dëgjon gjithçka, sheh gjithçka. O ju që besoni, mos ngrini zërat tuaj mbi zërin e pejgamberit e as mos i flisni atij me zë të lartë, siç flisni më njëri-tjetrin, se mos po asgjësohen veprat tuaja ndërsa nuk e vëreni këtë" [el-Huxhurat, 1-2]

Sheikh Ibn Uthejmin
Fetaua nurun ala ed-Darb, vëll.2, faqe 522, pyetja 414

__________________
Jakub el-Makfufi ka thënë: "Person i sinqertë është ai i cili i fsheh veprat e tij të mira sikurse që i fsheh veprat e tij të liga."