A lejohet pjesmarja në manifestimin e festave të jobesimtarëve?

Pyetja:

I kam parë shumë prej muslimanëve duke mar pjesë në festimin e vitit të rid he disa festa të tjera (të jobesimtarëve), a ka ndonjë argument nga Kur'ani ose Sunneti që tu tregoj atyre se pjesëmarrja në këto festime është e ndaluar?

Përgjigjeja:

Falënderimi i takon vetëm Allahut (Subhanehu ue Teala).
Pjesmarja në manifestimin e festive të qafirave (jobesimtarëve) është e ndaluar për këto shkaqe:

1. Pjesëmarrja në manifestimin e festave të vitit të ri, apo në përgjithësi festave të tyre, aludon në përngjasimin e atij populli. Pejgamberi s.a.v.a ka thënë:
{ Ai i cili i përgjason një populli, ai është prej tyre. }
[Ebu Davudi]

Dhe ky hadith është një kërcënim i rrezikshëm. Abdullah ibn Asi ka thënë:
{ Ai i cili ndërton shtëpinë në vendin e qafirëve (pran tyre), feston vitin e ri të tyre, dhe i përgjason atyre derisa të vdes, në ditën e gjykimit do të jet prej të humburve. }

2. Pjesëmarrja në festat e tyre është një lloj dashurie ndaj tyre. Allahu (Subhanehu ue Teala) thotë:
"O ju që besuat! Mos zini miq as jehuditë, e as të krishterët."
[El-Maide, 51] dhe thotë:
"mos e zini mik armikun Tim dhe armikun tuaj, duke shprehur ndaj tyre dashuri, kur dihet se ata mohuan të vërtetën që u erdhi juve."
[El-Mumtehine, 1]

3. Festat janë çështje fetare dhe çështje e Akides (besimit), dhe nuk është traditë e kësaj bote, siç ka thënë Pejgamberi (SalAllahu alejhi ue selem):
{ Çdo popull i ka festat e tyre, dhe kjo (dy bajramet) është festa jonë. }

Festat e tyre tregojnë besimin e tyre të kotë, të kufrit dhe shirkut.

4. Allahu (Subhanehu ue Teala) thotë:
"(Robërit e Zotit janë) Edhe ata që nuk dëshmojnë rrejshëm dhe kur (rastësisht) kalojnë pranë të keqes, kalojnë duke e ruajtur karakterin e vet."
[El-Furkan, 72]

Dijetarët thonë se ajeti (kur kalojnë pran të keqes) ka për qëllim festat e mushrikëve, dhe nuk lejohet t’u jepet apo t’u shiten kartolina atyre për festat e tyre, apo çdo send që ka të bëjë me festat e tyre, si p.sh dritat e bredhave, bredhat, etj.

Autor: Muhammed Salih El Munexhxhid
Përktheu: Eroll Nesimi
Burimi: Kur´an dhe Sunnet - Faqe Islame në Gjuhën Shqipe