Pyetja:

Kam një çështje që shumë më brengos dhe më shkakton shqetësime të mëdha. Fjala është se unë kam bërë zina me një femër e tani nuk di se si të pendohem. A më lejohet mua martesa me të për ta mbuluar çështjen?

Përgjigjja:

Aq shumë po shtrohen pyetje rreth pandershmërisë, kohëve të fundit, saqë është bërë e domosdoshme që muslimanët t'i rishikojnë gjendjet e tyre dhe të udhëzohen sipas Kur'anit dhe Sunnetit, posaçërisht në çështjen e uljes së shikimit, ndalimit në vetmi me atë që e ke të ndaluar, të përshëndeturit me femrën e huaj dhe mbajtja e mbulesës islame. Sa i përket pyetjes, së sipërshtruar, ai i cili bën zina ka vepruar në njërën prej këtyre dy mënyrave:
1 - Ose ka bërë zina me një femër me dhunë dhe me presion, e për këtë person është obligim t'ia japë mehrin e standardit të saj, si kompensim për dëmin që ia ka shkaktuar krahas teubes së sinqertë që duhet bërë. Nëse është duke jetuar në një shtet ku praktikohet sheriati, atëherë duhet edhe t'i ekzekutohet dënimi nëse çështja e tij është publikuar në organet përkatëse të shtetit.
2 - Ose ka bërë zina me dëshirën e saj. Në këtë rast prej tij kërkohet vetëm teubeja. Nëse ajo lind, fëmija nuk i
takon atij, nuk e ka për detyrë ta furnizoj për shkak se fëmija ka lindur prej fasikut (e ky tanimë ka bërë teube
dhe nuk është më fasik). Në këtë rast fëmija i takon nënës e nuk guxon t'i takojë zinaqarit që ka bërë teube.
Atij që është penduar nuk i lejohet martesa me femrën për ta mbuluar çështjen. All-llahu në Kur'an thotë: "Laviri nuk do të duhej të martohej me tjetërkend, pos me ndonjë lavire ose idhujtare, e lavirja, me të nuk do të duhej të martohej kush, përpos ndonjë lavir ose idhujtar" (Nur:3)
Nuk lejohet të kurorëzohet një femër e cila në barkun e saj mban fëmijë nga zinaja, edhe nëse është prej po të njëjtit person. Gjithashtu nuk lejohet të kurorëzohet një femër e cila nuk e di se a është me barrë apo jo. Por, nëse pendohet ai dhe pendohet ajo me teube të sinqertë dhe vërtetohet joshtatëzania e saj, i lejohet atij ta marrë për grua atë, dhe të fillojë me të jetë të re që është i kënaqur All-llahu.

Marrë nga libri: Dëshiroj të pendohem, por …

Autor: Muhammed Salih el-Munexhid

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11