Pyetja:

A është e lejueshme mbajtja e leksioneve dhe mësimeve të cilat flasin për Isain (Jezuin) gjatë ditëve të vitit të ri, me qëllim që të ftojmë të krishterët në fenë islame?

Përgjigjja:

Ata njerëz që janë me të vërtetë të dhënë pas thirrjes së jomuslimanëve në Islam nuk kanë pse e kufizojnë veprimtarinë e tyre vetëm në ditët kur të krishterët festojnë festën e tyre vjetore, pasi fushat ku ata mund të japin kontributin e tyre janë të shumta, andaj nuk shoh ndonjë arsye për mbajtjen e këtyre mësimeve apo leksioneve në këtë kohë të vitit. Islami e hedh poshtë thënien se qëllimi e justifikon mjetin, pasi ajo bie në kundërshtim të hapur me mësimet e tij, e megjithatë, një pjesë e muslimanëve e përdorin këtë thënie si argument për nxjerrjen e disa dispozitave e rregullave joislame, pasi, sipas tyre, ato janë në interes të jomuslimanëve. Nga ana tjetër shohim se shumë prej muslimanëve shfrytëzojnë ditën e lindjes së Pejgamberit [sal-lall-llahu alejhi ve sel-lem] për të mbajtur fjalime e për të përkujtuar luftën dhe jetën e Tij. Kjo gjë për mendimin tonë nuk është e lejuar, për shkak të pjesëmarrjes në festa që janë në kundërshtim me Islamin.

Muhammed Nasiruddin Albani

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11