ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem.
Veprat më të këqia janë ato të shpikurat, ç`do shpikje është bid'at dhe ç`do bid'at është lajthitje, e ç`do lajthitje të çon në zjarr.

Është pyetur Dijetari i Shekullit Ebu Abdurahman Muhammed Nasirud-din El-Albani (rahimehull-llah).

Pyetja: Nr: (102)


A lejohet të përdoret boja për të ndryshuar ngjyrën e flokëve apo të mjekrës për burrat dhe gratë ???


Përgjigje:


Lejohet që ti lyejë flokët plaku apo plaka dhe nuk lejohet që ti lyejë djali apo vajza.

Lejohet për plakun apo plakën që ti lyejnë pasi ata i kanë flokët e thinjura, dhe boja që përdoret për të lyer flokët mund të jetë e ç`fardo lloj ngjyrë me përjashtim të ngjyrës së zezë.

Dhe argument për këtë kemi dy hadithe:

1) Kur Profeti (salall-llahu alejhi ue ala alihi ie sel-lem) çliroi Meken erdhi Ebu Bekri (radiall-llahu anhu) bashkë me babain e vet tek Profeti (salall-llahu alejhi ue ala alihi ue sel-lem).
Për shkak të thinjave, babai i Ebu Bekrit (radiall-llahu anhu) e kishte mjekrën shumë të bardhë, sikur pambuku.

Kur e pa Profeti (salall-llahu alejhi ue ala alihi ie sel-lem) një gjë të tillë tha:
Ndërrojeni këtë zbardhim (ngjyroseni), por largojuni të zezës.

2) Thotë Profeti (salall-llahu alejhi ue ala alihi ie sel-lem):
Do të vinë njerëz prej ummetit tim që kanë për ti lyer flokët (apo mjekrat) me ngjyrë të zezë, sikur vija e pëllumbit (është një lloj pëllumbi që ka një pjesë shumë të zezë) të tillët s’kanë për ta nuhatur erën e xhennetit. (s’ futen në xhennet).

Marrur nga:
Fetaua Li Shejkhil Albani, vëllimi 3, faqe, 500.

DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
ABDULLAH EBU ABDULLAH.
Kurse për c`do sugjerim mund te me shkruani ne adresen time te hotmailit.
etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.