Bashkërendimi mes "me të majtën e Tij" dhe "Dhe që të dyja Duart e Tija janë të djathta?"

nga shejh Albani
Revista "el-Esaleh" 4/68, 15 Shevval 1413h.


Pyetja: Si të bëjmë përshtatjen e kuptimeve në mes hadithit "me të majtën e Tij", të transmetuar në hadithin e Ibn Umerit, radijaAll-llahu anhuma, në Sahihun e Muslimit, dhe në mes fjalës së tij, sal-lAll-llahu alejhi ve sel-lem:"Dhe që të dyja Duart e Tija janë të djathta?"


Përgjigjja: Nuk ka kundërshtim në mes dy haditheve siç duket sipërfaqësisht, ngase fjala e pejgamberit, sal-lAll-llahu alejhi ve sel-lem:"…dhe që të dyja Duart e Tija janë të djathta", është vërtetim i Fjalës së All-llahut:"Asgjë nuk i ngjason All-llahut, dhe Ai dëgjon e sheh". Andaj ky përshkrim, për të cilin na ka lajmëruar Pejgamberi, sal-lAll-llahu alejhi ve sel-lem, konsiderohet si vërtetim i tenzihut1, kështu që Dora e All-llahut nuk është sikur dora e njeriut: e djathtë apo e majtë, por që të dyja duart e Tija janë të djathta.

Këtu duhet sqaruar edhe një çështje tjetër, e ajo është se transmetimi "me të majtën e Tij" është "shadh", siç e kam sqaruar atë në (librin) "Tahrixh el-Mustalahat el-Erbea fi el-Kur’an" (nr. 1) të Mevdudit. Dhe këtë e vërteton edhe ajo se Ebu Davudi e ka transmetuar dhe ka thënë:"me Dorën tjetër të Tij" në vend të "me të majtën e Tij". Kjo është në pajtim me fjalën e pejgamberit, sal-lAll-llahu alejhi ve sel-lem:"Dhe që të dyja Duart e Tija janë të djathta". All-llahu alem.


1. Se All-llahu është i pastër nga çdo e metë, andaj edhe askush prej krijesave nuk i ngjason Atij.