ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem.
Veprat më të këqia janë ato të shpikurat, ç`do shpikje është bid'at dhe ç`do bid'at është lajthitje, e ç`do lajthitje të çon në zjarr.

Është pyetur Dijetari i Shekullit Ebu Abdurahman Muhammed Nasirud-din El-Albani (rahimehull-llah).

Pyetja: Nr: (21)



Ditën e xhumas kur hatibi është duke mbajtur hutben dhe gjatë hutbes përmend Profetin (salall-llahu alejhi ue ala alihi ue sel-lem), a duhet që ne të dërgojmë salavate???

E bëj këtë pyetje sepse në këtë rast ndodhemi midis 2 haditheve urdhëruese:
I pari që thot se kur përmendet emri i Profetit (salall-llahu alejhi ue ala alihi ue sel-lem), duhet të dërgojmë salavate.
Dhe i dyti që thotë se kur hatibi është duke mbajtur hutben duhet të heshtim!



Pergjigje:



Kur hatibi është duke mbajtur hutben dhe gjatë saj përmend Profetin (salall-llahu alejhi ue ala alihi ue sel-lem), atëherë ne nuk duhet të dërgojmë salavatë, por heshtim dhe dëgjojmë hutben.

Pse ?

1) Ne e dimë se kur hatibi përmend emrin e All-llahut s.u.t. gjatë hutbes, ne nuk shtojmë mbrapa " subhanehu ue teala ", " azze ue xhel " apo xheleshanuhu " etj. sepse nuk e kemi obligim një gjë të tillë, porse obligim e kemi me dëgjuar hutben.

Derisa ne nuk përmendim këto shprehje kur përmendet emri i All-llahut s.u.t, atëherë as kur përmendet emri i Profetit (salall-llahu alejhi ue ala alihi ue sel-lem) nuk e kemi obligim që të dërgojmë salavate.

Sepse Profeti (salall-llahu alejhi ue ala alihi ue sel-lem) i jonë s'mundet me qenë kurrë më i madhëruar se All-llahu s.u.t.

2) Thotë Profeti (salall-llahu alejhi ue ala alihi ue sel-lem) në një hadith:
N.q.s. ditën e xhuma, kur hatibi është duke mbajtur hutben, shoku që ke pranë është duke biseduar me një tjetër dhe ti i thua, hesht, të ikën shpërblimi i xhumas.

Tani qëndrojmë pak këtu.

Ne jashtë kohës së hutbes e kemi obligim që të urdhërojmë në të mirë dhe të ndalojmë nga e keqja, pra kur ne u themi heshtni, atyre që janë duke biseduar në kohën e hutbes, ne jemi duke bërë një veprim që quhet ndalim nga e keqja.

Por megjithëse urdhërimi në të mirë dhe ndalimi nga e keqja është uaxhib (obligim), Profeti (salall-llahu alejhi ue ala alihi ue sel-lem) na ka ndaluar nga ky veprim gjatë mbajtjes së hutbes.

Pse ?

Sepse me dëgju hutben qenka një uaxhib (obligim) më i madh.

Kështu është edhe rasti për dërgimin salavate mbi Profetin (salall-llahu alejhi ue ala alihi ue sel-lem), kur përmendet emri i tij gjatë hutbes.

Po ashtu kanë thënë dijetarët që kur përmendet emri i Profetit (salall-llahu alejhi ue ala alihi ue sel-lem) në një mexhlis (jashtë kohës së hutbes) më shumë se një herë, ne e kemi detyrë që të dërgojmë salavatë vetëm një herë, kurse herët e tjera është mustehab (gjë e pëlqyeshme) të dërgojmë salavatë.

Kurse urdhërimi në të mirë dhe ndalimi nga e keqja është detyrë të bëhet sa herë përsëritet një send që ka nevojë të urdhërohet në të mirë, apo të ndalohet nga e keqja.

Pra urdhërimi në të mirë dhe ndalimi nga e keqja, qenka një uaxhib më i madh se sa dërgimi salavate mbi Profetin (salall-llahu alejhi ue ala alihi ue sel-lem) kur përmendet emri i tij.

Dhe kur neve nuk na lejohet që të urdhërojmë në të mirë dhe të ndalojmë nga e keqja gjatë kohës kur hatibi mban hutben, aq më tepër nuk na lejohet që ne të dërgojmë salavate mbi Profetin (salall-llahu alejhi ue ala alihi ue sel-lem) kur hatibi përmend emrin e tij gjatë hutbes.

Po ashtu nuk lejohet që t'i kthesh selamin (me fjalë) atij që të jep selam gjatë kohës së hutbes.

Marrur nga:
Fetaua Li Shejkhil Albani.

DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
SULEJMAN ABDULLAH EBU ABDULLAH.
Kurse per c`do sugjerim mund te me shkruani ne adresen time te hotmailit. etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.

Bismil-lahirr-rrahmanirr-rrahim
Falenderimi i takon All-llahut, Zotit te Botrave. Paqja dhe Bekimi qofshin mbi te Derguarin e Tij Muhammedin SalAllahu Alejhi ve Selem, familjen e tij, shoket e tij, dhe mbi te gjithe ata qe pasojne rrugen e tij, deri ne Diten e Gjykimit. Amin

Me tutje, vella i dashur, All-llahu te shperblefte per postimet tuaja rreth fetvave te dijetareve.

Sa i perket fetvase se lartepermendur, duhet te cekim se pari se, jo te gjithe dijetaret jane te mendimit te Albanit (All-llahu e meshirofte) rreth kesaj meseleje.

Shkaku kesaj qendron ne dobesine e argumentit qe Sheikh Albani (All-llahu e meshirofte) ka perdorur per mendimin e tij se kjo eshte e ndaluar.

Se pari, ka pohuar se:
Ketu mund te themi se, salavatet nuk jane madherim i Derguarit (SalAllahu Alejhi ve Selem) por jane dua, qe eshte e kunderta e madherimit, per shkak se All-llahu madherohet, ndersa tek e dyta i Madheruari lutet per te Derguarin e Tij (SalAllahu Alejhi ve Selem), per te cilat jemi urdheruar ti shprehim kur te permendet i Derguari i All-llahut (SalAllahu Alejhi ve Selem). Hadithe rreth kesaj jane te shumta dhe te njohura mire, andaj edhe nuk do ti permendim.

Me tutje, rreth pohimit:
..mund te themi se, mu ketu qendron edhe ceshtja kryesore "ihtilafit" se cka nenkuptohet me "laghv" (bisede e kote).

Duke u nisur nga urdherimi per degjimin e Hutbes dhe heshtjes gjate ligjerimti te Hatibit, si urdher i pergjithshem, vijne ndalesat specifike per raste te vecanta, siedhe lejimet specifike per raste te vecanta. P.sh., pas urdherimit te pergjithshem te ndalimit te cdo lloj veprimi gjate hutbes, vjen lejimi per faljen e dy rekateve te mesxhidit, bazuar ne hadithin e qarte. Ne anen tjeter, vjen lejimi i nderhyrjes se personit gjate hutbes ne raste te vecanta, sikurse vjen ne hadithin e atij beduinit qe iu ankua te Derguarit (SalAllahu Alejhi ve Selem) per shkak te thatesires, me c´rast i Dërguari i All-llahut (SalAllahu Alejhi ve Selem) beri dua... Me tutje, vijne argumentet perkatese rreth cfaredo bisede, sic ishte rasti rreth pytjes se Ebu Dardas drejtuar Ubej ibn Kaab-it (All-llahu i meshirofte) rreth shpalljes se ajetit, e keshtu me rradhe.

Do te thote, e tere kjo eshte nderlidhje e ngushte me pyetjen se cka konsiderohet me "laghv" dhe rreth argumenteve te qarta per ndalim, respektivisht lejim specifik.

Parashtrohet pyetja, rreth lejimit apo moslejimit te shprehjes "elhamdulilah" gjate teshtitjes ? Perderisa edhe fjalet e dhikrit dijetaret thone se jane te ndaluara gjate Khutbes, te thenurit "elhamdulilah" gjate teshtitjes konsiderohet si e lejuar, gjegjisht duhet te thuhet qete dhe ne vehte, sikurse thekson edhe Sheikh bin Bazi (All-llahu e meshirofte) (ne Mexhmu Fatava ve Makalat Mutanavi´ah li Samahat el-Sheikh Abd el-Aziz ibn AbdAllah ibn Baz pjesa 12, f. 410). Te njejtin qendrim ka edhe Sheikh Munaxhid (All-llahu e ruajte) rreth dergimit te salavateve kur permendet i Dërguari i All-llahut (SalAllahu Alejhi ve Selem) apo kur njeriu teshtine.

Argument per kete eshte edhe ndalimi rreth te thenurit "jerhamukAllah" (All-llahu te meshirofte) kur dikush teshtine, perderisa nuk ka ndalim rreth te thenurit "elhamdulilah" ne vehte prej vet atij qe teshtine.

Do te thote, derguarja e salavateve te Derguarit te All-llahut (SalAllahu Alejhi ve Selem) kur hatibi e permend ate (Alejhi Selam) eshte i lejuar ne vehte dhe duke mos penguar te tjeret gjate degjimit te hutbes, insha All-llah.

Dhe All-llahu eshte i Gjithedijshmi, Burim i Fuqise.
Falenderimi i takon All-llahut, Zotit te Botrave