ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem.
Veprat më të këqia janë ato të shpikurat, ç`do shpikje është bid'at dhe ç`do bid'at është lajthitje, e ç`do lajthitje të çon në zjarr.

Eshte pyetur Dijetari i Shekullit Ebu Abdurahman Muhammed Nasirud-din El-Albani (rahimehull-llah).

Pyetja: Nr: (13)


Kush janë gurabat (të huajt) që janë përmendur në Hadithin e Profetit (salall-llahu alejhi ue ala alihi ue sel-lem) dhe si mund të bëhemi prej tyre???


Pergjigje:


Përmendim në fillim Hadithin e Profetit (salall-llahu alejhi ue ala alihi ue sel-lem) ku thotë:
Erdhi Islami i huaj dhe ka për t'u kthyer i huaj. Qoftë Tuba për Gurabat ( të huajt).

Tuba siç transmetohet në një Hadith nga Profeti (salall-llahu alejhi ue ala alihi ue sel-lem) është një pemë në Xhennet shumë e madhe, sa që një kalorës mund të vrapojë me kalin e vet, me një shpejtësi shumë të madhe, 1000 vjet nën të dhe përsëri nuk ia del që të dali jashtë diametrit të saj.

E kjo pemë është dhuratë që All-llahu s.u.t. ka për t`ua dhënë gurabave.

Po kush janë gurabatë (të huajt) ?

E kanë pyetur Profetin (salall-llahu alejhi ue ala alihi ue sel-lem):
Kush janë ata o i dërguari i All-llahut ?

Tha Profeti (salall-llahu alejhi ue ala alihi ue sel-lem):
Ata janë një pakicë e njerëzve e që janë të mirë dhe ndodhen midis shumicës së njerëzve, dhe janë tretur në këtë shumicë (d.m.th. nga që janë shumë pak, nuk dallohen në shumicën që e përbëjnë njerëzit e tjerë).

Kjo pakicë ecën siç urdhëron All-llahu s.u.t, kurse të tjerët që përbëjnë shumicën nuk ecin siç urdhëron All-llahu s.u.t, prandaj kjo pakicë që ecën siç urdhëron All-llahu s.u.t. konsiderohet si e huaj.

Kurse në një hadith tjetër ka thënë Profeti (salall-llahu alejhi ue ala alihi ue sel-lem):
Janë ata (përsëri pakicë) që ngjallin Sunnetin (e praktikojnë atë) pasi njerëzit e tjerë e "zhdukën" atë (dhe e zëvendësuan me bidatin).

Nga hadithi kemi një përfitm të madh.

Ne thamë nga hadithi i parë se ata njerëz që janë të mirë janë një pakicë e vogël brenda një shumice të madhe.
Por në këtë pakicë të vogël e të mirë paska një pakicë akoma më të vogël dhe që janë akoma më të mirë.
Kjo e fundit u tregon rrugën atyre që janë të mirë dhe pakicë, të cilët janë tretur në shumicën e njerëzve të tjerë.

Tani unë dua t'ju them juve se ne që jemi prej nxënësve të dijes duhet të jemi nga pakica shumë e vogël brenda pakicës së vogël.
Pra të jemi më të mirët sesa ata që janë të mirë.

Po kur do të bëhemi ne kështu?

Ne do të jemi më të mirët brenda të mirëve, kur do të veprojmë ashtu siç thotë All-llahu s.u.t. dhe i Dërguari i Tij (salall-llahu alejhi ue ala alihi ue sel-lem) dhe jo vetëm kaq, por kur ne do t'ua tregojmë, atyre që janë në rrugë të drejtë me ne, (por kanë ecur keq për shkak se nuk e dinë Sunnetin e Profetit (salall-llahu alejhi ue ala alihi ue sel-lem), rrugën në të cilën na ka urdhëruar All-llahu s.u.t. dhe i Dërguari i Tij (salall-llahu alejhi ue ala alihi ue sel-lem).

Vetëm në këtë mënyrë ne mund të jemi më të mirët në mesin e më të mirëve, pakice brenda pakicës, të huaj brenda të huajve.


Marrur nga:
Fetaua Li Shejkhil Albani, vëllimi 3, faqe, 307.


DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
ABDULLAH EBU ABDULLAH.
Kurse per ç`do sugjerim mund te me shkruani ne adresen time te hotmailit. etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.