Paralajmërimi kundër lënies të së vërtetës

Marrë nga libri madhështor, 'Silsileh el-Hadith es-Sahiha ue Shei min Fikhiha ues Feuaidiha' nga imami bujar, muhadithi, Ebu Abdur-Rahman Muhamed Nasir ud-Din el-Albani, Allahu pastë mëshirë ndaj tij

Hadithi 168, faqe 322:

Nga Ebu Seid el-Khudri [radiallahu anhu] i cili ka thënë se i dërguari i Allahut [salallahu alejhi ue selam] tha:

"Të mos e ndalojë njeriun frika nga njerëzit për ta thënë të vërtetën nëse e di atë apo nëse e ka dëshmuar apo dëgjuar atë".

Transmetuar nga et-Tirmidhi, Ibn Maxheh, el-Hakim, et-Tejalisi, Ahmed, Ebu Ja'la dhe el-Kadi në Musned esh-Shehab me anë të Ali bin Zejd bin Xhed'ab el-Kureshi nga Ebu Nedreh nga Ebu Seid el-Khudri në formën merfu. Dhe et-Tirmidhi ka thënë:"Hadithi është hasan-sahi".

Referencat per hadithin e lartpërmendur janë dhënë nga shejhu, emir ul-mu'minin fil hadith, i cili pastaj diskuton zinxhirin.

Citat: "Hadithi përmban ndalesë të fortë për fshehjen e diturisë për shkak të frikës nga njerëzit apo për shkak të dëshirave të kësaj bote. Kushdo që e fsheh atë nga frika se do të dëmtohet në ndonjë mënyrë, siç është rrahja dhe keqtrajtimi, apo ndërprerja e furnizimit, apo frika se s'do ta respektojnë dhe të ngjashmet me këtë, atëherë ai bie në këtë ndalesë dhe kundërshton pejgamberin [salallahu alejhi ue selam]. E, kur kështu qëndron puna me atë që e fsheh të vërtetën ndërsa e di atë, si qëndron puna e atij që nuk ndalet me kaq, por ai dëshmon me pavërtetësi kundër muslimanëve të devotshëm dhe i keqtrajton ata në fenë dhe akidenë e tyre, duke ndjekur me këtë shtigjet e fundërrinës [nga njërëzit] apo nga frika se ata poashtu do ta keqtrajtojnë atë me pavërtetësi nëse ai nuk shoqërohet me drejtimin e keq të tyre.

O Allah, na forco në të vërtetën! Dhe kur Ti dëshiron ndonjë sprovë për robërit e Tu, atëherë na merr tek Ti pa na sprovuar!