ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem. Veprat më të këqia janë ato të shpikurat, çdo shpikje është bid'at dhe çdo bid'at është lajthitje, e çdo lajthitje çon në zjarr.

Eshte pyetur Dijetari i Shekullit Ebu Abdurahman Muhammed Nasirud-din El-Albani (rahimehull-llah).

Pyetja: Nr: (7)


Sot muslimanët janë ndarë në shumë xhemate (grupe). Dikush thotë se në këtë ndarje ka hajr! Sa e vërtetë është kjo fjalë???


Pergjigje:


Kjo fjalë eshte në kundërshtim me fjalën e All-llahut s.u.t. në Kur'an dhe hadithet e Profetit (salall-llahu alejhi ue ala alihi ue sel-lem).

Thotë All-llahu s.u.t:
Mos u bëni si ata idhujtarët që u ndanë në grupe ku secili grup i gëzohet idesë së vet.

S'mund të thotë një musliman një gjë të tillë që ndarja e muslimanëve në grupe qënka më e mirë se bashkimi i tyre !!!

Në komentim të ajetit :
Mos u bëni si ata idhujtarët ...........…

Profeti (salall-llahu alejhi ue ala alihi ue sel-lem) ka thënë:
Janë ndarë jehuditë në 71 grupe, të krishterët në 72, kurse ummeti im do të ndahet në 73 grupe, 72 janë në zjarr dhe 1 në xhennet.

E kanë pyetur Profetin (salall-llahu alejhi ue ala alihi ue sel-lem) për grupin që do të jetë në xhennet se cilat janë shenjat e këtij grupi dhe ai është përgjigjur :
Ata janë që ecin në rrugën që kam ecur unë dhe Sahabët (shoket) e mi.

Prandaj e kemi detyrë që të mësojmë rrugën se si ka ecur Profeti (salall-llahu alejhi ue ala alihi ue sel-lem) dhe shokët e tij me qëllim që edhe ne të ecim në atë rrugë.

Thotë All-llahu s.u.t:
Dhe se kjo është rruga Ime e drejtë prandaj pasojeni atë dhe mos pasoni rrugë të tjera , që t'ju shmangin nga rruga e Tij.

Kur e komentoi këtë ajet Profeti (salall-llahu alejhi ue ala alihi ue sel-lem), vizatoi një vizë të gjatë dhe të drejtë, pastaj anash kësaj vije vizatoi disa vija të tjera të shkurtra dhe me gishtin e tij filloi të ecte sipas vijës së drejtë dhe të gjatë duke lexuar ajetin :
Dhe se kjo është rruga Ime e drejtë prandaj pasojeni atë dhe mos pasoni rrugë të tjera , që t'ju shmangin nga rruga e Tij.

Pastaj tha Profeti (salall-llahu alejhi ue ala alihi ue sel-lem):
Kjo është rruga e Zotit dhe ju udhëzoi të ecni sipas saj (për vijën e drejtë dhe të gjatë ), kurse këto janë rrugët e shejtanit (për vijat e shkurtra) në secilën prej tyre ka nga një shejtan që i thërret ata që janë në rrugë të drejtë duke u thënë:
Ku po shkoni, kjo është rrugë e gjatë shumë, keni për t'u munduar dhe keni për t'u lodhur shumë, Hajdeni këtej, tek këto rrugët e shkurtra.

Tha Profeti (salall-llahu alejhi ue ala alihi ue sel-lem):
Mos u besoni se këta që ju thërrasin në këtë mënyrë janë shejtana. Ecni sikur e keni marrë rrugën e drejtë, sepse ajo rrugë ju çon në Xhennetin e All-llahut .s.u.t.



Marrur nga:
Fetaua Li Shejkhil Albani, vëllimi 3, faqe, 300-301.



DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
ABDULLAH EBU ABDULLAH.
Kurse per c`do sugjerim mund te me shkruani ne adresen time te hotmailit. etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.