ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem.
Veprat më të këqia janë ato të shpikurat, ç`do shpikje është bid'at dhe ç`do bid'at është lajthitje, e ç`do lajthitje të çon në zjarr.

Është pyetur Dijetari i Shekullit Ebu Abdurahman Muhammed Nasirud-din El-Albani (rahimehull-llah).

Pyetja: Nr: (14)


Si duhet të falet Namazi ???


Përgjigje:


Njeriu që don të falë namaz, drejtohet kah Kibla që është Kabja pa marrë parasysh vendin, ku gjendet duke bërë nijet të falurit e namazit që vijon.

(Vendi i nijetit është zemra e nuk duhet shqiptuar me gojë ngase këtë vepër nuk e ka bërë Muhammedi (salall-llahu alejhi ue ala alihi ue sel-lem) e as Sahabët e Tij për këtë shkak një vepër që nuk e kanë bërë ata as ne nuk duhet ta bëjmë ngase kjo vepër konsiderohet bidat).

Muhammedi (salall-llahu alejhi ue ala alihi ue sel-lem) kur ngrihej për namaz drejtohej kah Kibla qoftë në namaz të farzit ose të nafiles ky Hadith është Muteuatir d.m.th. e kanë transmetuar nga ç`do gjeneratë një grup njerëzish ashtu që numri i madh i tyre mohon mundësinë e gënjeshtrës.

Gjithashtu, ka urdhëruar duke thënë:
Kur të ngrihesh për në namaz merr mirë abdes pastaj drejtohu ka Kibla dhe merr tekbir (d.m.th. thuaj All-llahu Ekber).
Tra: Bukhariu dhe Muslimi.

Të falurit drejt Sutres.

Të marrësh Sutre (pengesë) para vetes gjatë namazit është Uaxhib (obligim i domosdoshëm).

Sutre është një send që vendoset para vetes në madhësi sa një bërryl.

Mund të jetë dru, gur, njeri, d.m.th. shpina e tij, ose diçka tjetër në këtë madhësi.

Duhet të jetë në largesi aq sa të vëj kokën në sexhde para sutres.

Kjo ka të bëj me atë që falet në vete, mirëpo sa i takon njeriut që falet pas Imamit, ky person nuk duhet të marrë sutre, pasi sutreja e Imamit është sutre për të gjithë.

Muhammedi (salall-llahu alejhi ue ala alihi ue sel-lem) thotë:
Falu drejt sutres dhe mos lë askënd të kaloj para teje, Nëse refuzon (dhe don të kaloj), atëherë luftoje, nga se më të është shejtani.
Tra: Ibni Huzejme me sened të fortë.

Gjithashtu thotë:
Kur të falet ndokush drejt sutres, le ti afrohet sutres, që mos t'ia ndërpresë shejtani namazin.
Tra. Ebu Daudi, Bezari, Hakimi, dhe thotë: Hadithi është i vërtetë dhe këtë e kanë pëlqyer Dhehebiu dhe Neueuiu.

Muhammedi (salall-llahu alejhi ue ala alihi ue sel-lem) qëndronte afër sutres, Ashtu që ndërmjet tij dhe murit (d.m.th., sutres ) kishte tre bërryla.
Tra: Bukhariu dhe Ahmedi.

Kurse ndërmjet vendit të sexhdes dhe murit, sa të kaloj një dele.
Tra: Bukhariu dhe Muslimi.

Marrja e tekbirit fillestar bëhet duke ngritur duart deri në supe ose deri në vesh duke thënë:
All-llahu Ekber (All-llahu është me i madhi), dhe duke shikuar vendin se ku do të bëj sexhde.

Muhammedi (salall-llahu alejhi ue ala alihi ue sel-lem) ka filluar namazin me thënien All-llahu Ekber.
Tra: Muslimi dhe Ibn Maxhe.

Gjithashtu ka thënë:
Nuk i plotësohet namazi ndokujt për derisa nuk merr abdes ashtu si duhet, pastaj të thotë, All-llahu Ekber.
Tra: Taberani me sened sahih.

Muhammedi (salall-llahu alejhi ue ala alihi ue sel-lem) ka thënë:
Celësi i namazit është pastërtia (abdesi), tekbiri ndalon veprat që nuk janë të namazit, kurse Selami lejon të bërit ato vepra.
Tra: Ebu Daudi, Tirmidhiu, Hakimi, i cili thotë: hadithi është sahih dhe këtë e pëlqen edhe Dhehebiu.

Muhammedi (salall-llahu alejhi ue ala alihi ue sel-lem) ka thënë tekbirin duke ngritur duart, para se ti ngrinte duart dhe disa herë pasi që ka ngritur duart.
Tra: Bukhariu, Ebu Daudi, dhe Nesaiu.

Muhammedi (salall-llahu alejhi ue ala alihi ue sel-lem) disa herë i ngrinte duart deri në supe, dhe disa herë deri në veshë.
Tra: Bukhariu, Ebu Daudi, dhe Nesaiu.

Vënia e duarve në gjoks.

Pas marrjes së tekbirit vendos duart në gjoks, vendos dorën e majtë mbi dorën e djatht , d.m.th. mbi shputën, dhe nyjen e dorës së majtë.


Muhammedi (salall-llahu alejhi ue ala alihi ue sel-lem) thotë:
Ne, Pejgamberët jemi urdhëruar që ta shpejtojmë iftarin dhe ta vonojmë syfirin dhe të vendosim të djathtën mbi të majtën në namaz.
Tra: Ibn Hibbani dhe Dijau me sened sahih.

Muhammedi (salall-llahu alejhi ue ala alihi ue sel-lem) kaloi pranë një njeriu, i cili falej dhe e pa se kishte vendosur dorën e majtë mbi dorën e djathtë, ia zgjidhi duart, dhe dorën e djathtë ia vendosi mbi dorën e majtë.
Tra: Ahmedi dhe Ebu Daudi me sened sahih.

Muhammedi (salall-llahu alejhi ue ala alihi ue sel-lem) vendoste dorën e djathtë mbi shpinën e shputës së majtë.
Tra: Ebu Daudi, Nesaiu, Ibn Huzejme, me sened të vërtetë. Gjithashtu Ibn Hibani e ka vërtetuar.

Disa herë, me dorën e djathtë kapte dorën e majtë.
Tra: Nesaiu dhe Darekutni me sened sahih.

Dhe i vendoste në gjoks.
Tra: Ebu Daudi, Ibnu Huzejme etj, Sahih.

Këtu kemi disa hadithe për domosdoshmërinë e leximit të Fatihasë.

Muhammedi (salall-llahu alejhi ue ala alihi ue sel-lem) thotë:
S'ka namaz për atë që nuk lexon në namaz Fatihatul-Kitab (suren Fatiha).
Tra: Bukhariu dhe Muslimi.

Nuk vlerësohet namazi i personit që në namaz nuk lexon Fatihatul-Kitab.
Tra: Darekutni e vërteton këtë hadith.

Kush falë namaz e nuk e lexon në të Fatihatul-Kitab, ai namaz është i mangët, ai namaz është i mangët, ai namaz është i mangët, jo i plotë.
Tra: Muslimi.



Marrur nga Libri:
Forma e Namazit Te Profetit (salall-llahu alejhi ue ala alihi ue sel-lem)............



DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
ABDULLAH EBU ABDULLAH.
Kurse për ç`do sugjerim mund te me shkruani ne adresen time te hotmailit. etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.