Pyetja:

A është e vërtetë se muaji Rexheb dallohet me ndonjë adhurim të caktuar ose të veçantë? Ju lutemi të na përgjigjeni, sepse na është përzier kjo gjë, dhe a është obligative në këtë muaj vizita e xhamisë së Pejgamberit [sal-lall-llahu alejhi ve sel-lem]?

Përgjigjja:

Muaji Rexheb sikurse edhe muajt tjerë, nuk veçohet me ndonjë adhurim tjetër që dallon nga muajt tjerë, sepse nuk ka argumente nga Pejgamberi [sal-lall-llahu alejhi ve sel-lem] për veçimin e këtij muajit me ndonjë namaz, agjërim, umre, ose kurban të veçantë. Kurse këto gjëra janë bërë në injorancë, kurse islami i ka anuluar tërë këto veprime.
Pra, muaji i Rexhebit është sikurse edhe muajt tjerë, nuk ka ndonjë hadith që flet në veçanti për ndonjë adhurim të veçantë në këtë muaj, andaj ai që shpik në këtë muaj ndonjë adhurim dhe e veçon këtë muaj me ndonjë adhurim, ai është bidatçi, sepse ka shpikur në fe, gjëra që sjanë të saja. Kurse adhurimet duhet të mbështeten në fakte, nuk mund të veprojmë ndonjë adhurim nëse nuk kemi për te argument nga Kur'ani dhe sunneti i Pejgamberit [sal-lall-llahu alejhi ve sel-lem]. Kurse për muajin Rexheb nuk ka ardhur asnjë argument në të cilin mundemi të mbështetemi. Të gjitha argumentet që i sjellin, nuk janë të fuqishme, madje sahabet, [radijall-llahu anhum] i ndalonin këto vepra dhe ua tërhjeknin bërejtjen njerëzve prej agjërimit në këtë muaj në veçanti.
Kurse njeriu që zakonisht falë ndonjë namaz të caktuar. Ose agjëron ndonjë agjërim të caktuar, për këtë njeri nuk ka pengesë nëse vazhdon në këto adhurime.
Dr. Salih Feuzan el-Feuzan
Marrë nga: “El-Munteka min Fetava Shejh Salih El-Feuzan”, 1/ 222- 223).

Salih el-Fevzan

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11