ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem.
Veprat më të këqia janë ato të shpikurat, ç`do shpikje është bid'at dhe ç`do bid'at është lajthitje, e ç`do lajthitje të çon në zjarr.

Eshtë pyetur Dijetari Salih El-Feuzan (hafidhahull-llah).

Pyetja: Nr: (35)


C`farë kërkohet nga ai që s'është i aftë të agjërojë për shkak të moshës së shtyrë apo sëmundjes së zgjatur.


Përgjigje:


All-llahu s.u.t. e ka bërë të detyrueshëm agjërimin e muajit Ramazan për të gjithë muslimanët që kanë mundësi, dhe për ata që kanë shkak të vlefshëm islamikisht dhe kanë mundësi ta bëjnë këtë më vonë, atëherë ata duhet ta kompensojnë agjërimet e humbura.

Ekziston edhe një tjetër kategori për t'u marrë në konsiderim dhe ata janë të cilët s'janë të aftë të agjërojnë gjatë Ramazanit dhe jashtë tij, për shkak të moshës së vjetër apo sëmundjes së vazhdueshme.
Në këtë rast, All-llahu s.u.t. i ka lehtësuar këto çështje për ta duke kërkuar nga ata që thjesht vetëm të ushqejnë një person të varfër me një gjysëm sa`a nga ushqimi i përditshëm në vendin ku jeton për ç`do ditë (të Ramazanit), duke qenë kjo zëvendësim për agjërimin.

All-llahu s.u.t. thotë:
All-llahu nuk e rëndon një person përtej mundësive të tij. Bekare, 286.

Ai thotë:
Dhe përsa u përket atyre që mund të agjërojnë me vështirësi (d.m.th njeriun plak, etj) ata kanë (zgjidhje ose të agjërojnë ose) për ta ushqyer një nevojtar (ç`do ditë). Bekare, 184.

Në lidhje me këtë, Ibn Abbas (radiallahu anhu) shpjegon:
Kjo është për të vjetrit që s'mund të agjërojnë.
Tra: Imam Bukhari.

Përsa i përket atij që vuan nga sëmundja e vazhdueshme, vendimi për të është si për të vjetrin, në atë se nga ai poashtu kërkohet që ta ushqejë një person të varfër për ç`do ditë të Ramazanit.

Përsa i përket atij që s'është i aftë të agjërojë për shkak të ndryshimit të rrethanave, siç është:
Udhëtari
Ai që është i sëmurë dhe pritet të bëjë më mirë.
Gruaja shtatëzënë apo gjidhënësja e cila ka frikë për vetveten apo fëminë e saj.
Gruaja me menstruacione apo ajo që ka gjakderdhje të paslindjes dhe kushdo që bie në ndonjërën nga kategoritë e mësipërme, nga ai/ajo kërkohet që kompensojë agjërimin që humb për shkak të rrethanave të pranueshme islamikisht, siç thotë All-llahu s.u.t:
…dhe kushdo që sëmuret apo është duke udhëtuar, numër të njëjtë (ditësh që ai nuk ka agjëruar duhet të kompensohen) nga ditët tjera. Bekare, 185.

Pra, ai që është i sëmurë seriozisht në mënyrë që agjërimi do ta dëmtonte atë dhe udhëtari që e ka të lejueshëm shkurtimin e namazeve të detyrueshme, atëherë është nga Suneti që ata të përmbahen nga agjërimi në të tilla rrethana, siç thotë All-llahu s.u.t:
…numër të njëjtë (ditësh që ai nuk ka agjëruar duhet të kompensohen) nga ditët tjera. Bekare, 185.

Poashtu, All-llahu s.u.t. thotë:
All-llahu ka për qëllim t'ua lehtësojë juve, dhe Ai nuk do që t'i vështirësojë gjërat për ju. Bekare, 185.

Dhe dihej që Profeti (salall-llahu alejhi ue ala alihi ue sel-lem) parapëlqente më të lehtën nga dy zgjidhjet e lejueshme.

Eshtë përmendur në Sahihun e Bukhariut dhe të Muslimt, se Profeti (salall-llahu alejhi ue ala alihi ue sel-lem)ka thënë:
S'është devotshmëri që të agjërohet gjatë udhëtimit.

Mirëpo, nëse udhëtari dhe ai që ka qenë mjaft i sëmurë agjërojnë megjithë vështirësitë gjatë agjërimit, atëherë ai agjërim do të jetë korrekt ndonëse kjo nuk pëlqehet.

Përsa i përket gruas me menstruacione dhe asaj që ka gjakderdhje të paslindjes, atëherë s'është e lejueshme për to të agjërojnë në gjendje të tillë (derisa të plotësojnë afatin përkatës dhe të marrin gusl të pastrimit).

Në lidhje me gruan shtatzënë dhe gjidhënësen, atëherë është e detyrueshme për to të kompensojnë agjërimet dhe ditët që kanë humbur pasi të kalojë Ramazani.
Veç kësaj, ajo që s'ka agjëruar për shkak të frikës për fëminë e saj, atëherë është e detyrueshme për të që ta ushqejë një person të varfër për ç`do ditë të humbur.

Eshtë e detyrueshme për muslimanët ta bëjnë qëllimin për agjërimin e detyrueshëm gjatë natës para ditës së agjërimit, siç është agjërimi i Ramazanit, apo agjërimi për një zotim apo betim, duke pohuar shkakun për të cilin ai po agjëron, d.m.th. Ramazanin, gjobën, apo për shkak të ndonjë zotimi.

Kjo bazohet në hadithin e Profetit (salall-llahu alejhi ue ala alihi ue sel-lem) i cili ka thënë:
Vërtet, veprat janë sipas qëllimit dhe secilit do t'i takojë ajo për ç`farë ka pasur qëllimin…

Dhe nga Aishja, transmentohet se Profeti (salall-llahu alejhi ue ala alihi ue sel-lem) ka thënë:
Kushdo që nuk bën qëllimin (nijetin) para se të mbërrijë Sabahu, agjërimi i tij s'është korrekt.

Pra, është e detyrueshme të bëhet qëllimi për një agjërim të detyrueshëm gjatë natës përpara ditës së agjërimit. Kushdo që bën qëllimin gjatë ditës, i tilli është sikur ai që zgjohet vonë pas Sabahut dhe pa ngrënë asgjë, atëherë agjërimi i tij s'pranohet nëse ai ka bërë qëllimin pas zgjimit në këtë gjendje.

Mirëpo, është e lejueshme për agjërimet vullnetare në atë që qëllimi është i pranueshëm nëse ai bëhet gjatë ditës, meqë Aishja transmeton se Profeti (salall-llahu alejhi ue ala alihi ue sel-lem) e vizitoi atë në shtëpinë e saj një ditë prej ditësh dhe tha:
A ke ndonjë gjë për të ngrënë ?
...ajo u përgjigj: Jo
Kështu ai tha:
Atëherë, unë po agjëroj.
Muslim.

Vini re, Profeti (salall-llahu alejhi ue ala alihi ue sel-lem) nuk po agjëronte në atë kohë, meqë ai kishte kërkuar ushqim.
Pra në këtë ka dëshmi për lejimin e vonimit të bërjes së qëllimit për të agjëruar me kusht që agjërimi të jetë vullnetar.

Shënim:
Kushti për pranimin e qëllimit për të agjëruar një agjërim vullnetar gjatë ditës, është që ju të mos keni ngrënë apo pirë asgjë prej sabahut e as të keni bërë ndonjë gjë që e zhvlerëson agjërimin.
Nëse ai bën ndonjë nga këto, atëherë agjërimi për atë ditë s'është i pranueshëm. Në këtë drejtim, s'ka dallim opinionesh mes dijetarëve.

Marrur nga:
Mulekh-khesul Fik`hi, vëllimi 1, faqe 273-275.

DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
ABDULLAH EBU ABDULLAH.
Kurse për ç`do sugjerim mund te me shkruani ne adresen time te hotmailit. etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.