ES-SELAMU ALEJKUM UE RAHMETULL-LLAHI UE BERAKATUHU.

Falënderimi i takon All-llahut. Atë e falënderojmë dhe prej Tij falje dhe ndihmë kërkojmë. Kërkojmë mbrojtje nga All-llahu prej të këqijave të vetvetes dhe të veprave tona. Kë e udhëzon All-llahu s'ka kush e lajthit dhe kë e largon nga rruga e vërtetë, s'ka kush e udhëzon. Dëshmoj se s'ka te adhuruar tjetër përveç All-llahut , i Cili është Një dhe dëshmoj se Muhammedi është rob dhe i dërguar i Tij.
"O ju që keni besuar, keni frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)
"O ju njerëz! Keni frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe keni frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (En-Nisa:1)
"O ju besimtarë, keni frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja,e kush respekton All-llahun dhe të Dërguarin e Tij, ka shpëtuar me një shpëtim të madh." (El-Ahzab:70:71)
Thënia më e vërtetë është thënia e All-llahut, kurse udhëzimi më i mirë - udhëzimi i Muhammedit sal-lall-llahu 'alejhi ue ala alihi ue sel-lem.
Veprat më të këqia janë ato të shpikurat, ç`do shpikje është bid'at dhe ç`do bid'at është lajthitje, e ç`do lajthitje të çon në zjarr.

Eshtë pyetur Dijetari Salih El-Feuzan (hafidhahull-llah).

Pyetja: Nr: (34)



Kush është vendimi përsa i përket kompensimit të agjërimit ?



Përgjigje:



Kushdo që ndërpret agjërimin e tij apo s'ka mundësi të agjërojë gjatë Ramazanit për shkak të ndonjë shkaku që e lejon Sheriati, atëherë prej tij kërkohet ta kompenzojë atë ditë.
Siç është, agjërimi i të cilit anulohet për shkak të bërjes së marrëdhënieve seksuale apo tjetër pos kësaj.

Në rast të këtillë, prej tij kërkohet të kompenzojë agjërimin për këtë ditë, siç ka thënë All-llahu s.u.t:
........…numri i njëjtë (duhet të kompenzohet) për ditët tjera. Bekare: 184.

Eshtë e rekomandueshme që ai ta shpejtojë kompensimin e asaj që ka humbur gjatë Ramazanit për ta liruar veten nga përgjegjësia.
Njëlloj, është e rekomandueshme që ai ta kompenzojë atë që ka humbur me anë të agjërimit rresht, ngaqë veprimi i këtillë është sikur të kesh agjëruar (gjatë Ramazanit).

Mirëpo, nëse ai nuk e kompenzon menjëherë atë ç`farë ka humbur, është e lejueshme për të ta vonojë atë. Kjo ngaqë jetëgjatësia e disponueshme (për të kompenzuar agjërimin e humbur) është e hapur (deri para Ramazanit të radhës).

Përsa u përket të gjitha këtyre detyrimeve, përbrenda të cilave jetëgjatësia për atë që është e detyrueshme për një person është e hapur, atëherë është e lejueshme të vonohet bërja e saj për sa kohë që ekziston qëllimi i fortë për ta bërë atë.

Po ashtu është e lejueshme të kompenzohen ditët me ndërpreje. Sidoqoftë, nëse s'ka kohë të mjaftueshme gjatë muajit Shab'an i cili i paraprin Ramazanit të radhës, kompensimi i ditëve rresht bëhet i detyrueshëm, duke pas parasysh se s'është e lejueshme të vonohet deri në Ramazanin e radhës pa ndonjë shkak të arsyetushëm nga Sheriati.

Eshtë transmetuar nga e Aishaj (radiall-llahu anhuma), se ajo ka thënë:
Unë kisha ditë për të kompensuar nga Ramazani dhe ndodhte të mos isha në gjendje t'i kompenzoja deri në Sha'ban.
Mbi vërtetësinë e këtij transmetimi kanë rënë dakord Bukhari dhe Muslim.

Pra, ky hadith tregon që periudha kohore përbrenda së cilës është e lejueshme të kompensohen ditët e humbura të Ramazanit, është e hapur (deri para Ramazanit të radhës).

Nëse ai do ta vononte kompensimin e agjërimit deri në Ramazanin e radhës, atëherë prej tij kërkohet të agjërojë Ramazanin në vazhdim dhe pastaj ta kompensojë agjërimin e humbur nga viti i kaluar.

Kjo veç të ushqyerit të një personi të varfër me gjysëm sa`a të ushqimit me ushqim të vendit (ku jeton) për ç`do ditë. Dhe, nëse shkaku për vonimin e kompensimit të tij deri para Ramazanit të radhës është i pranueshëm nga Sheriati, atëherë ai thjesht vetëm duhet t'i kompensojë ditët e humbura nga Ramazani i kaluar.

Nëse ai vdesë përpara Ramazanit të radhës ndërsa ende ka pasur për të kompensuar agjërim nga Ramazani i kaluar, atëherë asgjë s'kërkohet nga ai meqë ai vdiq përbrenda periudhës së lejueshme kohore.

Njëlloj, nëse ai vdesë pas Ramazanit të radhës dhe shkaku për vonim është i arsyetum nga Sheriati, siç është sëmundja dhe udhëtimi, atëherë asgjë s'kërkohet nga ai (nga prona (pasuria) që ai lë pas).

Mirëpo, nëse shkaku për vonimin ka qenë jo i pranueshëm nga Sheriati, atëherë është e detyrueshme të gjobitet nga prona (pasuria) që ai ka lënë pas, e cila mjafton për t'u ushqyer një person i varfër për ç`do agjërim që ka mbetur për t'u kompensuar.

Veç kësaj, nëse ai vdesë ndërsa ka pasur për të kompensuar agjërim, siç është agjërimi haraç apo një agjërim i detyrueshëm për shkak të ndonjë lëshimi në kryerjen e haxhit, atëherë nga ai kërkohet të ushqejë një person të varfër për ç`do agjërim që ka mbetur për t'u kompensuar.

Kjo bëhet nga pasuria (prona) që ai ka lënë pas, duke pasur parasysh që s'kërkohet nga askush të kompensojë në vend të tij.

Shkaku për këtë është se ky lloj agjërimi nuk lejon dikë tjetër të agjërojë në vend të tij ndërsa ai është gjallë, dhe njëlloj është rasti kur ai të vdesë. Dhe ky është mendimi i dijetarëve.

Dhe, kushdo që vdesë ndërsa ai ka për të kompensuar për shkak të ndonjë zotimi që ai ka bërë, atëherë është e rekomandueshme për atë që është përgjegjës për çështjet e tij pas vdekjes së tij që të agjërojë në vend të tij, siç vërtetohet në Sahihun e Bukharit dhe Muslimt.

Një grua erdhi te Pejgamberi (salall-llahu alejhi ue ala alihi ue sel-lem) dhe tha:
Nëna ime ka vdekur ndërsa ka pasur të kompensojë për shkak të një zotimi që ajo kishte bërë.
A të agjërojë në vend të saj ?
Ai tha:
Po.

Përsa i përket atij që është përgjegjës për çështjet e tij pas vdekjes së tij, atëherë kjo nënkupton trashëgimtarin.

Marrur nga:
Mulekh-khesul Fik`hi, vëllimi 1, faqe 271-272.

DHE DUAJA JONE E FUNDIT ESHTE:

FALENDERIMI I TAKON ALL-LLAHUT S.U.T. ZOTIT TE BOTRAVE.

ME SINQERITET DHE DASHURI DHE RESPEKT NGA VELLAI JUAJ NE ISLAM
ABDULLAH EBU ABDULLAH.
Kurse për ç`do sugjerim mund te me shkruani ne adresen time te hotmailit. etheristi@hotmail.com

ES-SELAMU ALEJKUM UE RAHMETULL-LLAHI UE BERAKATUHU.