Pyetja:

Rregullat të kontaktimit të dy gjinive nëpërmjet internetit.

Përgjigjja:

E kanë pyetur Shejh Selman ibn Fehd El-Udeh, për rregullat të kontaktimit të dy gjinive nëpërmjet internetit, kurse kjo ishte përgjigja e tij:
Sa i përket rregullave për kontaktim të dy gjinive nëpërmejt internetit, tani më kujtohet kjo që do tua paraqes:

1- Mos përdorimi i fotos në asnjë rast, edhe ate sepse:
a) Aspak ska nevojë për këtë gjë, mjafton shkrimi.
b) kjo është derë e madhe nga e cila futet shejtani duke e zbukuruar të kotën dhe duke e bërë të lehtë për nefsin.

Disa vëllezër thonë në habi: a ka mundësi që ndokush të mendon kështu?
Mirë është që aspak mos t’i shkon ndërmend ky mendim, mirëpo ai që i di rrugët e lajthitjes dhe dyert nga të cilat futet shejtani, asgjë nuk e habitë. Bile disa herë vet shpirti i sëmurë gabimet e qarta i veshë me veshmbathje të të mirës dhe qëllimit të pastërt. Shumë herë ne e mashtrojmë vetveten…

2- Mjafton shkrimi, ska nevojë për bisedë me zë, e nëse detyrohet të bisedojë me zë, atëherë duhet pasur para sysh këtë urdhër hyjnor:


“O gratë e Pejgamberit, ju nuk jeni si asnjë grua tjetër, nëse keni kujdes e ruheni, andaj mos u llastoni në të folur e të lakmojë ai që ka sëmundje në zemrën e tij, po thuani fjalë të matura”. (El-Ahzab: 32).

Nëse kjo u thuhet grave të Pejgamberit [alejhis-selam], vallë çka duhet thënë grave tjera. Nëse kjo është thënë në kohën e Pejgamberllëkut, vallë çka mund të thuhet sot në kohën e epsheve dhe sprovave?

3- Seriozitet gjatë bisedës dhe mos kalimi në biseda prej të cilave nuk ka aspak dobi. Në të vërtetë…shumë njerëz kënaqen vetëm pse bisedojnë me gjininë tjetër, pa marë para sysh se për çka bisedon. Mashkulli i intereson të dëgjojë zë femre, sidomos kur është zë i bukur dhe i butë. E njejta gjë i intereson edhe vajzës. Sepse gratë janë pala tjetër e burrave. Secilit i intereson të bisedon me palën tjetër, po edhe në qoftëse është vetëm me shkrim. Andaj tema e bisedës duhet të jetë serioze, larg nga joserioziteti dhe emocionet.

4- Kujdes, zgjim dhe moskotje, sepse ata me të cilët flet në internet zakonisht janë imagjinativ, mundet që mashkulli të paraqitet në emër të femrës, ose femra ta paraqet vehten si djalë…pastaj i çfarës shkollë është? Nga i cili vend? Çfarë qëllimi ka? Çfarë kulture posedon? Çfarë punon? Etj. Të gjitha këto nuk i dimë.
Ua tërhjeki vërejtjen motrave të nderuara se kjo është rezik shumë i madh, ju them nga përvoja, se gruaja shpejt beson dhe mashtrohet nga fjalët e zbukuruara dhe mund të bjer në kurthë të ndonjë gjuetari. Sepse ai herë paraqitet si këshilltar i sinqertë e herë si sakrificë që kërkon shpëtimtarin e vet, e herë si beqar i cili kërkon partnerin e jetës së tij, e herë si i sëmurë që kërkon shërim,…etj.

5- I këshilloj motrat të cilat punojnë në internet që të kontaktojnë mes tyre që ti ndihmojnë njëra tjetrës në këtë mejdan të rezikshëm, të shkëmbejnë përvoja, të ndihmohen ndërsjelltas në pjesmarje, sepse njeriu vet është i dobët, mirëpo është i fuqishëm me vëllezërit e vet. All-llahu [subhanehu ve teala] thotë:



“Pasha kohën! Nuk ka dyshim se njeriu është në një humbje të sigurt. Me përjashtim të atyre që besuan, që bënë vepra të mira, që porositën njëri-tjetrin t'i përmbahen të vërtetës dhe që këshilluan njëri-tjetrin të jenë të durueshem”. (sureja El-Asr).


Transmetohet nga Ebu Melike ed-Darimi, i cili ka qenë sahabe, i cili ka thënë: Dy njerëz të sahabeve të Pejgamberit [sal-lall-llahu alejhi ve sel-lem] kur takoheshin, nuk ndaheshin pa ia lexuar njëri tjetrit suren el-Asr, pastaj i jepte selam njëri tjetrit”. (“Ed-Durr el-Menthur”, 8/621)

6- I këshilloj motrat që preokupimi i tyre kryesor të jetë thirrja e grave dhe këshillimi i tyre, ofrimi i shërbimeve në këtë drejtim, veprimi për përmirësimin e tyre. Le të jetë kjo në mënyrë të mirë, të butë, indirekt, sepse udhëzimi direkt mund të nxisë kundërreagim dhe sfidim në disa raste. Sepse këshillëdhënësi duket si të jetë në pozitë më të lartë dhe më të ditur se ai që këshillohet. Të përdorim fjalë të buta, mosnxitim, zemërgjërësi, durim të mjaftueshëm, gjëra me të cilat i eliminojmë pengesat e shpirtërave krenare dhe i largojmë natyrat fanatike. Gjithashtu motrave u mbetet të luten që ti ruan All-llahu, tu ndihmon dhe tu jep sukses.


Selman bin Fehd El-Udeh

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11