Në lidhje me llojet dhe stilet e reja të dhikrit [përmedjes/kujtimit të Allahut]

Mexhmu el-Fetaua, 22/510-511 të shejhul-Islam Ibn Tejmije


Pyetje: A është e lejueshme shpikja e llojeve dhe stileve të dhikrit?

Përgjigje: Pa dyshim që dhikret dhe lutjet janë midis formave më të mira të adhurimit, dhe adhurimi është një nga çështjet në të cilat s'ka vend për opinione personale. Ne duhet të ndjekim atë çfarë bëri dhe mësoi pejgamberi [salallahu alejhi ue selam], jo tekat dhe dëshirat apo risitë/bidatet. Lutjet dhe dhikret e pejgamberit [salallahu alejhi ue selam] janë më të mirat që njeriu mund të gjejë. Ai që ndjek në këtë mënyrë, do të jetë i sigurt dhe dobirat e rezultatet pozitive që ai do t'i fitojë janë përtej përshkrimeve. Çfarëdo tjetër lutje dhe dhikër, mund të jetë haram apo mekruh [e urryer]; ajo mund të përfshijë shirk, ndonëse shumica e njerëzve nuk e kuptojnë këtë – Hollësirat e kësaj do të zgjasnin tepër po të shpjegosheshin këtu.

Askush s'ka të drejtë t'i mësojë njerëzit me ndonjë lloj lutjeje apo dhikri veç atyre që janë përmendur në Sunet, apo ta bëjë atë adhurim të rregullt për të cilin ai pret që njerëzit ta bëjnë rregullisht sikur pesë namazet ditore, dhe kjo është risi në fe [bidat] të cilën Allahu nuk e lejon… Përsa i përket bërjes së çuditshme të dhikrit rregullisht, kjo s'është parashkruar në sheriat dhe kjo është nga gjërat që s'janë të lejueshme. Lutja dhe dhikri i parashkruar në Sheriat janë më të mirat që dikush ka shpresuar të gjejë, dhe askush nuk i injoron ato në favor të dhikrit të shpikur përveç atij që është i paditur, neglizhent apo keqbërës.