Pyetja:

A mundet që babai ta detyrojë vajzën e tij beqare e cila ka hyrë në pjekuri të martohet?

Përgjigjja:

Dy opinione të mirënjohura përsa i përket kësaj janë të transmetuara nga (Imam) Ahmedi:
1. Që ai mund ta detyrojë atë. Ky është gjithashtu edhe opinioni i Malikut, Esh-Shafiut dhe i të tjerëve.
2. Që ai nuk duhet ta detyrojë. Kjo është gjithashtu opinioni i Ebu Hanifes dhe i të tjerëve dhe është më i sakti.
Njerëzit kanë ndryshuar në mendime e arsye për lejimin e detyrimit për martesë të vajzëz beqare ose asaj që është nën moshën ose kur i ka të dyjat sepse askush nuk mund ta detyrojë një vajzë të pjekur beqare në martesë.
Ebu Hurejre, radiallahu anhu, ka transmetuar se Pejgamberi, salallahu alejhis ua selam, ka thënë:
"Një grua jo-e virgjër nuk mund të martohet pa urdhërin e saj dhe një beqare nuk mund të martohet pa lejen e saj dhe leja e mjaftueshme për atë është të heshtin [për shkak të turpit natyral]" [Buhari, Muslim dhe të tjerë]
Kështu Pejgamberi, salallahu alejhis ua selam, e ka ndaluar detyrimin e vajzëz beqare në martesë pa lejen e saj edhe në qoftë se këtë e kërkon babai i saj apo dikush tjetër. Aisha, radiallahu anha, ka thënë që ajo ka pyetur Pejgamberin, salallahu alejhi ve sel-lem: "Në rast se një vajzë e re që prindërit e saj duan ta martojnë atë a duhet parë lejen e saj apo jo? Ai iu është përgjigjur "Po, ajo duhet të jap lejen e saj". Ajo pastaj ka thënë: "Por një virgjëreshë do të jetë e turpshme, O i dërguar i Allahut. Ai u përgjigj: Heshtja e saj është e konsideruar si leja e saj". [Buhari, Muslim dhe të tjerë]
Kjo është për babain dhe të tjerët gjithashtu. Islami nuk i jep të drejtën babait të përdori asgjë nga pasuria e saj pa lejen e saj e si atëhere ai mund të lejohet të vendos pa lejen e saj, si trupi i saj [i cili është më tepër i rëndësishëm sesa pasuria e saj] të përdoret vecanërisht kur ajo kundërshton për atë dhe është e pjekur për të vendosur për vetveten e saj?
Gjithashtu është fakt dhe një konsensus në islam për të kufizuar një person nënmoshë nga kontrolli i lirë i pasurisë dhe personit të tij. Megjithatë për të bërë virgjinitetin/ beqarinë një arsye për ta kufizuar një person është në kundërshtim me bazat e islamit.
Përsa i përket ndryshimit të mendimeve midis rastit kur është jo-virgjëreshë dhe beqares në hadithin e Pejgamberit, salallahu alejhis ua selam, nuk është një ndryshim midis detyrimit dhe jodetyrimit; ndryshimi midis dy rasteve është që;
a) E para jep jep instruksione për martesën kurse e dyta jep lejen, dhe
b) Heshtja e virgjëreshës llogaritet si leje.
Arsyeja për këtë është që një beqare do të turpërohej të diskutojë çështjen e martesës. Kështu asaj nuk i propozohet në mënyrë direkte. Ndërsa [vali] kujdestari i saj është afruar ai merr lejen e saj dhe atëhere ajo i jep atij lejen dhe jo urdhërin për tu martuar.
Dhe përsa i përket një jo-virgjëreshe ajo nuk do të ketë turpin e virgjëritetit më kështu që ajo mund të diskutojë çështjen e martesës së saj. Asaj mund t'i propozohet dhe ajo jep urdhërin veli-ut [kujdestarit] të përgatisë martesën dhe ai duhet t'i bindet asaj.
Kështu veli-u [kujdestari] është një ekzekutues i vendimit në rast se vajza është përgjegjëse dhe kërkues i lejes në rast kur vajza është beqare.
Kjo është ajo çfarë fjalët e Pejgamberit tregojnë.
Përsa i përket detyrimit të saj për tu martuar përkundër kundërshtimit të saj kjo mund të kundërshtojë arsyen dhe bazat e fesë.
Allahu teala nuk e ka lejuar një veli ta detyrojë vajzën për të shitur gjë ose për të dhënë me qira pasurinë e saj pa lejen e saj. As që Ai lejoi atë ta detyrojë atë të hajë ose të veshë atë që ajo nuk ka dëshirë.
Si mund ai [veli-u] ta obligojë atë vajzën të shoqërohet dhe të bashkohet me një person shoqërinë e të cilit ajo e urren - kur Allahu teala ka dërguar midis dy bashkëshortëve dashuri dhe mëshirë?
Nëse shoqërime të tilla ndodhin përkundër urrejtjes dhe kundërshtimit të saj atëhere ku mbetet dashuria dhe mëshira?

Imam Ibën Tejmijje
Fetva nga: "El-Masail ul-Mardinijah"
Përktheu: [Ammar] Ardit Kraja

Ibën Tejmijje

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11