Pyetje: Selam Alekum. Doja tju pyesja sa her ngrihen(si tekbir Allahu Ekber) duart ne nje rekat dhe ne cilin rast, dhe doja pak ne arabisht suren Ala qe thuhet ne rekatin e par te namazit te vitrit. selam kalofshi mir.

Përgjigje: Ue alejkum selam ue rahmetullah! Falënderimi i takon vetëm Allahut dhe salavatet më të mira janë për Profetin tonë.

Duart ngrihen në fillim të namazit, kur bie në ruku, kur ngrihesh nga rukuja dhe kur ngrihesh në rekatin e tretë.
Ose mund t'i ngresh në çdo veprim të namazit që bën, ulje apo ngritje qoftë, kijam apo ruku, apo sexhde. Për gjithë këto kanë ardhur argumente të sakta nga Profeti salallahu alejhi ue selem.

Për sa i përket sures Ea'la e ke në Kuran arabisht, megjithatë me sa kuptoj ti e do me shkronja latinisht, në mos gabofsha.
Nëse po, atëherë po të them se shkrimi i Kuranit me shkronja latinisht nuk lejohet, sepse konsiderohet deformim i fjalës së Allahut.

Abdurrahim Balla

__________________
Aliu radiallahu anhu ka thene:

"Shpifja ndaj femrave të pafajshme është më e rëndë sesa qielli; e vërteta është me e gjerë sesa toka; zemra e kënaqur është më e pasur sesa deti; zemra e munafikut (hipokriti) është më e fortë sesa guri; sundimtari i padrejtë është më i nxehtë sesa zjarri; nevoja ndaj mosmirënjohësit është me e ftohtë sesa acari; durimi është më i hidhur sesa helmi."