Mënyra e kryerjes së këndimit të Kuranit pas Fatihasë

Një veprim i tillë mund të bëhet në njërën prej mënyrave të mëposhtme:
El Husejni ka thënë: “Në betejën në Korasan, ne kshimi me vete treqind sahabë dhe njëri nga ata bëhej imam. Ai këndonte disa ajete nga Kurani dhe pasaj binim në ruku”.
Transmetohet se, në çdo rekat, Ibn Abasi këndonte Fatihanë dhe disa ajete nga surja El Bekare.[Transmeton Darakutni me një zinxhir të vërtetë transmetimi]

Bejhekiu tregon nga Abdullah ibn Sa`bi se Profeti (a.s) e këndonte suren El Mu`minun në namazin e sabahut dhe kurr arrinte tek pjesa ku përmendet Musa, Haruni apo Isa (a.s) ai kollitej dhe binte në ruku. Njëherë, Umeri këndoni në rekatin e pare 120 ajete nga surja El-Bekare, ndërsa në të dytin një nga “el-methani”.[Transmeton Buhariu]

El Ehnef lexonte suren El-Kehf në rekatin e parë dhe suret Junus dhe Jusuf në rekatine dytë. Ai ka thënë se e ka falur namazin e sbahut me Umerin (duke i kënduar këto sure).

Ibn Mesudi lexonte dyzet ajete nga surja Enfalë në rekatin e parë dhe një sure nga dhjetë suret e shkrurta (Mufassil) në rekatin e dytë. Katade ka treguar në lidhje me një njeri që kishte kënduar një sure në të dyjat rekatet dhe pastaj kishte thënë: “E gjitha është libri i Allahut”.

Ubejdullah Ibn Thabiti tregon se Enesi (r.a) ka thënë: “Njëri nga ensarët u fal imam me njerëzit në namaz në xhaminë e Kubasë. Përpara se të fillonte të këndonte Kuran, ai thoshte gjithmonë ajetin: “Thuaj: Ai është Allahu, i Vetmi”(Kul hue Allahu Ehad), derisa e mbarnote këtë sure dhe pasaj këndonte një sure tjetër. Ai vepronte në këtë mënyrë në çdo rekat. Njerëzit i thane: “Ti fillon me këtë sure, por nuk e sheh si të mjaftushme e kështu që këndon njv sure tjetër, prandaj ose lexo vetëm këtë ose lexo ndonjë tjetër”. Ai tha: “Unë nuk do të ndaloj së vepruari në këtë mënyrë. Më pëlqen t`ju drejtoj në namaz sipas kësaj mënyre. Nëse nuk e pëlqeni një gjë të tillë, atëherë un nuk do të dal imam”.Por, ata e dinin se ai ishte më i miri midis tyre kështu që nuk donin dike tjetër për imam. Ata ia treguan problemin Profetit (a.s) dhe ai tha: “O filan, e çfarë të ka penguar ty të veprosh në atë mënyrë që të kanë thënë shokët e tu? Pse e këndon këtë sure në çdo rekat? Ai u përgjigj: “Unë e dua atë sure”. Profeti (a.s) i tha: “Dashuria jote për atë sure do të bëjë ty që të hysh në xhenet”.

Një burrë nga fisi Xhuhejne ka treguar se e ka dëgjuar Profetin (a,s) duke kënduar suren “Kur të dridhet toka me dridhjen e saj të fuqishme” (Ez-Zelzele) në namazin e sabahut, në të dyja rekatet. Dhe burri ka thënë: “Nuk e di nëse Profeti (a.s) e harroi që e kishte kënduar këtë sure në rekatin e pare apo e bëri një gjë të tillë me qëllim”.[Hadith Hasen: SAhih Ebu Daud 816]

Udhëzimi i Pejgamberit (a.s) reth këndimit të Kuranit pas Fatihasë
Në këtë pjesë do të përmendim atë çfarë ka mësuar Ibn Kajimi në lidhje me mënyrën e këndimit të Kuranit nga ana e Prfetit (a.s) pas Fatihasë.
Ai ka komentuar “Kur Profeti (a.s) e mbaronte këndimin e Fatihasë ndonjëherë këndonte një sure të gjatë dhe ndonjëherë një të shkurtër (në rast se ishte në udhëtim apo i angazhuar në diçka). Por, shumicën e rasteve ai këndonte sure me gjatësi mesatare”.(Nëntitujt e kësaj pjese nuk janë të Ibn Kajamit)

Marre nga: Ballina - teuhid.NET - Ta mësojmë TEUHIDIN...

__________________