Këtë editorial e filloj me Emrin e Allahut – Mëshiruesit Mëshirëplotit. Të gjitha lavdërimet janë për Allahun – Zotin e botëve. Paqja dhe shpëtimi i Tij qoftë mbi Muhamedin alejhi salatu ue selam.

Islami është fe e dijes (diturisë). Allahu i Lartësuar në ajetin e parë i cili është zbritur në Kur'an dhe që është çelësi i diturisë thotë: "Lexo me emrin e Zotit tënd, i Cili krijoi (çdo gjë)! Krijoi njeriun prej një gjaku të ngjizur (në mitrën e nënës). Lexo! Se Zoti yt është më bujari! Ai që e mësoi (njeriun) të shkruajë me pendë. Ia mësoi njeriut atë që nuk e dinte." (Kur`an, 96: 1-5).

Për shkak të rëndësisë së dijes, Allahu i Lartësuar urdhëroi të Dërguarin e Vet për të kërkuar më shumë nga ajo. Allahu i Lartësuar thotë: "Thuaj: "Zoti im, më shto dituri!"!" (Kur`an, 20: 114).

Islami na fton për të kërkuar dituri. Muhammedi alejhi selam e bëri obligim kërkimin e diturisë për secilin musliman dhe tregoi se superioriteti i atij i cili posedon dituri mbi atë i cili vetëm thjesht falet është sikur superioriteti i hënës ndaj secilit trup qiellor. Ai tha se dijetarët janë trashëgimtarët e pejgamberëve dhe se pejgamberët nuk kanë lënë asnjë dinar apo dirhem (do të thotë, para), pra, trashëgimia e tyre ishte dituria, kështuqë kushdo që merr nga ajo, ka fituar një shpërblim të madh. Pejgamberi alejhi selam thoshte se kërkimi i diturisë është rrugë drejtë Parajsës.

Ai alejhi selam, gjithashtu, thoshte: "Kushdo që ndjek një rrugë në kërkim të diturisë, Allahu do ta bëjë të lehtë rrugën e tij për në Parajsë." (Transmetuar nga Buhariu, "Libri i dijes" 10).

Degët e diturisë ndryshojnë sipas statusit, më e larta është ajo që shpie ne diturinë ndaj Sheriatit, pastaj dituria për medicinën dhe pastaj edhe degë të tjera të saj. Më e mira, pra, nga degët e diturisë janë shkencat e Sheriatit, përmes të cilëve njeriu arrin ta njohë Zotin, Pejgamberin dhe fenë e tij. Kjo është dituria me të cilën Allahu i Madhërishëm e nderoi të Dërguarin e Tij; Allahu i Lartmadhëruar, pra, ia mësoi atij që më pastaj ai (Pejgamberi alejhi selam) ta shpërndajë ndër njerëz: "Është e vërtetë se Allahu u dha dhuratë të madhe besimtarëve, kur ndër ta nga mesi i tyre dërgoi të dërguar që atyre t'ua lexojë Shpalljen e Tij, t'i pastrojë ata, t'ua mësojë Kur'anin dhe Sheriatin, edhepse më parë ata ishin krejtësisht të humbur!" (Kur`an, 3: 164).

Dituria sjell shpërblim të madh. Ai i cili tregon rrugën për të arritur tek një e mirë, është sikurse ai i cili e bën atë! Kur një përson i dijshëm vdes, shpërblimet Allahut i Lartësuar për të nuk marrin fund, por vazhdojnë të shtohen për aq gjatë sa njerëzit përfitojnë nga dituria e tij.

I Dërguari i Allahut, alejhi selam thoshte: "Kur njeriu vdes, të gjitha punët e tij i paraprijnë fundit përveç tri punëve: një lëmoshë e vazhdueshme, dituria e dobishme dhe një djalë (fëmijë) i drejtë i cili do të lutet për të." (Transmetuar nga Muslimi, 1631).

Kryeredaktori

SHKARKO REVISTEN NE:
http://www.alb-drejtesia.com/revista/revista%207.pdf

__________________
Allah,je t'en supplie aide mes frères et mes soeurs en Gaza