Thotë All-llahu i madhëruar: “Gratë e mira janë respektuese, janë besnike ndaj së fshehtës...” [En-Nisa, 34]
Është pyetur Pejgamberi, sal-lallahu alejhi ve sel-lem, se cila është gruaja më e mirë? Është përgjigjur: “Gruaja më e mirë është ajo, e cila kur ta shikosh të gëzon, kur t’a urdhërosh të respekton dhe nuk të kundërshton në vetën e saj e as në pasuri në mënyrë të padëshirueshme.”
Në një hadith tjetër thotë Pejgamberi, sal-lallahu alejhi ve sel-lem: “Gratë e juaja, të cilat e meritojnë xhennetin janë ato, që janë të dashura e të buta, ato që lindin shumë, ato që çdoherë janë të gatshme për burrin e tyre, saqë kur hidhërohet burri, ajo vie e ia ulë dorën e saj mbi dorën e tij dhe i thotë: Nuk kam për të futur gjumë në sy derisa të pajtohesh me mua.
Një herë, Pejgamberi, sal-lallahu alejhi ve sel-lem, e pyeti një grua: “A je e martuar?” Po.-i tha ajo. “Si sillesh me të?”- e pyeti Pejgamberi sal-lallahu alejhi ve sel-lem. Ajo tha: Nuk e kursej veten deri sa të kam mundësi. Pejgamberi, sal-lallahu alejhi ve sel-lem, i tha: “Ke kujdes se ku gjindesh me të, sepse ai është xhenneti dhe zjarri yt!”
Thotë Pejgamberi sal-lallahu alejhi ve sel-lem: “Nëse një grua falë pesë kohët e namazit, agjëron muajin e ramazanit, ruan nderin e vet dhe dëgjon burrin e vet, i thuhet asaj: hyr në xhennet nga cilado derë e xhennetit që të duash!”
Një nënë e mençur e porositi të bijën e saj kur e martoi:
“O bija ime, po largohesh nga shtëpija yte, nga e cila je rritur dhe po le të dashurit e tu e po shkon tek një burrë që nuk ke pasur njoftësi dhe afërsi. Bëhu robëresha e tij, që të bëhët robi yt. Nëse don ta kesh për tërë jetën, ta lë këtë porosi:
• Ta dëgjosh e ta respektosh
• Zbukuroja dunjanë e tij, e mos t’i kapë syri e as hunda e tij të keqen e as të urrejturen
• Të jesh e gatshme gjithmon për të me ushqim dhe pirje, rehatoja gjumin, sepse këto atë e disponojnë
• Ruaja pasurinë, nderin tënd dhe fëmijet tuaj...

Një grua tjetër tregon për kujdesin e saj që ka ndaj burrit të vet:
• Burrit tim çdo herë ia ruaj hapat e tij kur marrin shkallët e pallatit dhe e pres tek dera dhe ia çeli derën para se ai ta çelë vet me çelësin e tij.
• I përcjelli levizjet e tija; trokitjen, hapat, zërin dhe bëhem e gatshme gjithherë për të.
• Ushqimin gjithmonë e shtroj në kohët kur ai vjen në shtëpi.
• Në kohët e nxeta, e pres tek dera me gotë uji të ftoftë apo pije freskuese.
• E kam vendosur një pasqyrë tek dera e banesës, që të vërtetohem për pamjen time para se ta takoj.
• Çdoherë i ndrroj fjalët përshendetëse kur e përshendes.
• Kujdesem që ta pres me ndonjë lajm të mirë, që e gëzon atë.
• Gjithherë e pres të parfumosur, me parfumet që i pelqejnë atij.
• I marr edhe fëmijët për ta pritur babain e tyre tek dera.


Përmblodhi dhe përshtati:
Ankebut.com

__________________
Kur All-llahu ka vendosur për një çështje, ose i dërguari i Tij, nuk i takon (nuk i lejohet) asnjë besimtari dhe asnjë besimtareje që në atë çështje të tyre personale të bëjnë ndonjë zgjidhje tjetërfare. E kush e kundërshton All-llahun dhe të dërguarin e Tij, ai është larguar shumë larg së vërtetës. (33:36)