Selamun Alejkum vllezer dhe motra Desha te kerkoj ketu hadithet qe flasin per aferimin e kijametit shenjat e vogla dhe ato te medha nese dikush mund te me tregon ku ti gjej hadithet ose le ti postoj dikush ketu nese ka mundsi Inshallah Selam Alejkum

We alejkum selam we rahmetullahi we berekatuhu

Vëlla i dashur në vijim doti shënoj disa hadithe rreth "Kijametit".

° I Dërguari s.a.v.s thotë “Jam dërguar une dhe kijameti si këta dy-dhe bëri me shenjë me dy gishtat” (Sahihul Buhari,Kitabu rekaik,babu kavlin nebijji : buithtu ena we saatu kehatejni,nga sehli r.a (11/347)

° Pejgamberi s.a.v.s thotë: “Afati i juaj nga afati i popujve që kanë kaluar, është sikur koha në mes namazit të Ikindisë dhe perëndimit të diellit” (Sahihul Buhari,Kitabu Ehadithil enbijai,babu ma dhukire an beni israil (6/495-meal fet-h).

° I Dërguari i Allahut [salallahu alejhi ve selem] thotë:“ jam Dërguar në fillimin e Kijametit”( thotë Albani e transmeton Ed-Dulabijj. Në librin (El-Kuna) 1/23 dhe ibn Munedih në librin El-Marifeh 2/234/2 dhe zingjiri është i saktë (shiko më gjërësisht silsiletus-sahiha 2/467 (808)). Transmeton ibn Umeri r.a dhe thotë : ishim ulur me Pejgamberi [salallahu alejhi ve selem] ndërsa dielli kishte rënë mbi kodrën Kuajkiam (kodër në anën jugore të Mekkes për 12 mila) pas namazit të Ikindisë, Pejgamberi [salallahu alejhi ve selem] tha: “ Jeta e juaj në krahasim me jetën e atyre që kanë kaluar është sikurse ajo që ka mbetur nga dita dhe ajo që ka kaluar” - (Transmeton Ahmedi në Musnedin e tij (8/176) Ahmed Shakiri thotë: zingjiri është i saktë).

° Në hadithin që e transmeton Ebu Musa El-Esharijj se i Dërguari i Allahut [salallahu alejhi ve selem] ka thënë: “Para kijametit do të paraqiten fitnet sikur nata e errët, gdhihet njeriu besimtar ndërsa në mbrëmje bëhet jobesimtar, ose në mbrëmje është besimtar ndërsa gdhihet jobesimtar, ai që nuk përzihet është më i mirë se ai që fillon, ai i cili e fillon është më i mirë se ai që e vazhdon (ecë), ai që ecë është më i mirë se ai që ngutet në atë, andaj theni harqet e juaja, këputni litarët, dhe goditni gurët me shpatat tuaja, e nëse hynë te dikush nga ju, le të jetë si biri më i mirë nga dy bijtë e Ademit a.s. (transmeton Imam Ahmedi, Ebu Davudi, ibn Mexheh dhe Hakimi në Mustedrekin e tij)

° nga Ebi Hurejre se i Dërguari i Allahut [salallahu alejhi ve selem] ka thënë: “Nxitoni në vepra të mira para se të paraqiten fitnet sikur nata e errët gdhihet njeriu besimtarë, ndërsa në mbrëmje bëhet jobesimtar, ose në mbrëmje është besimtar e gdhihet jobesimtar, e shet fenë e tij për diç (një kënaqësi) të kësaj bote. (shih:sahihu muslim-kitabul iman –babul hath alal mubadereti bil eamal kable tedhahuril fiteni (2/133-mea sherh En-Nevevi)

PS: Këto jan vetëm disa hadithe që flasin rreth ksaj dite...

Allahu te shperbleft si e kan komentu ket hadith dijetart se nuk po e kuptoj mir qfar dmth ka " gdhihet njeriu besimtar ndërsa në mbrëmje bëhet jobesimtar, ose në mbrëmje është besimtar ndërsa gdhihet jobesimtar"

Selamun alejkum

Vella i dashur e njeta pyetje ju eshte ber edhe hoxhes 'Alaudin Abazi'. ne vijim dota shenoj pergjigjen e hoxhes rreth pyetjes ne fjal.

Pyetja:

Selam alejkum!
Pyetja ime është kështu. Si e kanë komentuar dijetarët e Ehli Sunetit hadithin në vijim: "Para kiametit do të paraqiten fitnet sikur nata e errët, gdhihet njeriu besimtar ndërsa në mbrëmje bëhet jobesimtar, ose në mbrëmje është besimtar ndërsa gdhihet jobesimtar"
Allahu jua shpërbleftë!
Selam alejkum!

Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Ekzistojnë disa hadithe në të cilat ceket ky citat për të cilin ju bëni pyetje. Prandaj, për ta kuptuar më qartë atë që aludon ky citat, do të sjellim disa nga këto hadithe:

- Muhamedi (lavdërimi dhe paqja qofshin mbi të) thotë: “Nxitoni në vepra (të mira) para se të paraqiten fitnet sikur nata e errët, gdhihet njeriu besimtar dhe ngryset jobesimtar (kafir), ose ngryset besimtar dhe gdhihet jobesimtar. Do ta shesë ndonjëri prej jush fenë e tij për një kotësi të kësaj bote.” Shënon Muslimi, Ahmedi dhe Tirmidhiu.

Dhe thotë: “Para vetës keni fitne sikur nata e errët, gdhihet njeriu besimtar e ngryset jobesimtar ose ngryset besimtar e gdhihet jobesimtar. I uluri nga ato fitne (ai që nuk merr pjesë) është më i mirë se ai që është në këmbë, ai që është në këmbë është më i mirë se ai që nxiton në të (ato fitne).” Ata që ishin të pranishëm e pyetën: “O i Dërguar i Allahut, çfarë po na urdhëron të veprojmë?” Ai u tha: “Ngjituni për shtëpitë tuaja.” Shënon Ebu Davudi.
Porosia “Ngjituni për shtëpitë tuaja” nënkupton që në asnjë mënyrë të mos jemi pjesëmarrës të atyre trazirave.

Gjithashtu, i Dërguari i Allahut salallahu alejhi ue selem ka thënë: “Para kiametit do të paraqiten fitne sikur nata e errët, gdhihet njeriu besimtar ndërsa ngryset jobesimtar, ose ngryset besimtar e gdhihet jobesimtar. Ai që është i ulur nga ato fitne (nuk merr pjesë) është më i mirë se ai që është në këmbë, ai që është në këmbë është më i mirë se ai që ecën (shkon në ato fitne, merr pjesë), ai që ecën është më i mirë se ai që nxiton në të, andaj thyeni harqet (armët) tuaja, këputni litarët (e harqeve) dhe me shpatat tuaja goditni gurët. E, nëse dikujt i hyn dikush në shtëpinë e tij, atëherë le të jetë si biri më i mirë nga dy bijtë e Ademit (Kabili e Habili).” Shënon Imam Ahmedi, Ebu Davudi, ibn Mexheh dhe Hakimi në Mustedrekin e tij.


Koment i shkurtër rreth këtyre haditheve

Këto dhe hadithe të tjera të ngjashme paralajmërojnë fitnet e njëpasnjëshme me të cilat do të ballafaqohen muslimanët para ardhjes së kiametit. Hadithet që flasin për paraqitjen e këtyre fitneve njoftojnë se fundin e këtij umeti do ta godasin sprova e fitne shumë të mëdha dhe të rënda, ashtu si thuhet në këto hadithe: “...sikur nata e errët”, pra është një krahasim se sa shumë do të jenë të rënda këto fitne për njeriun dhe se e vërteta do të përzihet shumë me të kotën, saqë njeriu nuk do të arrijë t`i dalloj këto, ashtu siç hutohet në natën e errët dhe nuk di se çfarë ka para vetes.

Ndërsa pjesa:“...gdhihet njeriu besimtar dhe ngryset jobesimtar (kafir), ose ngryset besimtar dhe gdhihet jobesimtar”, nënkupton se nga ato përzierje të shumta të fitnes dhe të sprovave shumë lehtë njeriu mund të dalë nga feja, madje edhe pa e vërejtur ai këtë. Ndodh ta veprojë një punë që nga padituria mendon se nuk është aq e madhe, kurse ai veprim në fakt e nxjerr nga feja atë. Allahu na ruajttë nga fitnet e dukshme dhe ato të padukshme!

Shejh Aburrahman Berrak gjatë komentimit të kësaj pjese të hadithit thotë: “Në thënien: “...gdhihet njeriu besimtar dhe ngryset jobesimtar” është e mundur, Allahu e di më së miri, se thënia: “ngryset jobesimtar” ka për qëllim kufrin e madh (i cili të nxjerr nga feja). Me fjalë tëtjera, këto fitne i bëhen shkaktarë atij që të dezertojë nga feja, të dalë nga Islami. Pra, të jetë besimtar (gjatë ditës) dhe (në mbrëmje) të dezertojë dhe të bëhet kafir. Por gjithashtu ka mundësi që qëllimi të jetë kufri i vogël (i cili nuk të nxjerrë nga feja). Pra, hadithi mund të ketë për kuptim edhe këtë (kufirin e vogël) edhe atë (kufirin e madh).

Pra, do të ketë nga njerëzit të cilëve do t`u bëhen sebep këto fitne që do ta nxjerrin atë nga feja, sikurse të lejojë diçka nga gjërat të cilat i ka bërë haram Allahu, etj. Do të ketë edhe disa njerëz të tjerë të cilëve këto fitne do t`u bëhen sebep që të bëjnë mëkate të ndryshme, të cilat llogariten nga llojet e kufrit të vogël.1” Ky është komenti i kësaj pjese të hadithit, Allahu e di më së miri!

Alaudin Abazi
22.8.2008

1 “Sherhu Ehadith el Fiten vel Havadith”, Shejh Abdurrahman Berrak.