Hatithe të zgjedhura.. - Faqja 12

Abdurrezak · #**111** (**permalink**) 15-10-2008, 02:30

Transmetohet nga Ebu Hurejra r.a. se i Dërguari i All-llahut s.a.v.s. ka thënë:

“Për çdo nyje të njeriut, çdo ditë kur lind dielli, duhet dhënë sadaka. Nëse pajton dy veta, edhe kjo është sadaka, nëse dikujt i ndihmon që të hipë në kafshën e tij, ose i ndihmon që ta ngarkojë barrën në kafshën e tij (kalë ose deve), edhe kjo është sadaka, edhe fjala e mirë është sadaka, çdo hap që bën për të shkuar në namaz është sadaka, edhe largimi nga rruga e asaj që i pengon kalimtarët është sadaka.”
(Muttefekun alejhi)

Abdurrezak · #**112** (**permalink**) 15-10-2008, 02:31

Nga Ebu Hurejra r.a. transmetohet se i Dërguari i All-llahut s.a.v.s ka thënë: “O ju gratë muslimane, asnjëra nga ju mos ta përbuzë shoqen fqinje të saj, qoftë ajo edhe për një thundër deleje.”
(Muttefekun alejhi)

Abdurrezak · #**113** (**permalink**) 15-10-2008, 02:32

Ebu Hurejra r.a. po ashtu thotë se Pejgamberi s.a.v.s. ka thënë: “Vërtet e kam parë një njeri duke u dëfryer në Xhenet për shkak se kishte prerë një dru që i pengonte muslimanët të kalonin rrugën.”
(Transmeton Muslimi)

**Ervala** · #**114** (**permalink**) 16-10-2008, 11:36

Esselamu Alejkum

486. “Nëse dikush prej jush teshë dhe thotë: ‘El-hamdulil-lah' (falënderimi i qoftë All-llahut), përshëndeteni me fjalët e njohura, por nëse nuk thotë: ‘El-hamdulil-lah', atëherë mos kërkoni shëndet për të, mos i thoni: ‘Jerhamukell-llahu'!”

Fidan · #**115** (**permalink**) 22-10-2008, 11:00

I Dërguari (sal-lall-llahu alejhi ve sel-lem) ka thënë:
"Nuk do të paraqitet Dita e Gjykimit gjithnjë derisa gruaja nuk do të bëjë marrëdhënie seksuale në mes të rrugës dhe në mes të ditës, e këtë askush nuk do ta kundërshtojë. Më i miri prej tyre, do të jetë ai i cili thotë: Sikur të ishe larguar ca nga rruga. All-llahu na rujtë nga kjo".

**Ervala** · #**116** (**permalink**) 22-10-2008, 22:26

Esselamu Aljekum

183. “Këshillohuni ndërmjet veti që me gratë të silleni mirë, sepse ato janë në shërbim tek ju, ju nuk dispononi diç tjetër prej tyre pos kësaj (shërbimit), përpos nëse haptas bëjnë diç të pamoralshme, e nëse bëjnë – ndani nga shtrati dhe rrihni me një rrahje që nuk i dëmton (fizikisht). Nëse bëhen prapë të dëgjueshme, atëherë mos kërkoni mënyrë tjetër për t'i shtypur (ndaj tyre silluni mirë si më parë). Ju keni të drejta ndaj grave tuaja dhe gratë tuaja kanë të drejta ndaj jush. Gratë tuaja nuk guxojnë në shtratin tuaj ta pranojnë tjetërkënd, e as ta lejojnë në shtëpinë tuaj atë që ju nuk e doni.Kurse e drejta e tyre në ju është që të kujdeseni mirë për to, t'u jepni ushqim dhe t'i veshmbathni si ka hije.”

**Ervala** · #**117** (**permalink**) 23-10-2008, 10:51

Esselamu Alejkum

676. Muxhibete El-Bahilijete, transmeton se ai kishte shkuar te Lajmëtari a.s., mirëpo kishte munguar një kohë dhe kishte shkuar pas një viti. Gjatë kësaj kohe gjendja e tij kishte ndryshuar dukshëm, dhe ai tha: “O i Dërguari i All-llahut, a më njeh?” Lajmëtari a.s. ia ktheu: “Kush je ti?” Ky iu përgjigj: “Unë jam Bahiliu, që isha te ti vitin e kaluar.” Lajmëtari a.s. atëherë i tha: “Ç'të ka ndryshuar, ishe i bukur?” Ky atëherë i tha: “Prej momentit që jam ndarë prej teje, asgjë nuk kam ngrënë ditën, por vetëm natën.” I Dërguari i All-llahut i tha: “Ti e ke munduar vetveten!” Pastaj e Këshilloi: “Agjëroje muajin e sabrit (durimit) dhe nga një ditë për çdo muaj!” Njeriu i tha: “Më shto mua sepse unë kam fuqi për agjërim!” Lajmëtari a.s. ia ktheu: “Agjëro dy ditë!” Bahiliu i tha: “Më shto edhe më shumë!” Lajmëtari a.s. i tha: “Agjëro tri ditë!” Ai prapë i tha: “Shto!” Lajmëtari a.s. atëherë i tha: “Agjëro prej muajve të mëdhenj: Muharrem, Rexheb, Dhul Ka'de dhe Dhul-hixh-xhe. Pastaj pusho, pastaj agjëro, pastaj pusho, pastaj agjëro dhe pastaj pusho së agjëruari!” Lajmëtari a.s. me tre gishtat e vet dha shenjë nga tri ditë”

**Ervala** · #**118** (**permalink**) 24-10-2008, 12:23

Esselamu Alejkum

179. “Kush përkujdeset për dy vajza deri në moshën madhore, kur të vjen në Ditën e Gjykimit unë dhe ai do të jemi si këta dy” dhe i bashkoi gishtat.”

**Ervala** · #**119** (**permalink**) 25-10-2008, 11:04

Esselamu Aljekum

1009. “Grupi i parë i cili do të hyjë në Xhennet do të jetë në figurë të hënës katërmbëdhjetëshe, e pastaj ata më poshtë në figurë të yllit më të shndritshëm. Ata nuk do të kenë nevojën e vogël, as të madhe, as do të ketë kundërmim, as që do të ketë tërfullim, jargosje. Krehërit e tyre do të jenë të arit, kurse djersa e tyre do të jetë misku. Tagarët e tyre janë druri i shtresuar aromatik, kurse çiftet e tyre janë hurul-in. Të gjithë do të kenë një pamje në figurën e babait të tyre Ademit me gjashtëdhjetë kuti në qiell.” Në transmetimin sipas Buhariut dhe Muslimit thuhet: “Enët e tyre në të (Xhennet) janë të arit, djersa e tyre është misk; për çdo xhennetli ka dy gra, palca e kërçikës së të cilave do të shihet nga jashtë prej bukurisë. Ndërmjet tyre nuk do të ketë mospajtim, as konflikt e hidhërim. Zemrat e tyre janë një zemër. All-llahun do ta madhërojnë në mëngjes dhe në mbrëmje.”

**Ervala** · #**120** (**permalink**) 28-10-2008, 11:25

Esselamu Alejkum

42. “Sinqeriteti (sidk) shpie në mirësi, kurse mirësia shpie në Xhennet. vërtet njeriu i cili vazhdimisht është i sinqertë (në besim dhe në të folur), tek All-llahu shkruhet besimtar i vërtetë (siddik). Gënjeshtra shpie në prishje (morale), kurse prishja shpie në Xhehennem. Njeriu që gënjen vazhdimisht, më në fund tek All-llahu shkruhet gënjeshtar.”