Shtatë personat nën Hijen e Arshit të Allahut të Plotfuqishëm

Dy njerëz që duhen për hir të Allahut, takohen dhe ndahen për shkak të kësaj

Allahu i Plotfuqishëm thotë: “S’ka dyshim se besimtarët janë vëllezër, pra bëni pajtim ndërmjet vëllezërve tuaj dhe kini frikë Allahun, që të jeni të mëshiruar (nga Zoti).” Huxhurat, 10.

Të pasurit dashuri të përbashkët për hir të Allahut, është një nga portat e mëdha që të udhëheq në mirësinë e botës së përtejme dhe shkak për shijimin e ëmbëlsisë së besimit në këtë botë. Të duhesh me njeri-tjetrin për hir të Allahut do të thotë që muslimani nuk do dikë tjetër vetëm se në fenë e tij. Kështu që nuk ka rëndësi se si duket personi, çfarë vesh, sa i pasur apo i varfër është, nga vjen e çfarë ngjyre ka origjinën e tij.

Ndoshta ju nuk pëlqeni asgjë nga ai, por e doni atë, për besimin e tij në Allahun. Kjo është të duhesh për hir të Allahut. Allahu i Madhërishëm ka thënë në një hadith kudsij: "Ata që duhen për hir Tim do të kenë mirare drite dhe do t’i kenë zili profetët dhe shehidët." Tirmidhiu dhe Ahmedi.

Imagjino të të kenë zili profetët e zgjedhur nga Allahu dhe ata që ranë në rrugën e Tij. Ky është shpërblimi për ata që duhen për hir të Allahut.

Një burrë që ftohet dhe joshet nga një grua e bukur dhe me pozitë dhe ai thotë: “Unë i frikësohem Allahut.”

Allahu thotë: “Dhe mos iu afroni imoralitetit (zinasë), sepse vërtet ai është vepër e shëmtuar dhe është një rrugë shumë e keqe.” Isra, 32.

Kjo botë është plot tundime që të çojnë në zjarr dhe midis tyre është edhe femra. Shumë njerëz janë shkatërruar për shkak të joshjes së femrave dhe për këtë gjë Profeti -alejhi selam- e paralajmëroi popullin e tij në veçanti. Ai ka thënë: “Kjo botë është e ëmbël dhe plot gjallëri. Allahu do t’ju bëjë pasardhës që të shikojë se si veproni. Kështu që shmanguni joshjes së grave. Vërtet, sprova e parë që u edhi bijëve të Israelit ishte nga gruaja.” Muslimi.

Dispozita më e rëndësishme që na nevojitet për të mbrojtur veten nga ky dhe çdo tundim tjetër në jetë është të kesh frikë Allahun. Ky fakt paraqitet në ajetet e mëposhtme: “E kush iu frikësua paraqitjes para Zotit të vet dhe ndaloi veten prej epsheve, xheneti është vendi i tij.” Naziat, 40-41.

Personi që jep lëmoshë dhe e fsheh atë saqë dora e majtë nuk e di se çfarë dha e djathta

Kjo përshkruan atë lloj personi i cili e ruan veten e tij nga syefaqësia në adhurim. Të bësh diçka për t’u dukur do të thotë ta bësh atë që të të vlerësojnë dhe të të njohin të tjerët. Ky gjynah shkatërron çdo përfitim që do të sillte kjo vepër dhe e çon personin që e kryen atë në një dënim të rreptë. Kjo është veçanërisht e rrezikshme sepse është në natyrën e njeriut që i gëzohet vlerësimit nga të tjerët.

Kështu, duhet të bëhet kujdes i madh, në mënyrë që çdokush të ketë qëllim të pastër nga fillimi në mbarim, kurdo që bëjmë vepra të mira, p.sh.: bamirësia. Allahu thotë: “O ju që besuat, mos i prishni lëmoshat tuaja me të krenuar e me ofendim, siç bën ai që e jep pasurinë e vet sa par sy e faqe të njerëzve, e nuk e beson Allahun dhe as botën tjetër.” Bekare, 264.

Personi që kujton Allahun në vetmi dhe sytë e tij lotojnë

Profeti -alejhi selam- na njofton: “Nëse ju do të dinit atë që di unë , do të qeshnit pak e do të qanit shumë.” Buhariu.

Profeti -alejhi selam- që ishte krijesa më e mirë, qante ashtu siç qanin edhe sahabët. Lotët shprehin frikë ndaj dënimit të Allahut dhe dashurinë tonë të sinqertë për Të.

Por, sa shpesh e kujtojmë ne Allahun në vetmi duke u përlotur?!

Sa shumë qajmë dhe sa pak lotojmë! Profeti -alejhi selam- ka thënë: “Asgjë nuk është më e dashur tek Allahu se sa dy pika dhe dy shenja: loti që rrjedh nga frika e Allahut dhe pika e gjakut që derdhet në rrugën e Allahut. Ndërsa, për sa i përket dy shenjave, është shenja që shkaktohet në rrugën e Allahut dhe shenja që shkaktohet nga përmbushja e obligimeve ndaj Allahut”. Tirmidhiu.

Së fundi, nëpërmjet këtyre shtatë kategori njerëzish, të përmendur në transmetimin e hadithit, ne na është dhënë një drejtim i qartë për mënyrën se si ta fitojmë kënaqësinë e Allahut. Le të përkushtohemi për t’u bërë një nga këta shtatë persona të cilëve u është siguruar hija e Arshit të Allahut, ditën kur nuk ka hije tjetër përveç hijes së Tij.

Përktheu: M. Tafa
Burimi Jetes