Transmeton Enesi,radijall-llahu anhu,se Pejgamberi,sal-lall-llahu alejhi ve sel-lam,ka thënë:”Nuk ka besuar askush prej jush përderisa të e dëshiron për vëllain e tij atë që dëshiron për veti”

Allahu,subhanehu ve teala,thotë:

"S'ka dyshim se besimtarët janë vëllezër, pra bëni pajtim ndërmjet vëllezërve tuaj dhe keni frike All-llahun, që të jeni të mëshiruar (nga Zoti)."

Qëllimi i hadithit është se prej tërësisë së degëve të imanit të obliguara është që njeriu të dëshiron për vëllain e tij atë që dëshiron për vete.

Ky rregull i pjesërishëm islam përkufizohet me rregullin themelor e që nënkupton: të dëshirosh për vëllain tënd të mirën ashtu siç e dëshiron për vete, ashtu siç është përmendur në një transmetim tjetër:

"... përderisa të dëshiron për vëllain e tij atë të mirë që e dëshiron për vete"

Fjala "të mirë" (hajri) përmbledh të gjitha veprat fetare (taat) dhe veprat e lejuara të kësaj bote (mubahat) dhe Botës tjetër përpos ndalesave, sepse ato nuk janë mirësi dhe nuk përfshihen.

Lidhur me hadithin e lartëpërmendur dijetari Ebu Amër ibën Salah thotë: E tërë kjo mund të kuptohet si vepër e rëndë dhe e parealizuar, mirëpo nuk është ashtu sepse kuptimi i hadithit është: nuk plotësohet imani i asnjërit prej jush përderisa të mos dëshiron për vëllain e tij musliman atë që dëshiron për vete. Ai këtë mund ta realizoi duke dashur për arritjen e të mirave pa mos i u paksuar të mirat e tij.E kjo është e leht për zemrën e shëndosh kurse e vështirë për zemrën e sëmurë,Allahu na mbroftë neve dhe të gjithë vëllezërit tanë.

Rrëfehet se Fudajl ibën Ijadi i ka thënë Sufjan Etheuriut: Nëse vërtetë dëshiron që njerëzit të jenë sikur ti atëherë nuke ke zbatuar këshillën për hir të Allahut, e çka nëse dëshiron që ata të jenë më poshtë se ti?