Kushtet e kurbanit

Obligohen në prerjen e kurbanit katër kushte:

1. Që kurbani të jetë prej bagëtive. Pra, nuk lejohet që kurbani të jetë prej shpezëve apo peshqive. Allahu xh.sh. thotë: "Që ta përmendin emrin e Allahut përarsye se i furnizoi ata me kafshët" (El-Haxh 34).

Thotë ibën Kajjimi Allahu e mëshiroftë: Nuk njihet nga Pejgamberi a.s. e as nga shokët e tij udhëzim tjetër e as kurban tjetër përveç prej bagëtive.
Bagëti konsiderohen: Devet, lopët, dhitë dhe delet.

2. Që kurbani të arrijë moshën e tij të duhur për therrje në sheriatin Islam. Psh: delet duhet t'i plotësojnë gjysmë viti, dhitë një vit, devet pesë vite, kurse lopët dy vite. Pejgamberi a.s. thotë: "Mos therrni diçka tjetër përveç lopë dyvjeçare e nëse iu vështërësohet kjo atëherë therrni nga delet që i kanë mbushur gjysmë viti" (transmeton Muslimi).

3. Që kafsha të jetë e shëndoshë prej të metave, të cilat e ndalojnë nga ecja. Këto të meta janë katër:

E para: nëse kafsha e ka të verbër njërin sy apo e ka syrin të futur mbrenda apo të qitur përjashta apo të zbardhur. Mirëpo, prej çështjeve më të rëndësishme është që kafsha mos të jetë e verbër krejtësisht.

E dyta: Sëmundja e qartë ndër bagëtitë tjera si: temperatura, zgjeba (kroma) e dukshme, e cila e prish mishin, varra e thellë e e ngjashme me këtë është edhe e fryera (e ngopura tepërt) derisa të shfryhet dhe të largohet nga rreziku. Sikur kjo është edhe ajo kafshë, të cilës i është vështërësuar lindja përderisa të kalon nga kjo gjendje dhe t'i largohet rreziku.

E treta: E çala (sakatja) pra, kjo e metë është e qartë, e cila e ndalon nga ecja mirëpo më e rëndësishme është që kjo kafshë mos të jetë vetëm me një këmbë.

E katërta: Kafsha e dobët jo e majme. E ngjashme me këtë është edhe ajo, e cila nuk mundet të ecë. Argument për këtë është hadithi, të cilin e transmeton Berra bin Azibi se Pejgamberi a.s. ka thënë: "Katër kafshë nuk vlejnë për therrje: kafsha e cila e ka njërin sy të verbër, e sëmura që i vërehet sëmundja, e çala dhe ajo e cila është e dobët fizikisht e që nuk mund të përmirësohet nga kjo gjendje" (transmeton Tirmidhiu).

4. Që kurbani të therret në kohën e caktuar sipas sheriatit. Pra, koha e therrjes fillon që nga përfundimi i namazit të Bajramit e deri në përfundim të diellit të ditës së trembëdhjetë (të muajit Dhu El-Hixhe). Transmeton Berra bin Azibi se Pejgamberi a.s. ka thënë: "Kush ka therrë para namazit të Bajramit ai ka therrur për vetveten dhe familjen e tij, e kush ka therrur pas namazit të bajramit veç e ka kryer obligimin dhe e ka realizuar sunetin." (muttefekun alejhi)

Pejgamberi a.s. ka therrur kurban pas faljes së namazit të Bajramit. Koha më e vlefshme për therrje është koha menjëherë pas namazit të Bajranmit dhe para angazhimit me përurime etj, përarsye se plotësimi i përurimit bëhet me plotësimin e punës, e plotësimi i punës është therrja e kurbanit.
Lejohet therrja e kurbanit në çdo kohë natën apo ditën. Kjo, sipas fjalëve të dijetarëve, mirëpo therrja gjatë ditës është më e vlefshme.

Disa rrgulla që lidhen me kurbanin:

1. Nuk lejohet të shitet diç nga kurbani si: leshi, dhjami etj.
2. Nuk lejohet që të transfrohet apo të shitet kurbani nëse gjen më të mirë.
3. Nuk lejohet përdorimi i tij për lavrim, bartje, hipje pëveç ne rast nevoje.
4. Nuk lejohet mjelja e kurbanit përveç nëse e din se mjelja e tij është më e dobishme për të atëherë, e mjelë atë dhe qumështin e tij e jep sadaka e nuk e shet.

__________________
O ju që keni besuar, a t’ju tregoj për një tregti të bujshme që ju shpëton prej një dënimi të dhembshëm:
T’i besoni All-llahut dhe të dërguarit të Tij, të luftoni në rrugën e All-llahut me pasurinë tuaj dhe veten tuaj, e kjo është shumë më e dobishme për ju, nëse jeni që e dini.
ES-SAFF 10-11

Es-selamun alejkum,
Te nderuar vellazer bashkepjesemarres ne forum,kisha me ua ber nje pyetje ne lidhje me kurbanin.
A ka te drejt gruaja me u bere pjestare ne prerjen e kurbanit(lope) nese edhe burri i saj eshte pjestar,nese ajo ,gruaja, nuk ka te holla te vetat,as qe i ka fituar me pune me duar te veta as nga prindet,por ato ia dergojne djemt te cilet gjinden perkohsisht ne boten e jashtme.Madje te hollat ia dergojne dhe e urdherojne qe me to te prejn kurban ?
E nese nuk ka te drejt ku mund ti shpenzon ato te holla perveq ne kurban?

__________________
"E kur robet e Mi te pyesin ty per Mua, Une jam afer,i pergjigjem lutjes kur lutesi me lutet,pra per te qene ata drejte te udhezuar,le te me pergjigjen ata Mua dhe le te me besojne Mua." (2:186)