FEJA JONË NUK KA NEVOJË PËR GËNJESHTRA

Vëllezër të nderuar!
Më rastisi të hyj në një forum sekularist, që urren Islamin. Lexova një postim që më pas u pendova dhe ndjeva keqardhje pse e lexova atë. Të rinj që përqeshin rininë islame që frekuenton këto forume. Storia e tyre përmblidhet në shkrimin e temave të fabrikuara dhe apokrife, të cilave më pas iu japin ngjyrë islame, si:
· Zbulimi i mrekullisë shkencore në Kur’an: Një pemë e madhëron Allahun.
· Një femër është tallur me Kur’anin dhe më pas është transformuar në dhi.
· Majkëll Xheksoni ka pranuar Islamin.
· Një të vdekur e nxirrën nga varri për ekspertizë dhe panë në trupin e tij shenjat e ndëshkimit me zjarrë (Dënimi i varrit).
Pastaj, i marrin këto gënjeshtra dhe i përhapin në forumet islame. Anëtarët e forumeve islame, duke mos e ditur rrezikun e tyre, i vendosin në forumet e tyre të cilat në mënyrë marramendëse përhapen në forumet e tyre dhe lexohen nga mijëra e mijëra muslimanë...
Pastaj, këta shpifës sa nuk vdesin nga të qeshurit me mendjelehtësinë e myslimanëve ngase ato nuk janë asgjë tjetër vetëm se një gënjeshtër e kulluar, e prodhuar për tallje e përqeshje me fenë tonë, në njërën anë, dhe prezantimin e keq para botës me synim të largimit të tyre nga Islami, në anën tjetër.
E pastaj, pas një kohe, zbulohen se këto ishin vetëm gënjeshtra por vetëm pasi që më parë armiqtë tanë na përqeshën e u tallën me ne.
Ja disa shembuj të gënjeshtrave që u zbuluan:
***
Gënjeshtra: Tregimi i një vajze ummanase, e cila qe tallur me Kur’anin dhe më pas qe shndërruar në dhi.
Realiteti: Fotoja është një punim artistik i një artiste franceze.
***
Gënjeshtra: Storia e djaloshit, varrin e të cilit e hapen për obduksion të kufomës pas tri orësh dhe të cilin e gjetën të djegur nga zjarri i varrit.
Realiteti: Në realitet, fotoja ishte e një kufome të një vajze e cila qe djegur në një aksident.
***
Gënjeshtra: Fotoja e një xhini, të cilin një i ri nga Emiratet e Bashkuara Arabe e kishte fotografuar në një shpellë, me ç’rast kishte vdekur menjëherë pas këtij fotografimi.
Realiteti: Xhini, i përshkruar në foto, në realitet ishte një skulpturë e gdhendur në një shpellë, sytë e së cilës (skulpturë) ishin të lidhura me një çelës elektrik për ndriçimin e syve me poç elektrik të kuq.
***
Gënjeshtra: Fotoja e një kopshti gjerman ku rrënjët e pemëve ishin lidhur e formësuar në të dy anët si dëshmia: La ilahe il-la Allah Muhammedun Resulullah!, duke mos fshehur edhe atë se kopshti nga autoritetet gjermane është mbyllur.
Realiteti: Fotoja ishte një pikturë e një artisti, emri i të cilit qe fshirë nga piktura.
***
Gënjeshtra: Në një spital amerikan një aparat kishte fotografuar zemrën e një pacienti në të cilën shkruante emri ALLAH!.
Realiteti: Fotoja është përhapur nga një forum çifut që të përqeshet Islami.
***
Gënjeshtra: Majkëll Xheksoni bëhet musliman.
Realiteti: Majkëll Xheksoni ka shpallur se ka respekt për këtë fe dhe mohon se është musliman, e: “All-llahu nuk është i nevojshëm për njerëzit”. (Ali Imran, 97)
***
Gënjeshtra: Fotot e dy haremeve, Qabesë dhe Xhamisë së Pejgamberit, alejhi’s selam, të cilat nga incizimet e bëra me satelite shndrisin gjatë natës.
Realiteti: Fotoja është punuar me Fotoshop (program). Është marre fotoja gjatë ditës, i janë fshirë objektet që i rrethojnë, e me pas është bërë punim artistik me të. Ndryshe, nuk ka të vërtetë këtu.
***
Gënjeshtra: Një foto nga NASA që paraqet hënën me një vijë në mes duke vërtetuar kështu faktin e çarjes së hënës nga Muhammedi, alejhi’s selam.

Realiteti: Edhe kjo foto është prodhim i Fotoshop-it. Pra, nuk është e vërtetë ngase këtë lajm askund nuk e kemi hasur në burimet e NASA-s.
***
Gënjeshtra: Pema e bekuar, e zbuluar në Egjipt, në të cilën është gdhendur emri më i madh i Allahut.
Realiteti: Gdhendja është bërë nga dora e njeriut dhe nuk bëhet fjalë për tjetër gjë.
***
Të nderuar vëllezër!
Feja Islame është plotësuar me vdekjen e Muhammedit, alejhi’s selam andaj nuk ka nevojë për tregime të tilla të fabrikuara për t’i bindur njerëzit për ta përqafuar Islamin.
Kërkojmë nga vëllezërit e motrat, që nëse iu arrijnë gjëra të tilla, le të mos i përhapin pa u dëshmuar vërtetësia e tyre.
E lusim Allahun që të vërtetën të na e rrëfejë si të vërtetë dhe të na mundësojë ta pasojmë atë, dhe të kotën si të kotë e të na mundësojë që t’i shmangemi asaj!

Ejmen Salih
Përshtati në shqip: Sedat G. ISLAMI
27.03.2008, e enjte
Vushtrri, Kosovë

__________________
“Indeed Allah has purchased from the believers their souls and their wealth, in exchange for Paradise…”(Kur'an)

Selam alejkum

Vellezer dhe motra, perderisa mesazhi i pergjithshem rreth vertetimit te nje ngjarjeje mund te merret si i drejte, ajo qe mua do te me interesonte eshte se, a i ka vertetuar ky vellau (qe e ka perkthyer kete artikull) keto raste para se te perkthente kete artikull dhe ta publikonte neper faqe te internetit.

Po e them kete sepse, nese nuk e ka bere kete, atehere do te kishte vepruar ne kundershtim me mesazhin te cilin eshte duke e percjellur.

Se paku disa prej "genjeshtrave" me duken te dyshimta ne "demaskimin" qe autori pretendon t'ua kete bere.

1. - Nese eshte fjala per djaloshin ne videon qe gjendet ne kete forum, atehere, dyshimi im rreth "stories" se vet autorit te artikullit eshte se:
a. Djaloshi mund te shihet (ne disa skena) me qefin te mbeshtjellur vetem rreth brezit, ku padyshim mund te dallohet gjinia e tij, prandaj, te pretendohet se eshte fjala per nje vajze...?!?
b. Pretendimi se fjala eshte per nje aksident, ne te cilin "vajza" eshte djegur, me duket edhe me i pabaze, pasiqe pasojat e djegies kane gjurme te cilat i dallon edhe nje person i cili nuk merret profesionalisht me obduksion. Ndersa, ne videon e cekur, nuk mund te dalloj gjurma te djegies. Nder tjerash, sasia e flokeve (mos te flasim per ngjyren e bardh si bora) ne koken e kufomes gjithashtu me bejne te dyshoj ne "vertetesine" e fjaleve te autorit te artikullit.

2. Nuk jam i sigurt nese eshte fjala per ate foto qe ndoshta te gjithe e kemi pare, por (nese eshte) atehere ato nuk kane qene rrenje por kane gjene seri drunjesh te tere, me lartesi te medha, struktura e te cilave tregonte shahadetin.

Sidoqofte, do te ishte mire qe autori, pasi ka "demaskuar" edhe kete "genjshter", te tregonte emrin e piktorit i cili (sipas tij) qenka shlyer, sepse perndryshe si do ta dinte ai qe paska pas emer autori aty. Ajo mund te kete qene edhe emri i fotografit i cili ka fotografuar kete gje.

3. Eshte e vertete se, Majkell Xhekson ka qene (nuk e di se a eshte ende) nen mbrojtjen personale te te ashtuquajturve "Black Muslims". Se a ka pasur ndikim mesi i tyre qe ai te pranoje Islamin, All-llahu e di me se miri. Nga ana tjeter, nese e paska mohuar, do te me interesonte ndonje burim nga ana e autorit rreth mohimit te Islamit nga ana e Majkell Xheksonit

4. Kjo po me habit shume. Kemi pare incizime satelitore te fushates se neonacisteve per te pergatitur luften ne Irak, ne te cilen paraqiten kamiona te cilet kinse jane "laboratoriume mobile te armeve kimike". Fotografi keto shume te qarta, ku edhe gomat e kamioneve shiheshin qarte.

Andaj, nuk po kuptoj se pse po cuditet autori qe xhamite e Mekkes dhe Medines, komplekse gjigante me ndriqim te teresishem te tyre, te mund te shihen dhe fotografohen nga satelitet duke ndricuar?!?

5. Edhepse nuk kam ndonje deshire qe kete pohim ta marre si argument, sepse mjafton fjala e All-llahut Xhele Shanuhu dhe te Derguarit te Tij Alejhi Selam rreth ndarjes se henes, faktin qe "kete lajm nuk e gjene ne burimet e NASA-s" nuk do ta merrja si argument.

Sidoqofte, vellezer dhe motra, mua ky "demaskim" i autorit me duket i paargumentuar, edhepse sikurse ceka me larte, mesazhi ne pergjithesi rreth vertetimit te nje lajmi eshte me vend.

Dhe All-llahu e di me se miri.

Es selamu alejkum