Dashuria

Dashuria...Fjalë e bukur...
Të rinjtë sa herë që e dëgjojnë ju qeshin fytyrat.
Dikush përkujton ditët e bukura që i kanë kaluar,një tjetër mediton për kohën që e pret,një tjetër pyet për dashurinë,një tjetër mban leksione për dashurinë e kështu me radhë,të gjithë të preokupuar për këtë ndjenjë,që sa i gëzon aq i mërzitë.

Sikur t'ju pyesim për të dashurit tuaj si do të përgjigjeshit?
Kjo pyetje ju duket e thjeshtë.
Pyetje që pa e përfunduar kthehet përgjigjja!
Shumë e lehtë kjo përgjigje... Me të vërtetë shumë e lehtë...
Është hequr nga mendjet se kush duhet të dashurohet më së shumti. Vlerësohen bukuritë dhe harrohet Ai që i ka krijuar ato.
Mbahen leksione për dashurinë se si duhet të fillohet të rritet dhe të forcohet,por askush nuk mban leksion se kush meriton të dashurohet.

Tani po ju pyesim;
A ka prej jush që ka zgjedhë për të dashur Krijuesin e tij dhe të gjithë universit sikur e zgjodhi Omeri (All-llahu qoftë i kënaqur prej tij)?
A ka dikush që ka zgjedhë të dashur të tij All-llahun,Krijuesin e gjithçkaje?
A ka prej jush që mediton natën dhe ditën për Krijuesin e tij?
A ka dikush që e prish gjumin duke u freskuar me ujë e duke kthyer zemrën dhe mendjen kah Krijuesi i tij?
A ka dikush që mezi e pret takimin me të dashurin e tij?
Ka zëra që në veten e tyre thonë,po ka.

A e dini se kush janë këta?
Besimtarët e sinqertë në kulmin e besimit të tyre,ku shkrinë dashurinë e tyre ndaj Allahut dhe të dërguarit të Tij.
Në këtë gradë, çdo lëvizje dhe pushim,çdo shushuritje dhe shikim,flet për dashurinë ndaj Allahut,dashuri e cila e nxit në aktivitet,vepër dhe punë,luftë dhe sakrificë.
Dashuria e robërve ndaj Allahut sjell dashurinë e Allahut ndaj tyre.
Sa bukur... Sa bukur të dojë Ai,që posedon gjithë mirësitë.
Kështu që i tërë raporti jonë në ekzistencë me All-llahun është dashuri dhe vetëm dashuri.

Shkroi;Drita Berisha
Marrë nga revista: "Argumenti"

__________________
''Nuk ndodh asnje fatkeqesi ne toke e as ne trupin tuaj,e qe te mos jete ne shenime (liber-Levhi Mahfudh) para se te ngjaje ajo,e kjo per Allahun eshte lehte.
Ashtu qe te mos deshperoheni teper per ate qe u ka kaluar,e as te mos gezoheni teper me ate qe Ai u ka dhene,pse Allahu nuk e do asnje arrogant qe u lavderohet te tjereve.''(El Hadidë 22-23)