Kapitulli i mbulesës, veshjes dhe i zbukurimit

**Usame_ibn_Zejd** · #1 (**permalink**) 24-02-2007, 13:41

KAPITULLI I MBULESËS, VESHJES DHE I ZBUKURIMIT

1- ZBULIMI I GRUAS PARA TË AFËRMVE TË BURRIT TË SAJ DHE FJETJA E DJALIT ME NËNËN APO MOTRËN E TIJ
2- PËRSHËNDETJA E BURRAVE ME DORË
3- PRERJA E FLOKËVE
4- HEQJA E VETULLAVE, ZGJATJA E THONJVE DHE LYERJA E TYRE ME MANIKYR
5- ZBULIMI I FLOKËVE PARA GRAVE JOBESIMTARE
6- KIJENUI FRIKË ALLAHUN SA TË KENI MUNDËSI
7- MBULIMI ËSHTË I DETYRUESHËM
8- MUSLIMANËT E KËTIJ VENDI NUK DUHET T’I BINDEN KËTIJ VENDIMI TË PADREJTË

ZBULIMI I GRUAS PARA TË AFËRMVE TË BURRIT TË SAJ DHE FJETJA E DJALIT ME NËNËN APO MOTRËN E TIJ

Pyetje: A është e lejueshme që gruaja të zbulohet para vëllezërve apo kushërinjve të burrit të saj dhe a lejohet që të flejë djali me nënën ose motrën e tij, pasi ka arritur moshën e pjekurisë seksuale?

Përgjigje: Së par: Nuk i lejohet gruas që të zbulohet para vëllezrve apo kushërinjve të burrit të saj, edhe nëse ata janë njerëz të mirë dhe të devotshëm, sepse Allahu i Madhëruar i ka përcaktuar ata meshkuj, para të cilëve i lejohet gruas që të zbulohet; vëllezërit e burrit të saj nuk janë të tyre:
"Ato nuk duhet t’ua shfaqin bukurinë e tyre, askujt tjetër përveçse burrave të tyre, baballarëve të tyre, baballarëve të burrave të tyre, djemve të burrave të tyre, vëllezërve të tyre, djemve të vëllezërve të tyre, djemve të motrave të tyre, grave të tyre, robëreshave që kanë në pronësinë e tyre, shërbëtorëve meshkuj që nuk ndjejnë nevojë për femra, apo fëmijëve që nuk e kanë arritur moshën e pjekurisë." (24:31)
Në ajetin e mësipërm, Allahu i Madhëruar nuk ka bërë dallim mes të devotshëmve dhe jo të devotshëmve, me qëllim që të ruhet nderi i muslimanëve dhe të bllokohen të gjitha rrugët që të shpien nga e keqja dhe imoraliteti. Një herë, kur u pyet për vëllain e burrit, Profeti (paqja qoftë mbi të) tha: "Vëllai i burrit është si vdekja."
Së dyti, fëmijët meshkuj kur hyjnë në moshën e pjekurisë, d.m.th. kur të mbushin 10 vite ose pak më tepër, nuk duhet të lihen të flenë me nënën ose motrat e tyre në të njëjtin shtrat, pasi në këtë mënyrë mbyllen rrugët e së keqes dhe mënjanohen pasojat e paparashikimeve që mund të vijnë prej kësaj gjëje. Profeti (paqja qoftë mbi të) ka thënë:
"Urdhëroni fëmijët që të falin namazin, nuk të mbushin 7 vite dhe rrahni (nga pak, nëse nuk falen rregullisht) pasi të mbushin 10 vite e ndani në shtrat (në këtë moshë)."
Gjithashtu, Allahu i Madhëruar ka urdhëruar që fëmijët, të cilët nuk e kanë arritur akoma moshën e pjekurisë seksuale, të kërkojnë leje për të hyrë në dhomë, në tri kohë të caktuara:
"O ju që keni besuar! Fëmijët që nuk kanë mbushur akoma moshën e ojekurisë seksuale dhe skllevërit tuaj duhet të kërkojnë leje (për të hyrë) prej jush në tri kohë: para namazit të sabahut, kur t’i hiqni rrobat tuaja në drekë dhe pas namazit të jacisë. Këto tri kohë janë aurete (kohë në të cilat ju duhet të jeni të kujdesshëm) për ju. Nuk bëni gjynah as ju e as ata, nëse hyjnë në kohëra të tjera (pa leje), sepse ju jetoni bashkë me njëri tjetrin (në të njëjtën shtëpi). Kështu jua sqaron Allahu argumentet. Allahu është i Ditur, i Mençur." (24:58)
Ndërsa fëmijët që e kanë mbushur moshën e pjekurisë seksuale, duhet të kërkojnë leje në çdo kohë, sepse Allahu i Madhëruar thotë:
"Kur të arrijnë fëmijët tuaj pjekurinë, duhet të kërkojnë leje ashtu siç kërkojnë leje edhe ata që janë më të mëdhenj (në moshë). Kështu jua sqaron Allahu argumentet e Tij. Allahu është i Ditur, I Urtë." (24:59)
Fëmijët që s’ikanë mbushur dhjetë vite mund të flenë me nënat apo motrat e tyre në të njëjtin shtrat, sepse ata nuk e kanë mbushur moshën e pjekurisë dhe në të njëjtën kohë kanë nevojë për kujdesin e më të mëdhenjve. Gjithashtu, edhe të rriturrit e të dy sekseve mund të flenë në të njëjtën dhomë, nëse dihet që kjo gjë me siguri nuk mund të shkaktojë probleme.
Komisioni i Përhershëm

PËRSHËNDETJA E BURRAVE ME DORË

Pyetje: A lejohet që gruaja t’u japë dorën burrave të huaj, duke pasur parasysh që mosdhënia e saj mund të mbetet shkak që t’u mbetet hatri të tjerëve dhe mund të interpretohet në mënyra të ndryshme?

Përgjigje: Përshëndetja e grave të huaja me dorë nuk është e lejuar sepse Pejgamberi (paqja qoftë mbi të), kur u mori besën grave, tha: "Unë nuk i përshëndes gratë me dorë."
Ndërsa Aishja, e shoqja e profetit, thotë: "Vallahi, dora e Pejgamberit (paqja qoftë mbi të) nuk ka prekur asnjëherë dorën e një gruaje të huaj. Kur i jepnin besën, ia jepnin vetëm me fjalë."
Allahu i Madhëruar thotë: "Ju keni shembullin më të mirë te i Dërguari i Allahut, për atë që shpreson tek Allahu dhe te Dita e Fundit (Gjykimit) dhe e përmend Allahun shumë." (33:21)
Përshëndetja e grave me dorë mund të sjellë pasoja të rrezikshme dhe të padëshirueshme, pasi në shumë raste ajo është hapi i parë drejt së keqes, ndaj, për këtë arsye thamë në fillim se nuk është e lejuar.
Ndërsa përshëndetja vetëm me gojë, pa fjalë të bukura apo të dyshimta, është e lejuar, sepse Allahu i Mdhëruar thotë:
"O ju gratë e Profetit! Ju nuk jeni si gratë e tjera, nëse jeni të devotshme. Mos e zbukuroni zërin kur flisni (me burrat e huaj) në mënyrë që të mos u jepni shkas atyre, zemrat e të cilëve janë të sëmura (për shkak të hipokrizisë dhe epsheve), që të anojnë nga ju." (33:32)
Gratë e sahabeve, kur vinin te Pejgamberi (paqja qoftë mbi të) për t’i bërë pyetje rreth problemeve dhe shqetësimeve të tyre, e përshëndesnin atë duke i dhënë selam, pa i dhënë dorën; kështu vepronin edhe kur pyesnin shokët e Tij.
Ibn Bazi

PRERJA E FLOKËVE

Pyetje: A i lejohet gruas që të presë flokët e saj?

Përgjigje: Shkurtimi i flokëve për gratë është i lejuar, sepse argumentet e transmetuara ndalojnë rruarjen e flokëve dhe jo shkurtimin e tyre. Gjithashtu, në përmbledhjen e haditheve të Muslimit thuhet se gratë e Profetit i kanë shkurtuar flokët e tyre. Përsa i përket mënyrës së shkurtimit, gruaja është e lirë që t’i presë flokët e saj si të dëshirojë, rëndësi ka që të jenë të prera mirë, në mënyrë që t’i pëlqejë i shoqi dhe të mos gjasojnë me mënyrën e prerjes së flokëve të jobesimtarëve.
Nga ana tjetër, larja dhe krehja e flokëve të gjatë mund t’i nxjerrin probleme gruas, ndaj shkurtimi i tyre është i nevojshëm. Ndërsa rruarja e flokëve nuk është e lejueshme, vetëm nëse gruaja është e detyruar ta bëjë këtë gjë, për shkak të ndonjë sëmundjeje.
Ibn Bazi

HEQJA E VETULLAVE, ZGJATJA E THONJVE DHE LYERJA E TYRE ME MANIKYR

Pyetje: A lejohet heqja e qimeve të tepërta dhe a lejohet zgjatja e thonjve dhe lyerja e tyre me manikyr, duke pasur parasysh se unë i lyej ata pasi marr abdes dhe i mbaj kështu për 24 orë e pastaj e heq manikyrin me solucione speciale?

Përgjigje: 1 - Heqja apo rralimi i vetullave nuk është i lejueshëm, sepse Profeti (paqja qoftë mbi të) i ka mallkuar ato gra që heqin vetullat e veta apo të të tjerave.

2 - Zgjatja e thonjve është në kundërshtim me sunnetin, sepse Profeti (paqja qoftë mbi të) ka thënë:
"Pesë gjëra janë prej fitrs: bërja synet, heqja e qimeve prej pjesëve të turpshme, shkurtimi i mustaqeve, heqja e qimeve të sqetullave dhe shkurtimi i thonjve."
Mosprerja e thonjve më tepër se dyzet ditë, nuk është e lejuar, sepse Enesi thotë: Profeti (paqja qoftë mbi të) na ka caktuar që të mos e lëmë më shumë se 40 ditë shkurtimin e mustaqeve, prerjen e thonjve dhe heqjen e qimeve nga sqetullat dhe vendet e turpshme." Nga ana tjetër thonjtë e gjatë janë një nga veçoritë karakteristike të kafshëve si edhe të disa jobesimtarëve.
Kurse përsa i përket lyerjes së thonjve, e mira e të mirave është që të lihet kjo gjë. Gjatë abdesi duhet të hiqet manikyri, sepse ai pengon depërtimin e ujit deri në thua.
Ibn Bazi

ZBULIMI I FLOKËVE PARA GRAVE JOBESIMTARE

Pyetje: A i lejohet gruas muslimane që të zbulojë flokët e saj para një gruaje jobesimtare, sidomos kur dihet që ajo mund t’ua përshkruajë atë të afërmve të saj meshkuj, të cilën nuk janë muslimanë?

Përgjigje: Përgjigja e kësaj pyetje është në varësi të komentimit të ajetit të mëposhtëm, pasi dijetarët janë ndarë në dy grupe, në lidhje me këtë çështje: "Thuaju (o Muhammedi) grave besimtare që të ulin shikimin e tyre, të mbrojnë organet e tyre (seksuale nga prostitucioni), të mos e shfaqin bukurinë e tyre përveç asaj që dujet, të vënë shamitë mbi gjokset e tyre dhe të mos ua shfaqin bukurinë askujt tjetër përveç burrave të tyre, babalarëve të tyre, baballarëve të burrave të tyre, djemve të tyre, djemve të burrave të tyre, vëllezërve të tyre, djemve të vëllezërve të tyre, djemve të motrave të tyre, apo grave të veta..." (24:31)
Përsa i përket përemrit prinor "të veta" te shprehja "grave të veta", disa dijetarë janë të mendimit se me të nënkuptohet seksi femëror në përgjithësi, ndërsa disa të tjerë thonë se me të nënkuptohen vetëm gratë muslimane. Sipas mendimit të parë, gruas muslimane i lejohet që të zbulojë flokët para një gruaje jomuslimane, kurse sipas mendimit të dytë, kjo gjë nuk lejohet. Ne anojmë nga mendimi i parë, i cili, për mendimin tonë, është më afër së vërtetës, sepse gratë me njëra-tjetrën, nuk kanë ndonjë dallim nëse janë muslimane qpo jo, sigurisht nëse dihet se kjo gjë nuk shkakton probleme. Nëse nëj muslimane frikësohet se një grua tjetër, qoftë muslimane apo jomuslimane, mund t’ua përshkruajë atë, burrave të afërm të saj, atëherë ajo nuk duhet të zbulohet para saj.
Ibn Uthejmini

KIJENUI FRIKË ALLAHUN SA TË KENI MUNDËSI

Pyetje: Jam një vajzë që jetoj në një familje, botëkuptimi i së cilës nuk ka asgjë të përbashkët me Islamin, ndaj kur vëra mbulesën filluan të tallen me mua e të më lënë në lojë, bile vajti puna deri atje sa më rrahën dhe më ndaluan që të dal nga shtëpia. Për këtë arsye, u detyrova që ta heq mbulesën dhe të vesh një fustan të gjatë. Si të veproj në këtë rast? A duhet ta braktis shtëpinë, duke pasur parasysh se nuk di ku të shkoj?

Përgjigje: Kjo pyetje përfshin dy çështje:

E para: Qëndrimi i kësaj familjeje ndaj vajzës së tyre është me të vërtetë jonjerëzor, pasi këtë gjë mund ta bëjnë vetëm njerëzit injorantë që nuk e dinë të vërtetën, ose njerëzit mendjemëdhjenj të cilët e dinë të vërtetën por nuk e duan atë. Mbulesa e femrave muslimane nuk duhet të shihet si një e metë apo mangësi, përkundazi ajo është pastërti, dëlirësi dhe njëkohësisht refuzim i degjenerimit të botës së rreme të jobesimtarëve. Ata nuk kanë asnjë të drejtë që të sillen në këtë mënyrë, sepse njeriu është i lirë që, brenda kufijve dhe rregullave të përcaktuara nga Islami, të bëjë atë që i duket më e arsyeshme.
Vendosja e mbulesës nuk është thjesht një zakon i trashëguar. Ajo është diçka e urdhëruar nga Allahu dhe i Dërguari i Tij. Nëse familja e saj e bën këtë gjë, duke ditur të vërtetën, atëherë faji dhe njëkohësisht dënimi i tyre është akoma më i madh. Një prej dijetarëve thotë: "Nëse ti nuk di diçka, atëherë kjo është fatkeqësi për ty. Por nëse ti e di dhe nuk e zbaton, atëherë fatkeqësi është shumë më e madhe."

E dyta: Në pyetjen e saj vajza thotë se është e detyruar që të heqë mbulesën. Detyra e saj është që t’i frikësohet Allahut, d.m.th. t’i zbatojë urdhërat e Tij, me aq sa ka mundësi. Pra, nëse ka mundësi që ta vërë mbulesën pa e kuptuar njerëzit e familjes së saj, le ta vërë atë, por nëse ata e rrahin dhe e detyrojnë me forcë që ta heqë, atëherë ajo nuk merr gjynahe nëse nuk e vendos, sepse Allahu i Madhëruar thotë:
"(Dënimi i takon) atij që e mohon Allahun, pasi ka besuar njëherë, me përjashtim që atij që detyrohet me forcë (që ta zbulojë Atë), ndërsa zemra e tij prehet në besim. Ata që ia hapin zemrën mosbesimit, do t’i kapë zemërimi i Allahut dhe do të kenë një dënim mjaft të madh." (16:106)
"Nuk merrni gjynahe për atë gabim që e keni bërë (pa dashje), por për atë që zemrat tuaja e bëjnë qëllimisht. E Allahu është Falës dhe Mëshirues." (33:5)
Nëse familja e saj nuk arrin të kuptojë qëllimin e vënies së mbulesës, por vazhdon që të këmbëngulë me kokëfortësi në të veten, atëherë duhet të dijë se detyra e besimtarëve është që t’u binden urdhërave të Allahut dhe të Dërguarit të Tij, pavarësisht nëse arrijnë të kuptojnë qëllimin (urtësinë) e tyre, sepse bindja ndaj Allahut është qëllim në vetvete. Për këtë arsye Allahu i madhëruar thotë:
"Kur Allahu ose i Dërguari i Tij vendosin për një çështje, atëherë asnjë besimtar apo besimtare nuk ka të drejtë që të zgjedhë (sipas dëshirës së tij personale) diçka tjetër që bie në kundërshtim me vendimin e tyre. E kush i kundërvihet Allahut dhe të Dërguarit të Tij, është larguar shumë larg nga e vërteta." (33:36)
Kur u pyet se përse gruaja me menstruacione duhe të zëvendësojë vetëm ditët e lëna nga agjërimi i Ramazanit e jo namazet, Aishja, e shoqja e Profetit, u përgjigj:
"Kur na vinin menstruacionet, Profeti (paqja qoftë mbi të) na urdhëronte që (pas mbarimit të tyre) të zëvendësonim vetëm agjërimin e jo namazet." Nga përgjigja e Aishes kuptojmë se qëllimi apo shkaku i moszëvendësimit të namazeve të lëna ishte vetë urdhëri i Profetit (paqja qoftë mbi të), ndaj ato ishin të detyruara ta zbatonin atë pa kundërshtiminj më të vogël.
Zbulimi i femrave shkakton, gradualisht, largimin e turpit dhe zhdukjen e virtyteve të larta dhe moralit të pastër dhe, në të njëjtën kohë, ndikon në përhapjen e degjenerimit dhe në shtimin e gjynaheve, të cilat janë paralajmëriesit dhe treguesit e shkatërrimit të sigurtë.
Ibn Uthejmini

MBULIMI ËSHTË I DETYRUESHËM

Pyetje: jam i martuar me një grua të mbuluar, mirëpo, sipas zakont të vendit tonë, gruaja ime nuk mbulohet para burrit të motrës së saj dhe nga ana tjetër, motra e saj nuk mbulohet para meje. Gkithashtu, gruaja ime nuk mbulohet para vëllezërve të mi apo kushërinjve të saj. Si të veproj në këtë rast, sepse kjo vepër tashmë është bërë zakon në vendin tonë dhe nëse e urdhëroj gruan që të mbulohet para tyre, do të thonë se jam xheloz, se nuk i besoj gruas sime, se dyshoj tek ajo, se...se...?

Përgjigje: Të gjithë personat e përmendur në pyetje konsiderohen si të huaj për gruan tënde, ndaj ajo nuk duhet të zbulohet para tyre, sepse Allahu i Mdhëruar u ka lejuar grave që ta shfaqin bukurinë e tyre vetëm para një grupi të caktuar njerëzish, të cilët përmenden në ajetin e mëposhtëm: "Thuaju (o Muhammedi) grave besimtare që të ulin shikimin e tyre, të mbrojnë organet e tyre (seksuale nga prostitucioni), të mos e shfaqin bukurinë e tyre përveç asaj që dujet, të vënë shamitë mbi gjokset e tyre dhe të mos ua shfaqin bukurinë askujt tjetër përveç burrave të tyre, babalarëve të tyre, baballarëve të burrave të tyre, djemve të tyre, djemve të burrave të tyre, vëllezërve të tyre, djemve të vëllezërve të tyre, djemve të motrave të tyre, apo grave të veta..." (24:31)
Ndaj, fillimisht duhet të bindësh gruan tënde se nuk lejohet që të dalë e zbuluar para njerëzve të huaj e ta urdhërosh që të mbulohet edhe nëse kjo gjë bie ndesh me zakonet e vendit tuaj, apo të akuzojnë me akuzat e lartpërmendura më aipër. Gjithashtu, duhet t’u sqarosh këtyre të afërmve se ata janë të huaj për gruan tënde e si rrjedhim, asaj nuk lejohet që të dalë e zbuluar para tyre.
Ibn Uthejmini

MUSLIMANËT E KËTIJ VENDI NUK DUHET T’I BINDEN KËTIJ VENDIMI TË PADREJTË

Pyetje: Kohët e fundit, qeveria e vendit tonë ka nxjerrë një vendim, sipas të cilit gratë nuk duhet të dalin të mbuluara në rrugë. Ç’duhet të bëjmë në këtë rast, duke pasur parasysh se ata që kundërshtojnë mund të pushohen nga puna apo nga shkolla, e në disa raste, mund të arrijë puna deri në burgim?

Përgjigje: Ky mendim arbitrar dhe i padrejtë nuk është gjë tjetër veçse një nga sprovat, me të cilat Allahu i Madhëruar sprovon besimtarët:
"Elif, Lam, Mim. A mos vallë mendojnë njerëzit se do të lihen të thonë që besuam e nuk do të sprovohen? Ne, me të vërtetë, i kemi sprovuar ata që kanë qenë para tyre, në mënyrë që ta dijë Allahu se kush është i sinqertë e kush është gënjeshtar." (29:2-3)
Ndaj muslimanët e këtij vendi nuk duhet t’i binden këtij vendimi, sepse nuk lejohet që t’i bindesh dikujt, kushdo qoftë ai, nëse kjo bindje është në kundërshtim me urdhërat e Allahut, i Cili thotë:
"O ju që keni besuar! Bindjuni Allahut, bindjuni Profetit dhe udhëheqësve tuaj." (4:59)
Nëse lexojmë me vëmendje ajetin e mësipërm, shohim se folja "bindjuni" është përsëritur vetëm dy herë. "Bindjuni Allahut..." dhe "...bindjuni Profetit...", ndërsa herën e tretë "... dhe udhëheqësve tuaj..." nuk është përsëritur. Nga kjo kuptojmë se bindja ndaj udhëheqësve nuk duhet të jetë absolute, por në kuadrin e bindjes ndaj Allahut dhe të Dërguarit të Toj. Ndaj, nëse një prej tyre na urdhëron që të bëjmë diçka që bie ndesh me urdhërat e tyre, atëherë urdhëri i tij nuk duhet zbatuar. Profeti (paqja qoftë mbi të) thotë: "Nuk lejohet t’i bindesh një krijese në diçka që bie ndesh me urdhërat e Krijuesit."
Në të tilla raste gratë duhet të bëjnë durim e t’i luten Allahut që t’i udhëzojë këta udhëheqës në rrugën e drejtë. Nga ana tjetër, besoj se ky vendim është i vlefshëm vetëm atëherë kur dalin jashtë shtëpive të tyre. Për këtë arsye, ato nuk duhet të dalin jashtë, me qëllim që të evitojnë problemet që mund t’i shkaktojë moszbatimi i vendimit të qeverisë. Kurse për sa i përket vazhdimit të studimeve, duhet të kemi parasysh se, nëse vazhdimi i tyre bëhet për shkak të kryerjes së gjërave të ndaluara, atëherë nuk është i lejueshëm, pasi vajzat mund t’i mësojnë gjërat më të domosdoshme edhe në shtëpi. Shkurtimisht mund të themi se nuk lejohet zbatimi i çdo vendimi që është në kundërshtim me mësimet e Islamit.
Ibn Uthejmini