Bajhaki transmeton në “Manakib ush-shafi” se Muzani tha se ai shkoi të takonte Shafin kur po i afrohej vdekja dhe tha që i thashë:

“Si je o Abu Abdullah?

Mu përgjigj: Jam si dikush që po largohet nga kjo botë duke u ndarë me vëllezërit e tij duke iu afruar takimit me Allahun dhe duke u përballuar me veprat e mia të këqia dhe unë nuk e di nëse do të shkoj në xhenet apo në xhehenem.

Unë (Muzani) i thashë: O Abu Abdullah, Allahu të mëshiroftë!

Ai mu përgjigj: Ki frikë Allahun dhe përfytyro ahiretin në zemrën tënde. Bëje vdekjen pjesë të asaj që sheh me sytë e tu dhe mos harro kurrë se pozita jote është në duart e Allahut. Qëndro larg harameve. Përmbushi obligimet. Bëhu me të vërtetën kudo që ajo të jetë. Mos i nënvlerëso favoret e Allahut mbi ty sado të vogla qofshin ato, por falendero. Dhe bëje heshtjen tënde të jetë një kohë për reflektim dhe të folurën tënde një kohë për përkujtim dhe mendimet e tua shembull. Fali ata që tejkalojnë ndaj teje, tregohu i mirë me ata që tregohen të këqinj me ty, bëj durim ndaj fatkeqësive, kërko strehim tek Allahu nga zjarri me takwah.

Unë (Muzani) i thashë: Më shto dijen, Allahu të mëshiroftë o Abu Abdullah!

Shafi tha: Bëje vërtetësinë gjuhën tënde, besnikërinë bëje jastëkun tënd, mëshirën frutet e tua, falenderimi yt të jetë pastërtia jote, biznesi yt të jetë vërtetësia, zbukurimi yt të jetë dashuria vllazërore, Libri të jetë urtësia jote, bindja të jetë jeta jote, gëzimi të jetë amaneti yt, të kuptuarit të jetë zgjuarsia jote, shpresa të jetë qëndrueshmëria jote, frika të jetë mbulesa jote, sadakaja të jetë kështjella jote, zekata të jetë nga veprat e tua të mira, modestia të jetë udhëheqësi yt, mbështetja jote tek Allahu të jenë armët e tua dhe dynjaja të jetë burgu yt. Varfëria të jetë shoku yt, vërtetësia të jetë emiri yt, haxhi dhe xhihadi të jenë dëshirat e tua, bëje Kur’anin atë me të cilën ti flet, merr si mbrojtës dhe aleat Allahun, kushdo që i ka këto cilësi, xheneti bëhet vendi i tij.

__________________
Feja e pranuar tek Allahu eshte Islami