Magjia dhe ndalimi nga ajo

Allahu s.v.t thotë:{(e hodhën librin e Zotit) E ndoqën atë që e thonin djajt në kohën e sundimit të Sulejmanit. Po Sulejmani nuk ishte i pafe, por djajt ishin të pafe, sepse u mësonin njerëzve magjinë. (ndoqën) Edhe çka u zbriti në Babil dy engjëjve, Harutit dhe Marutit. E ata të dy nuk i mësonin askujt (magjinë) para se ti thonin: “Ne jemi vetëm sprovë, pra mos u bën i pafe!”E mësonin (njerëzit) prej atyre dyve atë (magji) me çka ndanin burrin prej gruas së vet, por pa lejën e Allahut me atë askujt nuk mund t’i bënin dëm dhe ashtu mësonin çka u sillte dëm e nuk u sillte dobi atyre. E ata (jehuditë) e kanë ditur se ai që (hodhi librin) e zgjodhi atë(magjinë), ai në botën tjetër nuk ka ndonjë të drejtë (në mëshirën e Zotit). Po ta dinin, ata se për çka e shitën vetveten, ajo është shumë e keqe} El-bekare 102.

Allahu s.v.t. thotë:{..e magjistari nuk do te ketë sukses kudo qoftë}.Ta-ha 69

Transmeton Ebu Hurejra [Allahu qoftë i kënaqur me të] se i Dërguari i Allahut ka thënë: “ Largojuni shtatë (mëkateve) shkatërruese.
Thanë cilat janë ato, o i Dërguar i Allahut?
Tha:Shirku, magjia, mbytja e njeriut pa të drejt e që e ka ndaluar Allahu, ngrënja e kamatës, ngrënja e pasurisë së jetimit, kthyerja e shpinës kur takohen dy palët (ikja nga fronti) dhe shpifja ndaj grave të ndershme muslimane. (mutefekun alejhi).

Shpjegimi:

• Magjia është nga mëkatet e mëdha që e shkatërron atë që bën magji në këtë botë dhe në botën tjetër.
  
• Magjistari i cili ndihmohet ga djajtë dhe i afrohet atyre duke ia përkushtuar atyre adhurimin përveç Allahut, është kjafir (mosbesimtarë) nuk lejohet shkuarja te ai apo kërkimi ndihma nga ai.

Dobitë:

• -Ndalimi i magjisë dhe se është nga mëkatet shkatërruese.
• -se është nga negacionet e islamit meargument nga fjala e Allahut:{ne jemi sprovim andaj mos bëni mosbesim} dhe se kjo vepër nuk bëhet vetëmse duke ia përkushtuar adhurimin Djajve.
• -Ndalimi i shkuarjes te magjistarët apo lidhja reciproke.