Ti je vetëm këshillues

Duke pasur parasysh shtimin e sprovave dhe ngritjen e shpejtë të shkatërrimit (fesadit),e cila sjell dëshpërimin dhe humbjen e shpresës në zemrat e disa të mirëve për përmirësimin e gjendjes së njerëzve dhe të shoqërisë,dikush,nëse sheh se shoqëria largohet nga këshilla e këshilluesve,ai e lë thirrjen në rrugën e Allahut dhe urdhërimin për të mirë dhe ndalimin nga e keqja.

Dikush mund ta argumentojë veprën e tij me këtë fjalë të Allahut të Lartësuar;
“Prandaj këshillo,nëse këshilla do të jetë e dobishme!” (El-A’la, 9)
Dhe thotë se dobia dhe këshilla ime nuk po merret parasysh,atëherë pse të këshilloj?!
Por nuk është ashtu si mendon ai.

Ata të cilët nuk kujtohen dhe nuk e pranojnë këshillën janë jobesimtarët dhe dyfytyrëshat,ata të cilët Allahu ua ka vulosur zemrat.
Këta janë ata për të cilët Allahu e lajmëroi të Dërguarin e Tij (Muhamedin),i cili nuk kurseu aspak nga imani i tij që t’i këshillojë dhe udhëzojë në rrugën e Allahut,pasi shpenzoi gjithë potencialin që posedonte për thirrjen e tyre sa ishte në gjendje të shkatërronte veten në udhëzimin e tyre,siç thotë Allahu Fuqiplotë;
“A mos vallë ti (o Muhamed)do ta shkatërrosh veten,ngaqë ata (banorët e Mekës) nuk duan të besojnë?” (Esh-Shu’ara, 3)

Nuk është fjala në këtë ajet për besimtarët,siç ka ardhur në ajetin nëntë të sures (El-A’la).
Kështu thotë komentuesi i njohur,El-Begaviu,në tefsirin e Tij bile nuk është fjala as për ajetin e sures Edh-Dharijat,55,ku thotë Allahu për të drejtën e besimtarëve
“Por këshillo,se vërtet këshilla u bën dobi besimtarëve.
”Pra,thjesht është për jobesimtarët dhe hipokritët.

Thirrësi në rrugën e drejtë të Allahut, nëse nuk gjen një përgjigje të menjëhershme apo nuk vëren rezultat të shpejtë,kjo nuk do të thotë se njerëzit nuk kanë dobi.
Shumica e atyre që pendohen,siç shohim sot dhe siç është e ditur,e kanë një shkak, një arsye.
Ata ose kanë dëgjuar një argument vite më parë dhe u është ngulitur,mirëpo nuk kanë mundur të pendohen,edhe pse ka kohë që janë rrugës së keqe,përderisa Allahu ua mundësoi pendimin,ose e kanë dëgjuar,mirëpo e kanë harruar,pastaj u është kujtuar pas vitesh e kjo u bën dobi.
Mund ta kenë dëgjuar edhe nga të tjerët dhe e kanë injoruar për momentin dhe nuk e kanë pranuar prej tij.

Nëse e pavërteta (kotësia) dhe e keqja janë duke u përhapur,edhe e vërteta dhe e mira janë duke u përhapur.
Është ligj i Allahut që kur ka krijuar Ademin alejhi selam,i cili kishte kundërshtar dhe xheloz Iblisin,që të ndeshen e mira dhe e keqja.
Është ligj kozmologjik i Allahut që të triumfojë e vërteta ndaj së kotës me lejen e Tij.
Nëse njerëzit e së vërtetës punojnë ashtu siç dëshiron Ai,bile edhe pas një kohe,sikurse thotë Allahu i Lartësuar;
“Thuaj;“E vërteta erdhi,ndërsa e pavërteta u shkatërrua.
Sigurisht,e pavërteta është e paracaktuar të zhduket!” (El-Isra, 81)

Kjo ndodhi ditën e çlirimit të Mekës,pas dy marrëveshjeve,kur ishte fillimi i davetit,mirëpo çështja qëndron ndryshe,siç thotë Pejgamberi alejhi selam; “Mirëpo ju po nxitoni tepër.” Transmeton Buhariu.

Njeriu i mençur duhet të shikojë me syrin e vëmendjes.
Nëse çdo mashkull dhe çdo femër prej të mirëve dhe prej atyre që këshillojnë dhe përmirësojnë do të kishte dhënë gjithë atë që posedon për t’i thirrur njerëzit në Fenë e Allahut,për t’i inkurajuar për vepra të mira dhe për t’i larguar nga veprat e këqija,a thua vallë do të kishte qenë gjendja e njëjtë sikurse të gjithë ta linin këtë?

Vërtet,Allahu i Madhëruar e ka sqaruar vërtetësinë e thirrësit më të madh dhe vizionin e tij primar në këtë ajet duke thënë për të;
“Prandaj këshilloji (njerëzit o Muhamed),se ti je vetëm këshillues.” (El-Gashije,21)
Kështu ai mbeti në misionin e tij gjersa takoi Zotin Mëshirues.
Kurse pas vdekjes së tij,këtë përgjegjësi e morën burrat muslimanë me urdhrin e tij;
“Transmetoni,tregoni nga unë qoftë edhe vetëm një ajet.”Transmeton Buhariu.

E kështu po vazhdon kjo traditë derisa Allahu ta shkatërrojë këtë dynja.
Ai që dëshiron t’i bashkëngjitet karvanit të begatshëm ka shpëtuar,ndërsa ai që dëshiron të rrijë neglizhues nga thirrja e davetit,e ka humbur shpresën në përmirësimin e njerëzve.
Halli këtyre dy grupeve është sikurse halli i atyre që Allahu i paralajmëroi me fjalën e Tij duke thënë;
“Kur disa prej tyre thanë;“Përse këshilloni,kur e dini se Allahu do të na zhdukë ose do të na ndëshkojë ashpër?!
Këshilltarët u përgjigjën;
“Për t’u arsyetuar para Zotit tuaj dhe që ju të mund të ruheni nga gjynahet.” Por,kur e harruan atë për të cilën ishin paralajmëruar,Ne i shpëtuam ata që këshillonin,kurse i ndëshkuam ashpër keqbërësit,për shkak të mosbindjes së tyre.” (El-A’raf, 137-165)

Pra,cili grup është i siguruar dhe cilit duhet t’i bashkëngjitesh?

Eroll Rexhepi
2.11.2008

__________________
''Nuk ndodh asnje fatkeqesi ne toke e as ne trupin tuaj,e qe te mos jete ne shenime (liber-Levhi Mahfudh) para se te ngjaje ajo,e kjo per Allahun eshte lehte.
Ashtu qe te mos deshperoheni teper per ate qe u ka kaluar,e as te mos gezoheni teper me ate qe Ai u ka dhene,pse Allahu nuk e do asnje arrogant qe u lavderohet te tjereve.''(El Hadidë 22-23)