Për të arritur deri në përfundimin e rrugës në formën më të drejtë dhe pa devijime në rrugë , na duhen përveç shenjave në rrugë njëashtu edhe një kartë orientuese që na tregon detajisht dhe na përshkruan rrugën.
E shtunë, 19 Korrik 2008 12:28
Nga: H.N.

Rrugët që çojnë kah caku përfundimtar janë të shumta , ato kanë karaktere , përmasa dhe realizime të ndryshme prej njëra-tjetrës. Njeriu është një mikrokozmos në këto orbita të pafundme të cilat mundet që ta ç`orientojnë mentalitetin dhe konceptin e tij të jetës dhe të vdekjes.Ai , pra njeriu , përballet me pengesa të njëpasnjëshme , me manipulime dhe me forma të ndryshme të ndikimeve të jashtme që me secilën formë lobojnë tek ai që të arrijë në përmasën e tij të ricikluar të konstruksionit të jashtëm.
Sipas Sejjid Kutubit ( Allahu na takoft me të në xhennet) shenja më e madhe në rrugë drejtë Krijuesit dhe jetës është fjala: "Nuk ka Zot tjetër përveç Allahut dhe se Muhammedi a.s. është rob dhe i Dërguar i Allahut." Po deri te këto shenja ne arritëm duke e gjetur Kur`anin në jetën tonë. Prof.Sejjid Kutubi (Allahu na takoft me të në xhennet) tha: "Sërish iu ktheva leximit të Kur`anit, por jo në librat e tefsirit por në mus`haf. Përsëri e gjeta atë Kur`an të bukur dhe të dashur. I gjeta edhe figurat e mia të përmallshme e të dashura. Ato tani nuk janë të thjeshta siç ishin më parë. Edhe qëndrimi im ndaj tyre ka ndryshuar. Tani kthehem e i gjej synimet dhe qëllimet e tij, dhe e kuptoj se ato janë shembuj që shërbejnë e jo ngjarje që ndodhin. Megjithëate, mahnitja nga ai ende është e pranishme kurspe impresionimi nga ai pa nda vazhdon. Falëminderoj Allahun, Kur`anin e kam gjetur" (Ilustrimi artistik në Kur`an, Prof.Sejid Kutub, fq.11).
Kur`ani, fjalë e Allahut të Lartësuar e vulosur në miliona zemrat e besimtarëve anekënd globit, mahnitë të gjitha krijesat në rruzullin tokësor. Ai është libër që gjallëron dhe qorton, mëson dhe orienton qiejt e tokën kah caku final, rregullon dhe persekuton historinë e civilizimeve , mahnitë dhe tërhjekë! Po ne, si duhet të jetojmë me të? A`thua vallë duhet të dialogojmë me fëmijët tanë që kur të na pyesin: baba çka është ky libër? , ne ti përgjigjemi: biri im, ky libër është Kur`an që duhesh ta ngritësh lart dhe nuk guxon ta prekësh. Apo ndoshta duhet që fëmijët tanë dhe ne vet për çdo ditë të takohemi dhe të kuvendojmë me Kur`anin duke i mësuar versetet , urtësitë e tyre, kuptimet, etj? Shoqëria jonë moderne e ndikuar prej teknologjisë dhe dinamizmit të shkallzueshëm të jetës e ka harruar veten dhe ka devijuar prej asaj burimores. Kjo shoqëri e cila dikur ishte aq e natyrshme dhe aq burimore tash ka ndrruar kahjen dhe po lëngon prej sëmundjeve të shumta të cilat janë paraqitur si pasojë e mëkateve tona.
Në ujërat e shoqërisë moderne po hudhen mbeturina të llojllojshme të cilat mbeturina po e lidhin këtë shoqëri për grykën e tij si formë e zbukurimeve, argëtimeve dhe kalimit të kohës pa e vërejtur se në gjurmë nuk kemi lënë asnjë shenjë identifikuese për brezat e ardhshëm dhe krenarinë e tyre. Por, përveç krenarisë brezave të ardhshëm dhe neve na vynë puna, vullneti dhe koncepti i drejtë i jetës sonë. Si rezultat i këtyre dinamizmave dhe rrymave të ndryshme që u futën në jetën e brendshme të njeriut si mikrokozmos, njeriu filloi që të tkurret prej identitetit të vërtet, të pranoj zemra e tij gjithëçka përveç Allahut dhe Muhammedit a.s. Por, gjithë ky mund është i kotë sepse Allahu xh.sh. zemrat e njerëzve nuk i ka krijuar si deponi matrialesh dhe sendesh të pavlefshme e që zënë pjesë të rëndësishme të saj, por atë e ka krijuar si katalizator vlerash dhe ndjeshmërish që është e vendosur në funksion të nënshtrimit të plotë ndaj Krijuesit të Botrave. Zemra zbutet prej dashurisë sonë ndaj Allahut dhe dashurisë së Allahut ndaj neve. Po si të arrijmë deri tek dashuria e Allahut, kur ne nga jeta jonë e kemi larguar fjalën e Tij, Kur`anin? Ne nuk mund të hapërojmë drejtë rrugës së Krijuesit pa shenjat në rrugë dhe udhërrëfyesit tonë. Shenjat në rrugë dëshmojnë për ndryshimin tonë për të mirë, na japin shkas për të vepruar në konotacion pozitiv dhe na kreirojnë jetën tonë të thjeshtëzuar në komparacion me sfidat e jetës. Shenjat na ngjyrosin jetën dhe na reduktojnë idetë e stërngarkuara të shoqnisë. Udhërrëfyesit na mësojnë shenjat në rrugë dhe bashkëveprojnë me ne deri në cakun e fundit final. Udhërrëfyesit janë lexuesit të fjalëve të Allahut dhe sqaruesit e atyre fjalëve që Allahu ia ka mundësuar të kuptuarit e drejtë të fjalëve të Tij. Mësimi i kuptimeve të verseteve Kur`anore ndërton baza të jetës së njerëzve në rruzullin tokësor. Por, në mësimin e verseteve Kur`anore duhet ta përgadisim veten dhe ti kemi parasysh shumë gjëra. Më të rëndësishme sipas asaj çka kam kuptuar unë janë:

1. Sinqeriteti: Të mësosh dhe të lexosh fjalët e Allahut të Madhërishëm dhe të mos jesh i sinqert është një vdekje për së gjalli. Është vdekje nëse zburukojmë të lexuarit e fjalëve të Allahut , ndërsa ne të mos jemi të sinqert. Baza e fitores në këtë dynja dhe ahiret është sinqeriteti.
2. Zemër të pastërt: Për të mësuar dhe jetuar me fjalët e Allahut duhet që zemrën tonë ta pastrojmë prej ndërhyrjeve të jashtme të panevojshme dhe shtesa të cilat na ngjyrosin zemrën me mëkate të shumta. Zemrën duhet që t`ia nënshtrojmë Allahut të Lartësuar nëse dëshirojmë që të mësojmë fjalët e Tij. Muslimi tregon nga Ibën Umeri se i Dërguari i Allahut ka thënë:" Mbartësi i Kur`anit është si bariu i deveve të lidhura, nëse i ruan dhe i kontrollon do t`i mbajë, e nëse i harron e i lëshon do t`i ikin. E nëse mbartësi i Kur`anit e lexon atë ditë e natë, e mban mend, përndryshe do ta harrojë" (Si të bashkëveprojmë me Kur`anin Fisnik , Dr.Jusuf Kardavi, fq.142). Por, esenciale për mbajtjen e fjalëve të Allahut përmendsh është zemra e pastërt dhe e nënshtruar Allahut xh.sh.
3.Petku i Modestisë: Nëse sinqeriteti është fitorja në dynja dhe ahiret atëherë modestia është nëna e sinqeritetit e cila i mundëson lexuesit të fjalëve të Allahut të kuptojë më lehtë ato, ti pranoj në jetë dhe të realizoj urdhërat e Allahut në tokë. Petku i modestisë e zgjeron përhapjen e fjalëve të Allahut dhe mundësinë e kuptimit të drejtë të tyre. Njeriu i zhveshur prej mendjemadhësisë dhe i lidhur e i lëkundur me modestinë reflekton në shoqëri vlera të cilat shoqërisë i nevojiten për çdo çast.
4. Morali i Lartë: Nëse nuk jemi të moralshëm është vështirë mbajta përmendsh e fjalëve të Allahut dhe është shumë më e vështirë kuptimi i tyre dhe jetësimi në jetë. Një popull që nuk ka moral është i vdekur, ndërsa ai që ka moral është i gjallë. Ai që nuk ka moral i pëlqen vetvetja, është vesvese, është mendjemadh dhe normalisht që mësimi i fjalëve të Allahut xh.sh. bëhet shumë më i vështirë. Kam kuptuar se në Kumanovë ka mbi 100 hoxhallar, a Kumanova ka vetëm dy xhami. Po mirë, sikur ato hoxhallar të ishin të sinqert, me zemër të pastërt , modest dhe të moralshëm, Kumanova a do të ishte në këtë gjendje si është?
O Allah ti e di që unë të dua, të lutem ma shto dashurinë time ndaj Teje, sikur të mos të dua Ty atëherë pse duhet të jetoj? Mundësoja Ummetit Islam bashkimin, jetësimin e Kur`anit dhe bashkëveprimin me Islamin. Amin!

__________________

Forcojeni ju Islamin në zemrat tuaja që Allahu ta forcoj atë në tokë