Kapitulli 23

Ç'ka ardhur në lidhje me faktin se disa pjesëtarë të këtij umeti do të adhurojnë idhuj.

Allahu tha:

"A nuk i ke parë ata që u është dhënë një pjesë nga libri?! Ata besojnë në El-Xhibt (Shirk, idhuj, magjistarë, falltorë...etj) dhe Et-Taghut (gjithëçka që kalon caqet qoftë i adhuruar, që ndiqet apo që i binden...etj) dhe thonë për ata që nuk besuan: "Këta janë në rrugë më të drejtë, se ata që besuan!" (4:51)

Allahu tha:

"Thuaj: A t'u lajmëroj për një të keqe më madhore si dënim nga Allahu? Ata që mallkoi Allahu dhe hidhërimi ndaj tyre, e disa prej tyre i shndërroi në majmunë e në derra. Ata adhuruan taghutin" (5:60)

Allahu tha:

"... E ata që kishin fuqinë (për vendim) thanë: "Do të ndërtojmë mbi ta një vend falje" (18:21)

Abu Said transmetoi se profeti tha: "Patjetër që ju do të ndiqni rrugët e atyre që ishin para jush tërësisht sikurse shigjeta ndjek shigjetën tamam sikur nëse ata do te hynin ne një vrimë zhapiku shkretëtire, do të hynit edhe ju. Ata thanë: O i Dërguari i Allahut, a e ke fjalën se do të ndjekim Jehuditë dhe të Krishterët? Ai u përgjigj: Kë tjetër?!" (Bukhari dhe Muslim).

Muslim transmeton nga Thawban se i Dërguari i Allahut tha: "Allahu i Lartmadhëruar, palosi për mua tokën sa që pashë lindjen dhe perëndimin e saj (ekstrmitetet e saj). Mbretëria e umetit tim do të arrijë aq sa toka u palos për mua. Dy thesaret, i kuqi (floriri) dhe i bardhi (argjendi) mu dhanë. Ju luta Zotit tim që umeti im të mos shkatërrohet nga uria dhe që Ai të mos i japë fuqi armikut që ta shkatërrojë atë në masë përveç mes vehteve. Zoti im më tha: Muhamed! Nëse Unë përcaktoj diçka nuk ndryshohet. I kam premtuar umetit tënd se nuk do ta shkatërroj me uri dhe se nuk do ti jap fuqi (kontroll) armikut (pos mes vehteve te tyre) që ti shkatërrojë ata në masë edhe nëse ata sulmohen nga të gjitha anët e tokës, vetëm një pjesë e tyre do të shkatërrojë një pjesë tjetër dhe një pjesë do të burgosë një pjesë tjetër".

Barkani e mblodhi këtë hadith në sahihun e tij dhe shtoi fjalët e mëposhtme:

"Frikësohem për umetin tim për ata prijësa që do të çojnë në devijim. Kur shpata të përdoret mes njerëzve të mi, nuk do të hiqet nga ata deri ditën e gjykimit. Ora e fundit nuk do të vijë derisa fise të njerëzve te mi ti bashkangjiten idhujtarëve dhe fise të njerëzve të mi të adhurojnë idhuj. Do të ketë mes njerëzve të mi 30 mashtrues të mëdhenj secili prej tyre do të pretendojë se është profet ndërkohë që unë jam vula e profetëve dhe nuk ka profet pas meje. Një grup nga umeti im do të vazhdojë të kapet pas së vërtetës dhe ata do të jenë fitimtarë dhe nuk do të dëmtohen nga ata që u kundërvihen atyre derisa Urdhëri i Allahut të vijë".


-Çështje të rëndësishme të këtij kapitulli-

1. Shpjegimi i ajetit të sures en-Nisa (4:5).

2. Shpjegimi i ajetit të sures el-Maidah (5:60)

3. Shpjegimi i ajetit të sures el-kehf (18:21)

4. Çështja më e rëndësishme është kuptimi i xhibt dhe taghut. A do të thotë kjo vetëm besimi me zemër, apo është kjo, aprovimi i atyre që veprojnë ashtu ndërkohë që e urrejnë dhe e dinë se është kotësi?!

5. Thënia e tyre (Jehudive ndaj paganëve kurejsh) se qafirat që janë në kufr të qartë, janë më të udhëzuar se besimtarët.

6. Njerëz të tillë do të gjenden në umetin e muslimanëve sikurse faktohet në transmetimin e Abu Said el-Khudriut. Ky është edhe objektivi i tërë kapitullit.

7. Deklarata se do të ndodhë që shumë nga pjesëtarët e këtij umeti do të adhurojnë idhuj.

8. Më e mahnitëshmja është fakti i paraqitjes së atyre që pretendojnë profecinë sikurse El-Mukhtar (bin Ebi Ubejd eth-Thakafi që pushtoi Kufën në fillim të khalifetit të Ibn Ez-Zubejrit), edhe pse ky (El-Mukhtar) deklaronte shehadetet dhe deklarata e tij se ishte pjesëtar i umetit musliman. Dhe dëshmisë së tij se profeti Muhamed ishte i vërtetë dhe se Kur'ani ishte i vërtetë dhe se aty kishte konfirmim se Muhamedi ishte vula e profetëve. Atë e besuan (njerëz) edhe pse ishte në kontradiktë të hapur me shehadetin. El-Mukhtar doli në kohën e vonë të sahabave dhe shumë njerëz e besuan atë.

9. Lajmi i mirë se e vërteta kurrë nuk do të zhduket plotësisht sikurse kishte ndodhur në të kaluarën. Vërtetë që do të ketë gjithmonë një grup në të vërtetën.

10. Shenja më e madhe është se ata (grupi fitimtar) nuk do të dëmtohet nga ata që i kundërvihen dhe ata që i luftojnë edhe pse janë të paktë në numër (në krahasim me ata që u kundërvihen).

11. Kjo do të jetë keshtu deri Orën e fundit.

12. Ka disa shenja në thënien e profetit:

- Allahu palosi për të lindjen dhe perëndimin (tokat nën kontrollin e muslimanëve), kuptimi i kësaj dhe se vërtetë ndodhi sikurse informoi ai dhe jo në veri dhe në jug.

- Dy thesaret (thesaret e Romës dhe Persisë) ju dhanë atij.

- Dy nga duatë e tij për këtë umet janë pranuar.

- Duaja e tretë nuk ju pranua.

- Shpata do të përdoret dhe nuk do të ngrihet më pas.

- Profetë të rremë do të paraqiten nga ky umet.

- Gjithmonë do të jetë një grup fitimtar (ngadhënjyes).

- Tërë kjo ndodhi sikurse ai e përshkroi edhe pse secila nga këto ishte shumë larg asaj që mund të imagjinohet.

13. Frika e madhe për umetin e tij nga humbja dhe devijimi i prijësave.

14. Tërheqja e vërejtjes ndaj kuptimit të adhurimit të idhujve.

__________________
Feja e pranuar tek Allahu eshte Islami