Tema: A lejohet martesa e muslimanit apo muslimanes, me te krishter?

Selamun Alejkum

A lejohet martesa me të krishter? Pyetje kjo që më brengos prej kohësh që të mar një përgjigje të saktë Islame.

Në praktikë shoh, kam hasë në çifte të ndryshme të përzier, dmth muslimani i martuar me femër krishtere, dhe gjithashtu muslimanja e martuar me krishter! Në rastin e parë, kur mashkulli musliman martohet me femër krishtere kjo është e lejuar, me kusht që ajo krishtere të pranon Islamin.

Interesant është rasti i dytë, kur femra muslimane martohet me krishter, dhe krishteri e pranon Islamin, këtu nuk e kam të qartë!? Kurse njoh raste konkrete që mbasi është martuar me muslimane (edhe pse kjo jo edhe aq 100% muslimane), krishteri e ka pranuar Islamin dhe e aplikon ate 100%. Jam shumë i interesuar për argumentet e juaja.

Selam

Esselamun Alejkum

Plot 5 ditë prita mos vallë ndokush do të përgjigjet në këtë pyetje! Askush nuk dha përgjigje!

Në ndërkohë unë pak hulumtova në faqet e internetit, dhe gjeta këtë material më poshtë:

Martesa civile në Perëndim

I nderuar dijetar, Eselamu Alejkum.

A është e vlefshme ne Sheriat martesa civile e cila bëhet ne vendet Perëndimore dhe Evropjane? A janë të lejuara të drejtat bashkëshortore (martesore) për çiftin musliman të sapomartuar në këto vende dhe cilat janë kufizimet për ta?
Xhazakum Allah Hajr.



Ve alejkum Es-selam ve rahmetullahi ve Bereketuh.

Ne emër të Allahut, të Gjithëfuqishmit, Mëshiruesit.

Të gjitha lavderimet i takojnë Allahut, dhe paqja dhe shpëtimi qofshin mbi të dërguarin e Tij.

I nderuar pyetës, gëzohemi (lavdërohemi) për interesimin tuaj për dituri dhe për padurimin tuaj për të ditur se çfarë është e lejuar dhe çka jo. Ne e lusim Allahun që të ndihmojë në këtë rrugë të ndershme.

Në përgjithësi, martesa që të jetë e lejuar duhet ti plotësojë disa kërkesa si; shpalljen (lajmërimin) e martesës, pagesa për vajzën, pëlqimi mes dy palëve, leja nga Uali (i zoti i vajzës) dhe prezenca e dëshmitarëve.

Sa për martesësn e cila bëhet në vendet Perëndimore, duhet të theksojmë që nëse kontrata e martesës në këto vende i përmban të gjitha kërkesat që i përmendëm më lart dhe nuk përmban ndonjë shkak të Sheriatit që e kundërshton atë, ajo martesë është e lejuar, që do të thotë të gjitha të drejtat martesore (bashkëshortore) janë të lejuara. Megjithatë nëse njëri nga çifti është nga një vend musliman atëhere kontrata duhet të bëhet në atë vend (ose të regjistrohet në një konsullat të përshtatshme) kështu që të dy të drejtat e partnerëve të ruhen, sipas Sheriatit.

Për këtë gjë, Sheikh Fajsal Maulaui, Zëvëndës Kryetari i Këshillit Evropjan për Fetva dhe Hulumtime ka thënë:

“Martesa legale e cila bëhet në vendet Evropjane konsiderohet martesë e lejuar në Sheriat meqë (përderisa) nuk ka ndonjë shkak në Sheriat kundër asaj. Kjo ndodh për arsye se kushti kryesor në martesën e lejuar është pëlqimi i të dy palëve, gjë e cila ndodhet në rastin e martesës civile apo ligjore. Gjithashtu, shpallja zakonisht bëhet. Sa për kushtin e dy dëshmitarëve, sipas disa dijetarëve, është për të garantuar që martesa është shpallur, por kjo është e arritur në martesën legale. Kurse për pajtimin e të zotit të vajzës (Ualit) është një qështje me mospajtime në shkollat e Fikhut.

Për këtë, kushti i vetëm që e bën të palejueshëm martesën ligjore apo legale në Perëndim është nëse egziston ndonjë shkak që e ndalon martesën në Sheriat. Për shembull, muslimanit nuk i është e lejuar të martojë motrën e tij të birësuar, megjithëse kjo është e lejuar në vendet Evropjane. (Po ashtu, gruaja muslimane nuk është e lejuar të martojë një jomusliman dhe një musliman të martojë një jomuslimane përveçse një kristiane apo jahudite, kurse të gjitha lidhjet fetare për martesë janë të lejuara në vendet Perëndimire). Për këtë nëse një martesë bëhet mes një muslimani dhe motrës së tij të birsuar në një vend Perëndimor kjo martesë nuk është e lejuar në Sheriat, shkaku që e ndalon këtë martesë është harami në marrëdhënjet seksuale mes tyre.

Nëse nuk ka shkak të Sheriatit për ndalesë martesore, martesa e bërë në një vend Perëndimor konsiderohet martesë e lejuar në sytë e Sheriatit dhe mund të pranohet në gjykatat e Sheriatit të vendeve muslimane. Ky rregull është në veçanti për çiftet muslimane që kanë nacionalitet dhe origjin evropjane. Kështu që, nëse njëri apo të dy kanë nacionalitet nga ndonje vend musliman atëhere ata duhet ta bëjnë kontratën në atw shtet (ose të regjistrohet në konsullatë të përshtatshme kështu që martesa të njihet edhe jashtë). Megjithatë nëse ata e bëjnë kontratën në një vend jo musliman, martesa e tyre është e lejuar nëse nuk ka shkak në Sheriat që e ndalon atë, por ata janë gjyhnaqar për pranimin për të përdorur ligjin jo musliman dhe joparaqitjen në një ligj musliman.

Për sa i përket shkaqeve të Sheriatit që e ndalojnë martesën ato janë si më poshtë:

1. Nëse gruaja është një nga kategoritë e ndaluara në Sheriat siç është nëna, motra, vajza, tezet nga nëna dhe babai.

2. Nëna birësuese dhe motra e birësuar.

3. Një musliman nuk është i lejuar të martojë një grua të martuar, një vejushë apo një grua të divorcuar që është akoma në Iddah (periudha e pritjes) pasi është bërë vejushë apo e divorcuar. Vetëm mbas mabrimit të Idas (priudhës së pritjes) martesa është e lejuar.

4. Muslimani nuk është i lejuar të ketë në martesë më shumë se 4 gra në të njëjtën kohë, apo të ketë dy motra për martesë në të njëjtën kohë , apo të ketë një grua dhe tezen e saj nga babai apo nëna në të njëjtën kohë.

5. Gruaja muslimane nuk është e lejuar të martojë një jomusliman, dhe muslimani nuk është i lejuar të martojë një jomuslimane përveçse kristiane apo jahudite.

Allahu e di më së miri
Marë nga horizonti.com

Selamu Alejkum Ue Rahmetull-llahi Ue Berakatuhu.

Vella i dashur dhe i respektuar Abdusatar, sa i perket kesaj pyetje qe e keni bere, kisha deshire qe te te them dicka.

Postuar fillimisht nga Abdusatar

Selamun Alejkum
A lejohet martesa me të krishter? Pyetje kjo që më brengos prej kohësh që të mar një përgjigje të saktë Islame.

Në rastin e parë, kur mashkulli musliman martohet me femër krishtere kjo është e lejuar, me kusht që ajo krishtere të pranon Islamin.

Vella, sikurse e keni thene edhe vete, qe i lejohet nje Muslimani qe te martohet me nje te Krishtere, dhe ne kete pike nuk ka ndonje dyshim, porse ajo qe desha te shtoj une ne kete pike eshte, kur ju keni thene.... me kusht që ajo krishtere të pranon Islamin.

Nuk ka ndonje kusht te tille, porse ajo qe eshte e njohur, eshte se ka pasur prej Profeteve te cilet kane qene te martuar me Kafire etj.

Keshtu qe une nuk e di se nga ku e keni marur ju ate kushtin, All-llahu s.u.t. e din mesemiri.

Postuar fillimisht nga Abdusatar

Interesant është rasti i dytë, kur femra muslimane martohet me krishter, dhe krishteri e pranon Islamin, këtu nuk e kam të qartë!? Kurse njoh raste konkrete që mbasi është martuar me muslimane (edhe pse kjo jo edhe aq 100% muslimane), krishteri e ka pranuar Islamin dhe e aplikon ate 100%. Jam shumë i interesuar për argumentet e juaja.
Selam

Kurse sa i perket ketij rastit, kjo gje nuk eshte e lejuar, pasi All-llahu s.u.t. ne Kur`anin e Tij thote:
Qe ato (femrat Muslimane) nuk jane te lejuara per to (Kafirat).

Nese nje femer Muslimane martohet me nje te Krishter, Akti nuk quhet i sakte, dhe pasi ai i Krishteri e pranon Islamin, Akti midis te dyve duhet te behet perseri.

Kurse sa i perket rasteve, ato nuk jane argument ne Fe, pasi qellon qe njeriu nga Injoranca qe ka ndaj ligjeve te fese te kete vepruar ne ate menyre, ku ne te njejten kohe ajo, mendon se kjo Martese eshte e lejuar, kurse ne te kunderten nuk eshte ashtu.

Kaq me disa shkurtime.

Selamu Alejkum.