Tema: Çfarë do të ndodhë me gratë në Xhenet, nëse ato janë banore të Xhenetit ndërsa burrat e tyre jo ?!

Selamu alejkum
Kam nje pyetje per hoxhallar te Forumit...Kur vjen dita e xhykimit p.sh.nese nje bur dhe gruaja nuk e meritojne vendin e njejt dmth nese buri shkon ne xhennet sa kam lexuar une ato burrat ne ahiret e presin Hyrite dhe virgjereshat ,mirepo nese ndoll e kunderta nese gruaja e meriton xhennetin ndersa buri jo qka dot ndoll me grate ?Dhe nese te dyt e meritojne vendin e njet a dot jen bashk ne ahiret.
Allahu ju shperbleft me xhennet vellezer e motra.

Ve Alejkum Selam

Nëse gruaja është banore e Xhenetit, ndërsa burri i saj nuk është prej banorëve të Xhenetit, atëherë ajo grua do të martohet me ndonjë prej banorëve të Xhenetit, i cili nuk ka qenë i martuar në dunja.

Shejh Ibn Uthejmini, rahimehullah, ka thënë: ''Nëse gruaja është prej banorëve të Xhenetit dhe nuk ka qenë e martuar, apo ka qenë e martuar por burri i saj nuk është prej banorëve të Xhenetit, kur të hyjë në Xhenet, aty do të ketë meshkuj të cilët nuk kanë qenë të martuar (në dunja), dhe këta meshkuj do të kenë gra prej hyrive dhe gra prej njerëzve (femrave) të kësaj bote, nëse ato dëshirojnë...'' (Mexhmu Fetaua El-Shejh Ibn Uthejmin, 2.52).

Ndërsa nëse të dytë edhe burri edhe gruaja janë prej banorëve të Xhenetit, atëherë ata do të jenë bashkë në Xhenet.

Allahu subhanehu ue teala, thotë në Kur'an: ''(përfundimi i mirë është) Xhennete të Adnit (vende të përjetshme) ku do të hyjnë ata, edhe prindërit, gratë dhe fëmijët e tyre të cilët kanë qenë vepërmirë, ata do t’i vizitojnë engjëjt duke hyrë në secilën derë.'' (Er-Rr'ad 23).

Ibn Kethiri, rahimehullah në tefsirin e tij, gjatë komentimit të këtij ajeti, thotë: ''Domethënë, Allahu aty do t'i bashkojë ata me të dashurit e tyre, gjegjësisht prindërit, fëmijët dhe farefisin, normalisht nëse ata janë besimtarë dhe e meritojnë hyrjen në Xhenet, ashtu që të jenë të kënaqur edhe më të afërmit e tyre...''

Allahu subhanehu ue teala, gjithashtu thotë në Kur'an:

''Ata dhe shoqet e tyre janë nën hije të mbështetur në kolltukë.'' (Jasin, 56).

''Hyni në xhennet, ju dhe gratë tuaja, të gëzuar!'' (Ez-Zuhruf, 70).

Amin edhe juve, Allahu subhanehu ue teala, ju shpërbleftë.