Ka dal Omer Ibn el-Hattabi r.a një natë të errët i vetmuar dhe fshehurazi që mos ta shikoj askush, dhe ka hyrë në një shtëpi, pastaj ka hyrë në një shtëpi tjetër, mirëpo papritmas një person e sheh Omerin r.a mirëpo Omeri nuk e vren atë. Ai i cili e pa Omerin r.a ishte Talha r.a dhe mendoi se ka ndodh diçka, duke menduar se pse hyri Omeri në këtë shtëpi?! Dhe pse i vetmuar?! Dhe pse në mbrëmje?! Dhe pse u fshihte që mos ta shoh askush ?

Pasi që lindi dielli, shkoi Talha tek ajo shtëpia në të cilën e kishte parë Omerin se kishte hy, aty nuk takoi askënd përveç një plakë të verbër e të gjymtë, e pyeti atë:

"Çfarë është puna e një njeriu i cili po vjen tek ti?" Ajo nuk e dinte se ai njeri ishte Omer Ibn el-Hattabi (All-llahu qoft i kënaqur me të"), prijësi i muslimanëve, dhe tha: "Ai kujdeset për mua qe shumë kohë, për të gjitha çfarë kam nevojë unë, dhe e pastron shtëpinë."

Nuk është për tu çuditur me këtë vepër të Omer Ibn el-Hattabit r.a, prijësit të muslimanëve dhe kryetar të shtetit, sepse ai ka bërë edhe shumë vepra tjera të ngjajshme. Është për tu çuditur sesi është fshehur që mos ta shoh askush duke shkuar natën e errët që mos ta shoh askush dhe ta zbuloj fshehtësin e tij të cilen ka dasht ta bëjë vetëm për All-llahun [Xhele Shanuhu]

Transmeton gruaja e Hassen Ibn Sennanit, ku thotë:

"Binte për të fjetur Hasseni me mua në shtrat, dhe më mashtronte ashtu sikur e mashtron nëna fëmiun e saj, dhe pasi e shihte se unë kam fjetur u ngrinte dal ngadalë nga shtrati dhe fillonte të falet. Një ditë i thash: "O Ebu Abdullah (ky ishte pseudonimi i tij), pse po e mundon vetën kaq shumë, mëshiroje vetën pakë." Ai më tha: "Hesht, mos fol, sepse do të vijë një ditë kur do të shtrihem dhe nuk do të ngritem një kohë të gjatë."

Nga tregimet më të quditshme në çështjen e agjërimit është tregimi të cilin e transmeton Dhehebiu në Siren e tij ku thotë: ka thënë Fel-lasi se e kam ndëgjuar Ibn Ebi Ali duke thënë:

"Davud Ibn Ebi Hindi ka agjëruar dyzet vite, dhe për këtë nuk e ka ditur as familja e tij, e merrte ushqimin me vete që ia përgadisnin familja e tij që ta marr në punë (ai shiste mëndafsh) dhe ua shpërndante të vobektëve"

Muhammed Ibn Vas' thotë: "Kam takuar burra të cilët kanë qajtur në shtrat dukë fjetur me grat e tyre njëzet vite me radh, duke mos e diktuar grat këtë gjë, poashtu kam takuar burra të cilët kanë qajtur në namaz dhe nuk e kanë hetuar këtë gjë ata të cilët kanë qenë pranë tyre."

Kjo pra tregon sinqeritetin e tyre, nuk kanë pas dëshir që ta dijë askush se ai qan nga frika e xhehnnemit apo nga shpresa për në xhennet, apo po qan nga kënaqësia e namazit.

Kjo ishte gjendja e Selefëve tanë të devotshëm, All-llahu na bëft prej atyre që bëjnë ibadete dhe i fshehin ato, All-llahu na bëft prej atyre syt e të cilëve qajn nga frika nga dënimi i All-llahut.

përgaditi: Eroll Nesimi
autor: Ibrahim Duvejshi
burimi: Kur´an dhe Sunnet - Faqe Islame në Gjuhën Shqipe

__________________