Bismil-lahirr-rrahmanirr-rrahim

ZEKATI I FITRIT

Dhënia e Zekatit të Fitrit është obligim mbi të gjithe Muslimanët
Nën autoritetin e Abdullah Ibn ‘Umar (ra) i cili tha: “ Resulullahu(Salallahu Alejhi ve Selem) e obligoi dhënien një saa’ [saa’: është një masë e thatë e cila ka katër amdaad. Amdaad është shumësi i mudd, i cili është mbushja e e të dy duarve të bashkuara bashkë (grusht) e një mase mesatare të duarve të njeriut] elb si Zekat Fitr, nga çdo rob ose njeri i lirë, mashkull apo femër, i ri apo i vjetër, nga mesi i Muslimanëve, dhe ai urdhëroi që të paguhet para se njerëzit të shkojnë për të ofruar faljen e Namazit të Bajramit.”
[Mbledhur nga Buhariu dhe Muslimi]
Zekati i Fitrit është pastrim, dhe ushqim për të varfërit
Nën autoritetin e Abdullah Ibn Abbaas (ra) i cili tha, “ Resulullahu(Salallahu Alejhi ve Selem) e obligoi dhënien e Zekatit të Fitrit si një pastrim të agjërimit nga fjalët e kota dhe të ndyra dhe si ushqim për të varfërit. Në qoftë se dikush e jep atë para Namazit (të Bajramit), do të jetë një Zekat i pranueshëm. Në qoftë se ndonjëri e jep [paguan] atë pas Namazit (të Bajramit) ajo konsiderohet sadaka, si të tjerat sadaka”.
[Mbledhr nga Ebu Davud, Ibn Maxheh, dhe vërtetuar nga El – Albani]
Kush duhet t´a japë Zekatin e Fitrit?
Nën autoritetin e Abdullah Ibn ‘Umar (ra) i cili tha: “ Resulullahu(Salallahu Alejhi ve Selem) e obligoi dhënien të një saa’ të hurmave ose një saa’ të elbit si Zekat të Fitrit nga çdo rob ose person i lirë, mashkull apo femer, i ri apo i vjetër, nga mesi i Muslimanëve; dhe ai urdhëroi që të jepet para se njerëzit të shkojnë të ofrojnë faljen e Namazit të Bajramit”.
[Mbledhur nga Buhariu dhe Muslimi]
Sa duhet të japë një person për Zekatin e Fitrit?
Nën autoritetin e Abu Sa’eed Al – Khudree (ra) i cili tha: “Ne jepnim një saa’ me ushqim ose një saa’ me elb ose një saa’ me hurma ose nje saa’ me akitt [gjizë] ose një saa’ me rrush të thatë si Zekatul Fitr.”
[Mbledhur nga Buhariu dhe Muslimi. Në transmetimin e Imam Malikut në Mawatta shton, “saa’ “ me grurë]
Çka është nënkuptuar [synuar] me ´ushqim´ në hadithin paraprirës?
Janë tre kuptime që Ulematë [Dijetarët] japin se çka është nënkuptuar (synuar) me ushqim. Kuptimi i parë është që “ushqimi” i cili është permendur në vetë ahaadeeth [hadithet], elb, hurma, akitt, dhe rrush të thatë.
Përcaktimi i dytë është që “ushqim” ka kuptimin grurë, i cili nuk është një kuptim korrekt. Në çdo rast është gjithashtu e lejueshme me dhënë Zekatin e Fitrit në grurë [i cili mundet gjithashtu të nënkuptohet miell, dhe All – llahu din më mirë], gjysma e shumës së artikujve ushqimore të tjerë [dy amdaad]. Nën autoritetin e Abdullah Ibn ‘Umar (ra) i cili tha “Njerëzit [këtu ‘njerëzit’ përmendet tek Mu’aaweyah (ra)] e bëri të barasvlershëm muddan [dy mudd] të miellit” [Mbledhur nga Buhariu dhe Muslimi]
Përcaktimi i tretë është që: “ushqim” përmendet [referohet] në artikujt e përgjithshëm ushqimorë të thatë të tokës [katundit, shtetit, rajonit, qytetit etj]; si orizi, groshët, dhe të tjera si këto. Ky është percaktimi i shumicës.
All – llahu din më mirë. Megjithatë, udhëzimi më i shkelqyer është udhëzimi i Muhammedit(Salallahu Alejhi ve Selem). Dhe gjenerata më e mirë është ajo e Sahabeve.
Nuk është e lejueshme me dhënë Zekatin e Fitrit në para
Immam en – Neveviu, All – llahu pastë mëshirë në të, tha: “Ulematë [Dijetarët] në përgjithësi Nuk e Lejojnë Zekatin e Fitrit të Jepet [Paguhet] në Para, por Ebu Hanife e shikon të lejueshme”
Megjithatë, përcaktimi i Ebu Hanifes, All – llahu pastë mëshire në të, është i papranueshem dhe i refuzuar nga hadithi i Resulullahut(Salallahu Alejhi ve Selem) dhe ajo në të cilën ishin Sahabet (ra).
Nën autoritetin e Amr Ibn Al – Os (ra) i cili tha: ‘Unë dëgjova Resulullahun(Salallahu Alejhi ve Selem) duke thënë’: “Në qoftë se një kadi (gjykatës) jep një vendim në përputhje [harmoni] me më të mirën dije të tij dhe vendimi i tij është korrekt [pajtohet me vendimet e All – llahut dhe Resulullahut(Salallahu Alejhi ve Selem)] ai do të ketë një shpërblim të dyfishtë [një për qëllimin e tij të mirë dhe tjetrin se ka qenë korrekt], dhe në qoftë se ai jep një vendim me më të mirën dije të tij dhe vendimi i tij është i gabuar [në mospërputhje me All – llahun dhe Resulullahun(Salallahu Alejhi ve Selem) edhe atëhere ai do të ketë një shpërblim [për qëllimin e tij të mirë dhe përpjekjet për të qenë korrekt]. [Mbledhur nga Buhariu, dhe Muslimi]
All – llahu thotë “O ju që besuat, bindjuni All-llahut, respektoni të Dërguarin dhe përgjegjësit nga ju. Nëse nuk pajtoheni për ndonjë çështje, atëherë parashtrone atë te All-llahu (te libri i Tij) dhe te i Dërguari, po që se i besoni All-llahut dhe Ditës së Fundit. Kjo është më e dobishmja dhe përfundimi më i mirë” [Surah En – Nisa´: 59]
Nën autoritetin e Irbaad Ibn Saariyah (ra) i cili tha: ‘Një ditë Resulullahu(Salallahu Alejhi ve Selem) na priu neve në namaz, dhe u vendos përballë nesh dhe dha një fjalim [ku na apeloi, dhe urdhëroi] në të cilin sytë derdhën lotë dhe zemrat u frikësuan. Një njeri tha: ´ O Resulullah(Salallahu Alejhi ve Selem), duket sikur të ishte fjalimi i lamtumirës, kështu, çfarë këshille na jep neve?’ Ai atëhere tha: “Unë ju këshilloj juve t´i frikësoheni All –llahut, dhe të dëgjoni dhe bindeni edhe po të jetë një skllav i Abisinisë, ngase ata që do të jetojnë pas meje do të shohin mosmarrëveshje. Ju atëherë duhet të ndiqni Sunnetin tim dhe atë të Halifeve të Drjetë e të Udhëzuar. Kapuni në të dhe ngjituni shpejt në të. Shmanguni risive [gjërave të reja në fe], ngase çdo risi është bidat, dhe çdo bidat është devijim.”
[Mbledhur nga Ebu Davudi dhe Et – Tirmidhiu dhe vërtetuar nga El – Albani]
Zekati i Fitrit duhet të shpërndahet në Ditën e Bajramit para Namazit
Nën autoritetin e Abdullah Ibn ‘Umar (ra) i cili tha: “ Resulullahu(Salallahu Alejhi ve Selem) e obligoi dhënien të një saa’ të hurmave ose një saa’ të elbit si Zekat të Fitrit nga çdo rob ose person i lirë, mashkull apo femër, i ri apo i vjetër, nga mesi i Muslimanëve; dhe ai urdhëroi që të jepet [Zekati i Fitrit] para se njerëzit të shkojnë të ofrojnë faljen e Namazit të Bajramit”.
[Mbledhur nga Buhariu dhe Muslimi]
Është e lejueshme të shpërndahet Zekati i Fitrit një ditë ose dy para Bajramit
Nën autoritetin e Naafi’, All – llahu pastë mëshirë mbi të, se Ibn ‘Umar (ra) ua jepte atë [Zekatin e Fitrit] atyre që e mblidhnin atë. Ata jepnin [Zekatin e Fitrit] një ditë apo dy ditë përpara [Bajramit] Fitrit.
[Mbledhur nga Buhariu]
Është e ndaluar të vonuarit e shperndarjes së Zekatit të Fitrit pa ndonjë justifikim
Nën autoritetin e Abdullah Ibn Abbaas (ra) i cili tha: “Resulullahu(Salallahu Alejhi ve Selem) e obligoi dhënien e Zekatit të Fitrit si një pastrim të agjërimit nga fjalët e kota dhe të ndyra dhe si ushqim për të varfërit. Në qoftë se dikush e jep atë para Namazit [të Bajramit], do të jetë një Zekat i pranueshëm. Në qoftë se ndonjëri e jep atë pas Namazit [të Bajramit] ajo konsiderohet sadakë, si të tjerat sadaka”.
[Mbledhr nga Ebu Davudi, Ibn Maxheh, dhe vërtetuar nga El – Albani]
Zekati i Fitrit është ushqim për të varfërit
Nën autoritetin e Abdullah Ibn Abbaas (ra) i cili tha: “Resulullahu(Salallahu Alejhi ve Selem) e obligoi dhënien e Zekatit të Fitrit si një pastrim të agjërimit nga fjalët e kota dhe të ndyra dhe si ushqim për të varfërit. Në qoftë se dikush e jep atë para Namazit të [Bajramit], do të jetë një Zekat i pranueshëm. Në qoftë se ndonjëri e jep [paguan] atë pas Namazit [të Bajramit] ajo konsiderohet sadakë, si të tjerat sadaka”.
[Mbledhr nga Ebu Davudi, Ibn Maxheh, dhe vërtetuar nga El – Albani]
Zekati i Fitrit nuk është për t´u dhënë për gruan e cila nuk është Muslimane
Nën autoritetin e Abdullah Ibn ‘Umar (ra) i cili tha: “ Resulullahu(Salallahu Alejhi ve Selem) e obligoi dhënien të një saa’ të hurmave ose një saa’ të elbit si Zekat të Fitrit nga çdo skllav ose person i lirë, mashkull apo femër, i ri apo i vjetër, nga mesi i Muslimanëve; dhe ai urdhëroi që të jepet para se njerëzit të shkojnë të ofrojnë faljen e Namazit të Bajramit”.
[Mbledhur nga Buhariu dhe Muslimi]
përktheu nga gjuha angleze, Hamza Ibn Fadl al – Albanee

Zekati i Fitrit (Sadakatul-Fitri)

Zekatul Fitri në Ramazan është i emërtuar ashtu ngase shkaku për te është “Fitri”-bajrami dhe lidhja me te është lidhje e gjërës me shkakun e saj.
Argument për obligimin e tij është Kur’ani, Sunneti dhe Ixhmaja.
Allahu thotë:

“ka shpëtuar ai që e pastron”

thuan disa nga selefi se këtu “tezekka” ka të bëjë me nxerjen e zekatul-fitrit.
Poashtu hyn në përgjithshmërinë e ajetit:

“dhe jepni zekatin”

në sahihejn dhe në tjerat:

“Resulullahu [sal-lall-llahu alejhi ve sel-lem] e ka bërë farz sadakatul-fitrin një sa’ (katër grushta) gru ose një sa’ shirija, qoftë i vogël ose i madh, burrë ose grua, i lirë ose rob.”

Dhe është terguar nga më shumë se një dijetar për ixhmanë e muslimanëve në obligimin e nxjerjes së tij.
Zekatul-fitri është vaxhib për çdo musliman, qoftë i vogël ose i madh, burrë ose grua, i lirë ose rob nga hadithi që e transmeton Ibën Omeri [radijall-llahu anhu] që e përmendëm më parë.

Poashtu ën këtë hadith është caktuar edhe sasia e caktuar për cdo person një sa’ (katër grushta) si dhe lloji nga ajo që më tepër ushqehen njerëzit në atë vend qoftë ajo gru, shirija, hurma, ullinj apo tjetër.
Sikur që na ka treguar edhe për kohën e dhënies së tij Zekatul-fitri nxiret ditën e Bajramit para se të falet namazi i Bajramit, ashtu që koha më e mirë për dhënien fillon prej pas akshamit të natës së bajramit deri sa të falet namazi i Bajramit mirëpo mundet të jepet edhe para kësaj dite (një ose dy ditë), transmeton Buhariu rahimehullah se sahabet e kanë dhënë edhe një ditë ose dy ditë para dhe kjo është ixhma nga ata.

Dhënia e Zekatul-fitrit ditën e Bajramit para se të falet namazi i Bajramit, nëse i kalon ajo kohë atëherë obligohet ta japë ate si kompenzim. nga hadithi i ibn Abbasit :

"Kush e jep ate para namazit ajo është sadaka e pranuar, dhe kush ejep pas namazit ajo është një sadaka prej sadakave”

dhe ka bërë mëkat me vonimin e dhënies nga koha e caktuar ngase ka vepruar në kundërshtim me urdhërin e Resulull-llahut (sal-lall-llahu alejhi ve sel-lem).

Muslimani e jep për vehte dhe për ata që ai i furnizon nga gratë dhe farefisin si pasojë e përgjithshmërisë së fjalës së Pejgamberit (sal-lall-llahu alejhi ve sel-lem):

“jipne Fitrin për ata që i mbani me pasuri”

Preferohet dhënia për fëmijën që është në bark për shkak se Othamni radijall-llahu anhu ka vepruar ashtu.
Nëse ai që e ka obligim tjetër kush dhënien e fitrit për te e nxjerr nga ai që e ka obligim këte pa lejen e tij, është e lejuar, ngase kjo i është bërë obligim i parë atij kurse tjetri është zëvendësim dhe jo bazë. Nëse e jep një person fitrat për dikend që nuk e ka obligim dhënien për te, lejohet nëse është me lejen e tij kurse pa leje prej vehte personit, nuk lejohet.
Për ate që e ka obligim dhënien e fitrave për tjetrin duhet dhënë për vehte dhe për tjetrin në vendin ku gjindet edhe nëse ai tjetri është në vend tjetër.
E pamë të rrugës të japim këtu disa fjalë mbi llojin e asaj që jipet për fitra nga Ibn Kajjimi rahimehullah i cili thotë:

“dhe këto ishin ushqimi më i shpeshtë në Medine, dhe vendet dhe krahinat ku ushqimi është tjetër, atyre u takon të japin një sa’a nga ai ushqim. Dhe nëse ushqimi nuk është nga grurërat sikur qumështi, mishi dhe peshku; duhet të japin fitart e tyre nga ushqimi që kan në ate vend cfarëdo lloji qoftë ai. Kjo është fjala e xhumhurit (shumica e dijetarëve) dhe është e drejtë që nuk lëviz dot. Pra lejohet edhe dhënia miell edhepse hadithi nuk e cek ate, kurse sa i përket dhënies së ushqimit të gatshëm ose bukës ajo edhepse mundet me qenë më e dobishme për të vobektit, nga shkaku i rëndësisë dhe ngase nuk qëndron gjatë kohë, munden drithërat të jenë më të dobishme për ta ngase qëndrojnë më gjatë”

Sa i përket dhënies së fitrave në vlerën e ushqimit, të jipet të holla në vlerë të asaj sasie; është veprim në kundërshtim me sunnetin dhe kjo nuk është e lejuar ngase nuk është përcjellur nga Resulullahu se ka dhënë vlerën për fitrin e as nga ndonjëri prej sahabeve (shokëve të Pejgamberit).

Thot imam Ahmedi: “nuk jipet vlera”

I thuhet atij: disa njerëz thojnë: Omer ibn AbdulAzizi e ka marrë ate në vlerë!
Tha: E lëjnë fjalën e Resulullahut [sal-lall-llahu alejhi ve sel-lem] anash dhe thojnë: ka thënë filani, kurse ibn Omeri transmeton se “Resulullahu [sal-lall-llahu alejhi ve sel-lem] e ka obliguar…..” (hadithi i lartëpërmendur)

SadakatulFitri duhet të arrijë tek konsumuesi në afatin e caktuar për dhënien e tij, ose tek i autorizuari i cili është i caktuar për marje në zëvendëim të tij. Nëse nuk gjen të autorizuar në afatin e caktuar i obligohet dhënia ndonjë personi tjetër.

Këtu gabojnë disa njerëz kur lëjnë Zekatin e fitrit tek persona të cilat nuk janë të autorizuar nga konsumuesi dhe duhet pasur kujdes.

Salih bin Fevzan Fevzani

Gjithçka rreth Zekatul-Fitrit (vitrave)

Domethënia dhe shkaku i emërtimit të saj:
Është quajtur “Sadekatul-fitri” ; sepse shkaku i obligueshmërisë së saj është përfundimi i agjërimit të muajit të Ramazanit, ndërsa është quajtur “zeqat (pastrim)” për shkak se e pastron shpirtin e njeriut dhe e përforcon atë, por gjithashtu edhe e plotëson ndonjë mangësi të mundshme gjatë agjërimit, duke pasur parasysh gjithherë se ka dallim mes zeqatit në pasuri dhe mes zeqatit të fitrit.
Kur është bërë obligim?
Obligueshmëria e sadekatul-fitrit ka ndodhur në vitin e dytë të hixhretit – dmth përnjëherë me agjërimin- argument për obligueshmërinë e sadekatul-fitrit është Kur’ani, hadithet e Pejgamberit a.s. si dhe konsensusi i dijetarëve islam. Allahu xh.sh thotë: “ Ka shpëtuar ai që është pastruar”. El-Aëla, 14. Ndërsa në dy koleksionet e hadithit ( Buhariut dhe Muslimit) qëndron se: “ Pejgamberi a.s. e ka bërë obligim sadekatul-fitrin ....” . Dijetarët janë të një mendimi si në të kaluarën po edhe tash se sadekatul-fitri është obligim (vaxhib), kurse banorët e Medinës nuk shohin lëmosh më të mirë se sa sadekatul-fitrin.
Dispozita e sadekatul-fitrit:
Dijetarët ( الجمهور ) janë të një mendimit se sadekatul-fitri është vaxhib duke u bazuar në hadithin që transmeton ibn Omeri r.a.: “ Se Pejgamberi a.s. e ka bërë obligim sadekatul-fitrin në Ramazan një Sa’ë nga hurmat ose një Sa’ë nga elbi për çdo njërin, të lirë apo rob”.
Urtësia e sadekatul-fitrit:

Është bërë obligim sadekatul-fitri për ta pastruar shpirtin e njeriut nga të metat siç mund të jetë koprracia apo diçka tjetër, pastaj për ta pastruar agjëruesin nga ndonjë mangësi që ka mundur t’i ndodhë gjatë agjërimit siç mund të jetë ndonjë fjalë e keqe apo përgojim etj, pastaj për t’i shtuar sevapet dhe për t’i zmadhuar punët e mira në këtë muaj, pastaj solidarizim me të varfëritë dhe ata që nuk kanë që bile në ditën e Bajramit t’mos e shtrijnë dorën. Gjithashtu nga urtësitë e sadekatul-fitrit është edhe shfaqja apo shprehja e falënderimit ndaj begative të Zotit ndaj njeriut që ia ka bërë të mundur ta agjëroj këtë muaj të bekuar të falë namaz për Zotin e të veproi shumë veprat tjera të mira. Gjithashtu nga urtësitë e sadekatul-fitrit është edhe përhapja e dashurisë dhe respektit mes shtresave të ndryshme të shoqërisë islame, etj etj.
Kush e ka obligim? Është obligim për çdo mysliman, femër apo mashkull, rob apo i lirë, fëmijë apo i rritur me konsensusin e të gjithë dijetarëve mysliman. Mirëpo dijetarët kanë vendosur një kusht ai është: ai që jep sadekatul-fitrin të ketë sasi ( të holla, drithëra etj) që i mjafton atij dhe familjes së tij për ditën e Bajramit dhe natën e tij për të gjitha nevojat prioritare.
Kush për kë e ka obligim ta jap sadekatul-fitrin?
Personi përgjegjës e jep sadekatul-fitrin për veten e tij dhe për ata që janë nën përkujdesjen e tij siç janë fëmijët, bashkëshortja dhe prindërit nëse janë nën përkujdesjen e tij dhe nuk kanë mundësi t’i japin.
Kujt i jepet sadekatul-fitri? Dijetarët janë të një mendimit se sadekatul-fitri u jepet të varfërve mysliman, ndërsa Imam ebu Hanife e ka lejuar që tu jepen edhe atyre personave që nuk janë mysliman por janë nën përkujdesjen e shtetit Islam ( ehludh-dhimme) , ndërsa për kategoritë tjera që janë të përmendura në Kur’ani nuk u jepet përveçse nëse ka ndonjë nevojë ose interes fetar.
Koha e dhënies së sadekatul-fitrit:

Parimisht, sadekatul-fitri duhet të jepet para namazit të Bajramit duke u bazuar në hadithin e Prjgamberit a.s. se ai “ ka urdhëruar që ajo të nxirret para daljes së njerëzve për namaz”, dhe nuk lejohet vonimi i saj nga dita e Bajramit. Lejohet dhënja e sadekatukl-fitrit edhe në fillim të muajit kur është nevoja e në veçanti nëse u jepet organizatave të ndryshme bamirëse të cilave u merr kohë shpërndarja e tyre.
Drithëra apo të holla?

Sadekatul-fitri jepet në sasi të një Sa’i ( një Sa’ë është katër grushta të duarve të një njeriu mesatar) nga hurmat, elbi, rrushi i terur ose gruri, apo çdo ushqimi tjetër i cili është ushqim i atij vendi, ky është mendimi i shumicës së dijetarëve dhe imamëve të njohur. Mirëpo lejohet dhënia e vlerës së mallit në të holla sepse kjo sigurisht është më e dobishme për të varfëritë dhe më e lehtë në këtë kohë, njëherit ky është mendimi i dijetarëve të medh’hebit hanefij si dhe mendimi i Omer ibn AbdulAzizit dhe Hasan el-Basriut.
Mënyra e llogaritjes së vlerës:

Vlera ndryshon varësisht llojit që dëshiron ta nxjerr ai që e jep sadekatul-fitrin, për shembull ka njerëz që dëshirojnë ta nxjerrin nga orizi atëherë ai duhet ta nxjerr zeqatin në vlerë të dy kilogram e gjysmë orizi, p.sh. nëse një kg oriz ka vlerën 2 € (dy euro) atëherë ai i jep 5 € ( pesë euro), për çdo individ. Por nëse donë ta nxjerr nga ndonjë lloj tjetër atëherë vetëm e shikon vlerën dhe vepron sikur më parë.
Tabela e llojeve nga të cilat jepet sadekatul-fitri:

Kjo tabelë e sqaron emrin e llojit dhe sasinë e saj në kilogram pastaj çdonjëri ta bëjë llogarinë e çdo lloji sipas vendit ku jeton, më pastaj nxirret vlera e sadekatul-fitrit duke u bazuar në këtë parim.

Emri i llojit Sasia në kg për një Sa’ë
Orizi 2.15 kg
Pasuli 2.600 kg
Hurma 1.5 kg
Rrushi i terur 1.5 kg
Misri 1.900 kg


Nxjerrja e sadekatul-fitrit për Fetusin:

Ibn Hazmi thotë se është vaxhib dhënia e sadekatul-fitrit për fetusin i cili gjendet në barkun e nënës nëse i ka mbushur 120 ditë, ndërsa shumica e dijetarëve (الجمهور ) thonë nuk është vaxhib, kurse Jusuf el-Karadavi thotë është mustehab, andaj njeriu mund të zgjedh.
Transferimi i sadekatul-fitrit:

Parimisht nuk lejohet transferimi i sadekatul-fitrit prej një vendi në vendin tjetër, mirëpo lejohet nëse nevoja është më e madhe në atë vend ku do të transferohet.
Sadekatul-fitri dhe pranimi i agjërimit:

Agjërimi i Ramazanit nuk e eliminon obligueshmërin e dhënies së sadekatul-fitrit gjithashtu as dhënia e sadekatul-fitrit nuk e eliminon obligueshmërinë e agjërimit sepse çdonjëra është e obliguar në mënyrë të pavarur dhe çdonjëra prej tyre është obligim për myslimanin që ka mundësi; mirëpo nuk duhet t’i themi atij që agjëron dhe nuk e jep sadekatul-fitrin se nuk i pranohet agjërimi edhe pse e dimë dhe nuk duhet të harrojmë se Islami është një tërësi që nuk pranon ndarje dhe se obligimet e tij të gjitha duhet të realizohen.
Personi që nuk ka mundësi ta jep sadekatul-fitrin:
Nëse një mysliman nuk posedon diçka më shumë se sa për nevojat e tij dhe të familjes së tij deri në agim të ditës së Bajramit atëherë ai nuk e ka për obligim dhënien e sadekatul-fitrit. Allahu xh.sh. thotë: “ Allahu nuk e obligon asnjë njeri përtej mundësisë së tij,...” dhe “ Allahu me këtë dëshiron lehtësim për ju, e nuk dëshiron vështirësim për ju”.


Marr nga: www.islamonline.net
Nga gjuha arabe
Vedat Shabani
Prishtinë, 04.10.2007

__________________
“Indeed Allah has purchased from the believers their souls and their wealth, in exchange for Paradise…”(Kur'an)